قضيه وانتهت

[شاكـر محمـد]

لا عاد ترجاني وانا يوم جيتك=لقيتك اللي بالمشاعر تسلاّ
تدري؟ ورب البيت فعلاً بكيتك=ومتعمّد اخلي دموعي تهلاّ
ومن كثر دمعي لو بعيني لقيتك=يكون طحت وطاح طيفك وزلاّ
لكن في قلبي مكانك وبيتك=واثرك دريت وقمت عنّي تغلاّ
يا ما ليالي بالمحبه سريتك=حتى قصيدي فيك طرقه يشلاّ
غرّك وفاي وغرّك اني عطيتك=مفتاح قلبي وقلت فيه استظلاّ
واسرفت يوم اني بصدقي سقيتك=شهد الغلا اللي من رحيقه تِعلاّ
عز الله اني وقتها ما هقيتك=ترمي في العد المصفّى بملاّ
جرّحتني حتى انني ما دعيتك=تشوف جرحك كيف فيني تجلاّ
ويوم انت كثرت الجفا قلت ليتك=تاخذ معك قلبن بجمرك تصلاّ
لكن خلّيته وانا ما رجيتك= قلبي وانا اولى به ولو هو معلاّ
حاولت ينسى غير ياكبر صيتك=حتى ان نبضاته بذكرك تملاّ
كن الدم اللي فيه لامن شكيتك=جيوش تحربني متى قلت ولىّ
وانياط قلبي ترتعش لا طريتك =وان العروق اغصان باسمك تدلاّ
وبالرغم من هذا فانا ما نخيتك=طوّعت قلبي لين طاع وتخلاّ
حتى نساك القلب وانا نسيتك=ما عاد هو باللي بوصلك يهلاّ
طويت صفحة من حياتي, طويتك=اصلا مضيّعها في اية سجلاّ
حتى ولو بالصدفه مرّة قريتك=مرّيتها مرّ السحاب المعلاّ
حبك قضيه وانتهت ما بديتك=من دون كوني اعودها الف كلاّ

[بنت النور]

عــــز الله انــــي وقـتـهــا مـــــا هـقـيـتــكتــرمــي فــــي الــعــد الـمـصـفّــى بــمـــلاّ
جرّحـتـنـي حـتــى انـنــي مـــا دعـيـتـكتـشـوف جـرحـك كـيـف فـيـنـي تـجــلاّ
ويـوم انـت كثـرت الجفـا قـلـت ليـتـكتـاخــذ مـعــك قـلـبـن بـجـمـرك تـصــلاّ
لـــكـــن خـلّـيــتــه وانـــــــا مـــــــا رجــيــتـــكقلبـي وانـا اولـى بــه ولــو هــو مـعـلاّ



كلمات لها معنه رنان
صح لسـآان شآعرهآوإعتلى شـآاان كتبها
أبيآات في قمة الجمآاال
رآااق لي مـآتم طرحهـ بين السطوور
دوم على القووهـ يـآاارب
وودي..:"

[داعي الشوق]

طيب يا شاكر طيب

صح لسانك و حالك و بالك

رغم قسوتها الا انها رائعه جدا

صح لسانك مدد يالشاعر

ولاهنت

[منيع]

اكثر من رائعة
جزيل الشكر لكم
تحياتي

[الطائر المهاجر]

صح لسانك
طيبه من طيب
لاهنت
تحياتي

[احمد الكثيري]

صح لسانك واعتلى شأنك
ابيات رائعه وجميله لا املك
الا ان اقول سلمت وبارك الله
فيك لا تحرمنا ابداعك وجمال
حروفك التي يطرب لها القلب
ويطرب لها الكل
لك مني كل التقدير

[ساهر الليل]

ياسلام عليك شاكر

سنفونيه بعزف منفرد

راقت لي بماحوت من معاني

صح لسانك ياعمووو وكان الله بعونك ههههههه

تقبل تحياتي وودي

[عبدالمحسن الرحمه]

ياسلام سلم على هذا التميز الرائع منك
شاعرنا القدير محمد إبداع منقطع
النضير صح الله السانك

[الطامي]

[color= ]

طويت صفحة من حياتي, طويتكاصـــلا مضـيّـعـهـا فــــي ايــــة ســجــلاّ

[/color]

[color= ]

حـتــى ولــــو بـالـصـدفـه مــــرّة قـريـتــكمـرّيــتــهــا مـــــــرّ الــســحـــاب الــمـــعـــلاّ

[/color]

شاكر
صح السانك ملايين
مميزة ورائعة
لاهنت

[نجم الإبداع]

صح لسانك ياشاكر