نادوا لابو مياس لايروح عني

[نجم الإبداع]

ودوا لابو مياس الاخبار عنّي = قولوا له ان صويحبك بات محرور
من ساحرات الطرف ذا صوبنّي=كني غريق وبالفلاء صرت مسحور
بالسوق صدفه من ولع ناظرنّي = بعيون من فوق الوجن فاتنه حور
لولا الحياء من شوقهن كلمنّي=وانا يالولا الخوف من منزل الطور
قلّبتها بالفكر وامست تغني = وتقول لاياقلب لا مانت معذور
والقلب في حب الجمال امتحني= وامسى من اللوعه كما عش دبور
ياعود بان اخضر بديع التثني=من نبع في ذي عين بالفن مشهور
بعدك عن عيوني بروحي مكني=اذكرك في نومي ومع فجّة النور
طال الغياب وحزن قلبي سكني=عقبك فلا لي بالهوى شعرة الثور
هذا الزمان اودى بشيعي وسني=والخوف من زلة قدم بين محضور
قالوا لي المسيار واثره تجني = كم من فضائح به وكم به من الزور
واليوم شوف الشات ناره تقني=تاه الشباب وشايل العود طنبور
الخوف لو جاك الهوى دون مني=تطرد سراب وتسري الليل مقهور
هذي اسامي انس واسماء جني = انثى ذكر يمكن صقر صار شحرور
ياصاحبي منّك صفى لي ومني =يجلى الصواب ويبتدي عقبه الدور
احترت بالحاله ومن حسن ضني=جيتك على حرف الجَزّل وانت دكتور
جاوب حروفي وانت لاشك فني=تعرف علوّ الموج في بحر مسجور

[ســُلاف]

ودوا لابو ميـاس الاخبـار عنـي
قولوا له ان صويحبك بات محـرور
لك مني يافلاح اكلم خالي واخليه يجي على بساط الريح
صح لسانك

[ابومالك رسام]

فلاح بن منشار لاهان راسك = ودمت نبراس الأدب وانت سالم

تقبل مروري إلى حيقة ابداعك وانا متابع

لكتاباتك تحياتي لك وسلامي

الخوف لو جاك الهـوى دون منـي = تطرد سراب وتسري الليل مقهـور
هذي اسامي انس واسمـاء جنـي = انثى ذكر يمكن صقر صار شحرور

[خالد العمري]

والقلب في حـب الجمـال امتحنـي=وامسى من اللوعه كما عش دبـور

صح لسانك وعلا شأنك وسِلم بنانك

[عبدالله الشويمان]

الله الله يا فلاح

صح السانك وعلا شانك يا الذيب

قصيده حاميه


لا هنت يا الغالي

الخوف لو جاك الهـوى دون منـي
تطرد سراب وتسري الليل مقهـور

فلاح ابن منشار

صح لسانك

ابيات جزله من شاعر جزل

تحياتي

[صنداح الزلامى]

بالسوق صدفه من ولـع ناظرنـي=بعيون من فوق الوجن فاتنه حـور




فلاح صح لسانك

ولا تروح للسوق السوق هو اساس البلاء

[الأموره]

الله ،، الله

صح لسانك ملايين

سلمت و سلم فكرك ،

الف شكر لك ،

دمت برعاية الخالق ،

[نجم الإبداع]

المشاركة الأصلية كتبت بواسطة ســُلاف

ودوا لابو ميـاس الاخبـار عنـي
قولوا له ان صويحبك بات محـرور
لك مني يافلاح اكلم خالي واخليه يجي على بساط الريح
صح لسانك

اهلا ياخت سلاف


صح قلبك

شكرا لحضورك وردك وتسلمين على ايصال الرساله



لاهنتي

[صوت الإحساس]

تعظيم سلااااام


يافلاااااااح



صح كلك يالجزل


متمكن لاعدمتك


لك ودّي


ولحرفك إعجابي



محبك / أبو سجا