واجعل لنا يالله من الذنب غفران

[نجم الإبداع]

يالله طلبتك في التقى والهدايه=وانك لنا تكتب من الذنب غفران
يامن بنورك تشرق الشمس آيه=والبحر موجه لك يسبح وشفقان
ياللي اليك المنتهى والبدايه=يامن لاجل عبادتك صغت الانسان
ارفق بنا بين الفتن والغوايه=في وقت فيه القتل سنه للاوطان
من قرننا الخمس عشر للروايه=باكتب لتاريخ العرب وصف باتقان
في الف واربع ميه هجري ندايه=واثنين وثلاثين في شهر الاحسان
العصر فيه الطايره والقرايه=وفيه فوق الارض موتر بنيران
تلفاز فيه الكاسيات العرايه = والظلم كنه لبس قمصان كتان
نفوس حب المال فيها كفايه=لاقامت المله ولاشدت اركان
القدس محتله لصهيون رايه=والرافدين احتلها جيش صلبان
من تونس اسقط زين لاجل الجنايه=ومصر حسني صار فالحبس غلبان
في ليبيا للحرب ستين رايه=وبشار بارض الشام يقتل وينعان
وارض اليمن للقتل فيها عوايه=والوضع متردي وانا منه حيران
مادري علام المسلمين النفايه=تحتل اراظيهم وعرض العرب هان
والذيب ياكلها وهي بالغفايه =زد ياغثاء السيل في كيل الاحزان
يالله وانا عبدك تجيب ال دعايه=واجمع لنا شمل العرب عقب فرقان
واحفظ بلدنا وانشر العدل غايه=وحرر لنا المقدس وعز اهل الايمان
هذا ونطلبك التقى والهدايه=واجعل لنا يالله من الذنب غفران

[فارس القوافي]

اللهم امين

صح لسانك

لاهنت يابو محمد

دمت بخير

[داعي الشوق]

اللهم امين

صح لسانك مليوون يا بو محمد

قصيدة وافيه و جزله من شاعر وافي و جزل

صح لسانك مدد

ولاهنت

[منيع]

اكثر من رائعة ومعبرة
شكرا لكم
تحياتي

[بليهان]

صح لسانك يالقرم
ولاهان راسك
مع اجمل التحية

[بنت النور]

صح لسانك مدد

ولله دررك

ولاهنت

يعطيك العافيه

[حي الضمير]

ياسلام ابدعت وفي الصميم شاعرنا
ومدد صح لسانك ياجزل

[عبير الورد]

ماشاء الله عليك

صح لسااااانك ملايين

سلمت وسلم منطوقك الجزل


ربي يعطيك العافية

[الـزلـزال]

نجم الإبداع

نص في قمة الجمال والجزاله
من شاعر يطربنا دائمآ بكل حروف شعره
أبدعت وأمتعت نجمنا الرائع الجزل
دمت بخير ودام لنا حرفك
صح لسانك ملايين ملايين
ولك فائق تحياتي وتقديري

[نجم الإبداع]

المشاركة الأصلية كتبت بواسطة فارس القوافي

اللهم امين

صح لسانك

لاهنت يابو محمد

دمت بخير

صح بدنك ياخالد

وشكرا لطيب مرورك وتوقيعك الجميل

لاعدمتك