تخيل الدنيا كذا

السلام عليكم ورحمة الله وبركاته أنا اليوم جايب لكم موضوع أعتقد أنه حلو شوي يعني المهم الموضوع يتكلم عن أنك تتخيل الدنيا بعقلك وتكتب اللي تخيلته وبسم الله:

ممممممممممممممم
ممممممممممممممممممم
والله أنا تخيلت الدنيا بحر
واحنا تايهين فيه ما ندري
وين بيطحنا الله .

أخوكم إحساس شاعر

[بارقةأمل]

موضوع رائع وفكرة حلوووووووووووة اخي احساس شاعر


اتخيل الدنيا مسرحية
فيها ناس ماخذين الطولة وناس عادي وناس كومبارس وناس ماخذة بطولة لأنه لها ناس تتوسط لها وتوصلها

وفيها نا س جالسين مكان الجمهور وممكن يكونون لهم البطولة الأولى خلف الكواليس

لكنهم في موضع المتفرج
لكن المسرحية نهايتها مفاجئة غير معروفة حتى لبطل الأبطال اللي فيها

[الطائر المهاجر]

ونا اتخيله بحر فاضي والليل مقبل ومن على بعد اشوف فيه مسرح كبير
وأنوار ، واشكال غريبه كأنها أوادم لكن روسها تحت ، ولها ذيول
ملتفة على هيئة عقل ، وواحد معه بخاخ كل شوي يرش واحد منهم
ونا اقرب منهم وما دريت إلا ويطلع لي من تحت المسرح هكالمخوقات
يوم نادوني تعال يالطير المهاجر ناوين ننتفك ، ونا انحاش باتجاه المسرح
واثاريه حاملة طائرات واتوزى ، في وحدة من الطيارات ، وتقلع وتوديني نيويورك
....الخ من الخيال الذي جسدته في احد قصائدي ، اعتقد انها "على جس الأمل"
قبل ما اختصرها في النسخة الحالية لأنها طويلة.

على جسر الأمل امشي وتركض باقي أيامي = ابلحق ما بقى بالعمر قبل ما تسري القمـرا
سريت بليل ما دري به ظلامه بـدّد أحلامي = احسب الوقت يصفى لي ولكن قال لا تحرا
تآمر حظـي المقرود مع الأيـام والآمي = وتاهت خطوتي بالدرب لا تدري ولا تُـدرا
ابركض ما تساعدني ، أبمشي طاحت اقدامي = ادوّر من يعاضّدني بليـلٍ طـال لا فجرا
مشى حزني يخاويني جروح الوقت قـدّامي = وثاريهـا تلاحظني وتدري حالتي تزرا
أجرّ الصوت ما تسمع نزف حرفي والهامي = تحاصرني جيوش الياس بكل القهر والمرّا
غديت اصرخ وهي تنظر ولا تنشد عن اسقامي = نست حبي واخلاصي وش اللي صار يا سمرا ؟
أحس إنك جرحتيني نقضتي جرحي الـدامي = رميتيني بسهم الصد وأحـرق باقي الـذكرا
مشيت البحر كود أسلى عذاب الحب واوهامي = لقيته منشغل عني يبي له (واو) أو (ظهرا)
خذاني المـوج حطمني نوى قهري وارغامي = مع التيار لزم أمشي وقف مبداي كالصخرا
رماني بعيد مايرحم اواجه حقل الالغـامي = حوالي قصر وسط البحر مطار الجرم والعهرا
طيـايير وصواريخٍ تعـدّت كل الارقـامي = حقيقة أمرها مخزي إذا هي تنوي البصرا
تسلل ريشي المنتوف وجاوز صعب الأصنامي = وصاحت صافرة إنذار هجومٍ جاء من الصحرا
بدا التفتيش في سرعة وأنا اربط على حزامي= بجوف الطايرة مسبط وهم عميان أو سكرا
وطـارت بي ولكن وين ما احتـاج لافهامي= اطالع تحت اشوفك زين وسط الكون كالدرا
نزلنا بديرةٍ خضرا ، تسمى أرض الأحلامي = لقيت طـويرة شقرا زميلة يوم أنا أقرا
وقالت لا تفارقني ترى ضيفي بالإكرامي = خذتني ليـل للسهرة وشفت الليلة الحمرا
بقصر أبيض يقيموها على أنغام الإجرامي= حصاني كل هالعالم جمعهم حصني المكـرا
وحاخامٌ توسطهم ونجمـة ريقهـا ظامي = وأطفال العرب تذبح قـرابينٍ إلى عـزرا
لها يسجد جميع الحفل من غربٍ وأعجامي= ثعالب ماكرة ترقص ويكشف سكرها السترا
وبين الحين والآخر يصلني همس الازلامي= يبون الدين والثروة ، عطاشا دم لا نصرا
تعبت مشاهد الحفلة وخفت اطلع عن لجامي = خرجت بدمي الفاير وطرت بعيد في حسرا
وصلت لارض معزولة جزيرة أهلها نيامي= وفيها احواش مشبوكة فقلت اشوف مالأمرا
لقيت صقور مكسورة حلالٍ ذبحهـا إسلامي = تطالعني وطالعها ، تقاوم وانتهى الصبرا
وخنزيرٍ يتابعني طردني ، قال إعـلامي = قدرت أقرا حروف الصمت لا تنسون هالأسرا
رجعت وما قدرت أصبر فحبك مصدر الهامي= فلعيونك تموت صقور ما تخشى من النحرا
ولعيــونك نشيد الحب على أفواه الإيتامي= وطيرٍ دوم تغريده ، أحبك بس ياسمرا
فمهما كان من طبعك فحبك حب الزامي= أبي شوفك وذا يكفي فأنتي مصدر الفخرا

هه والله يابو عبدالله تخيلاتك فلة بس ودي
أعرف بعد أذنك وين القصيدة هاذي هي
هنا في المنتدى والا لأ من بعد إذنك يعني

موضوع حلو
صراحه اني تخيلت اني انا الطيار اللي شال ابو عبدالله
بس المصيبه اقلعنا انا وياه ونسينا نعبي الكورسين والظاهر ماراح
ناصل المكان لان البخاخ هو دخنت الطايره وهي طايحه
الله يرحمنا برحمته
العزاء في تقاطع السليمانيه قبل المستفشى بشوي
ملاحظه
لا نقبل الهدايا
وممنوع اصطحاب الأطفال وجوالت الكميره
وممنوع دخول المغاتير
يسمح فقط بدخول كميرة باناسونك الرقميه

هههههههههههههههههه
دمت بخير

اخوك
سراب الراحل

[الطائر المهاجر]

تخيلك ياسراب جنح أكثر من اللازم
فالقصيدة حطيتها باكامل وين راح الخيال

الللللللللله الللللللللللله يا بو عبدالله
قصيدة ولا قصيدة وتصدق من كثر
ماهي حلوة نسيت قصيدة جت على
بالي وكنت بكتبها (؟؟؟؟؟؟)

[البديعي]

شكرا لك
على الجهد الطيب
تحياتي

[البديعي]

مشكور
على ما افدتنا به
تحياتي

[الهامس]

خالص الشكر والتقدير
على كل جهودك الرائعه
تقبل اطيب التحيه