محاورات ابن شايق

[الطائر المهاجر]

محاورات عبدالله بن شايق
مع سعيد الفهري

=سعيد الفهـري
بسم (آل معمـر) يامرحبـاً بالضيـوف=ترحيبةً يفطـر الصايـم علـى جودهـا
كان (ابن شايق) مربع في ظلال السيوف=لا يرتعد مـن بـروقً حنـة رعودهـا
=عبدالله بن شايق
دام البقاء يالمرحب وانت بين الصفـوف=حرك رياحينهـا وان حـرك اورودهـا
ما يرتعد في وجيه القوم غير الضعـوف=وإلا رجـال المواقـف تقـدح زنودهـا
=سعيد الفهـري
خوفي من الله وغير الله ما منـه خـوف=وابكلمـة مـن لسانـي تركـز نهودهـا
يا طير شلوى ترى مالك علي معـروف=يا شجرةً تستعيـذ النـاس مـن عودهـا
=عبدالله بن شايق
والنعـم بالله وابـن ادم تمـره ظـروف=والناس تقصد وانا ادري وايش مقصودها
ان رحة وان جيت ما كثر عليك الحسوف=يالشجرة اللـي تغـط الشمـس بفنودهـا
=سعيد الفهـري
اظروف الانسان ما بين النقط والحروف=يامكذب الحجه اللي تضحـك اشهودهـا
كانت الاوادم تصفـق عندكـم بالكفـوف=واليوم بيـن صداهـا داخـل اكبودهـا
=عبدالله بن شايق
الحمل حمل الجمل ما هو بحمل الخروف=وافريقيا بيضهـا قامـت علـى سودهـا
الراس ياسعيـد واحـد والبقيـه كتـوف=خلـك مـع فرقـة الأفـراد واجنودهـا
=سعيد الفهـري
الحمل حمل السلامه والبلاء في الدفـوف=وإلا سيوف المعـارك تحمـي احدودهـا
اللي تعب (ياعواطف) لو تعبه مخلـوف=ماكـان يبلـش بحاشيهـا ومفـرودهـا
=عبدالله بن شايق
انت مصيف لكنك لابسً ثـوب صـوف=جوك ما يعرف حرورة الأرض وابرودها
اللوحه اللـي عليهـا يمنعـون الوقـوف=صدمتهـا مـره وحلفـت مـا عودهـا

[الطائر المهاجر]

ابن شايق وحبيب العازمي

=حبيب
سلامي على ال سعود وضيوف ال سعود = سـلام بمسـك العـود نسمـة هبوبـه
وطنـا وطنـا منبـع العـز والـجـود =ودحر المعـادي كـان شبـت شبوبـه
انـا بالنيابـه قمـت والخيـر ماجـود=عن الاسـره اللـي ضيفهـم رحبوبـه
بلدنـا مجندنـا وحنـا لــه جـنـود = على السلـم سلـم وللمشاكـل عقوبـه
=حبيـب
ترى العاقل اللي يعرف النقص والـزود = قبل مايعـرف الـدار يعرفـه دروبـه
بذلنا على وضح النقـاء كـل مجهـود= لكـن انـت لابـدك تلقـي صعـوبـه
=بن شايق
ترى العاقل اللي ياخـذ الحـق بشهـود = ونفسك على الطرقه مهيـب مغصوبـه
ليا صـار فالميـدان حـاوي ومـردود = انا اصل العرب واصلي يعرف العروبه
=حبيـب
ليا قلتهـا قلـت لـك مانيـب محـدود=ولكـن داب الغـار ينـفـخ ذروبــه
زمان مضى والناس طـارد ومطـرود =كثير العـرب ناخـذ شماغـه وثوبـه
=بن شايق
توقـع تـرى فالعـب نـار وبــارود= وراع العيوب اصـد ماكشـف عيوبـه
وانا اقـول ليـلن قربـك جعلـه يعـود = وانـا عـارف قلبـك يحسـب ذنوبـه
=حبيـب
رصاص المقمع صفـر مافيـه عبـرود = ولايشفـي الغازيـن لــو حاربـوبـه
وانا اقول صعبه طقـت العـود بالعـود = ولكـن حاسـب والعلـوم محسـوبـه
=بن شايق
كثير العرب لو مـات ماهـوب مفقـود =وانا يوم جيت السوق شفـت الجلوبـه
اشهـد عليـك احمـد وحمـاد وحمـود = ارويك وانـت تصـد منتـه بصوبـه
=حبيـب
ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه
زمان الهوايل يجمـع البيـض والسـود = واشوف الهوايل جات والوقـت دوبـه
=بن شايق
ياويلك من اللي صار والبـاب مسـدود =ترى راعي الساحل يعـرف الرطوبـه
انا لي يميـن وديـن ووعـود وعهـود=لاقـوم اتعجبـك واحطـك عجـوبـه

[الطائر المهاجر]

ابن شايق وملفي الشلاحي

=الشلاحي :
مرحبـا حيـا الله اللافيـن والفرحـة كبيـرة=عند ربعي والعلـوم الغانمـة بـأول وتالـي
ياجب الترحيب بضيوفٍ لفوا مـن كـل ديـرة=مثل ما قال الحكيم العام .. غالي عند غالـي
=بن شايق :
البقا ياللي ترحب حرف خيـر وحـرف خيـرة=عدما تسري نجوم الليـل مـع درب الهلالـي
واجبك والله يعينـك ماتبـي غيـر الستيـرة=وانت رجل وقمت بالواجب بعد جوك الرجالـي
=الشلاحي :
ابن شايق فالخريطة ماعرف شبـه الجزيـرة=ماعتقد يعلم بهـا لـو يأخـذ أيـام وليالـي
ياوسيـع المعرفـة مـا للنظـام الا مديـره=وانت ضيف وحكمة اهل الدار ما عنها مجالي
=بن شايق :
ابن شايق منت داري عن علومٍ فـي ضميـره=وانت اعدك مثل اخوي ومثل الأصغر من عيالي
من تحيـزم بالبلاجيـك الطويلـة والقصيـرة=ما عليه من العلوم الثانيـة يابـن الحلالـي
=الشلاحي :
لو يطـول الوقـت والله مانبيّـح بالسريـرة=وان حصل ما بيننا تمييز .. عمّك وانت خالـي
احتزمتوا بالبنـادق ميـر مـا فيهـا ذخيـرة=والدليل إنك مـع الأقصـى ويتعبـك الموالـي
=بن شايق :
ياحليلك كلمتـك هـذي علـى مثلـك كبيـرة=منت عم اذياب بن غانم وابـو زيـد الهلالـي
انت وش سويت علمني يابـو رجـلٍ كسيـرة=جالسٍ فالبحر الاحمر يـوم ساعـات القتالـي
=الشلاحي :
العلوم الكايدة ماهـي علـى مثلـي عسيـره=اشتري وابيع واعرف مكسبي من راس مالـي
الأكيد من الحجاز اليا الكويـت تشـب نيـره=وانت يالغالي عن المطران في سود الجبالـي
=بن شايق :
انـت مستعجـل وقدامـك ملفـاتٍ خطـيـره=تشتري وتبيع لا تجمـع ريالـك مـع ريالـي
انشد الشيبان عن ذاك الجبل يـوم الحشيـرة=انشد الشيبـان لا تنشـد وراعيـن التسالـي
=الشلاحي :
ما يحط الصقر وسط النار غير أعمى بصيـره=المثل ساير ولـن جبـت الحطـب ياهملالـي
كان عندك علم واحد عنـدي اعلـومٍ كثيـره=اذكروا يوم الشعيب من الدمي الحمـر سالـي
=بن شايق :
ابدويٍ فـي صحـاري نجـد ويـدور بعيـره=والحوار حوار والله مـا يعـوض فالجمالـي

[الطائر المهاجر]

تركي الميزاني وعبدالله بن شايق
تركي
سبحان رب تعالى برد احساسه
من يوم مادق في الجلسات مرواسه
ياقصر دسمان حولك ناس حراسه
والي يدور لها لابد يلقاها
انا نويت اعرف رفيع المقام واعرف وش ليلى ومجنونها
بن شايق
الليله الملعبه يمطير محكومه
والورع ذاليل نبغى ناخذ علومه
حضي معه قام والارزاق مقسومه
واللي يدور لها لابد يلقاها
ان كان بن شايق وقفلك تمام قامت عيونك تمطر مزونها
بن شايق
انا معي عود كانك تبغي الدقه
وان جبتها يالمطيري باطن الرقه
الي يسب العرب ماهو بمن حقه
والي يدور لها لابد يلقاها
خل القمر يطلع ويجلا الضلام وام الكباير نكحل عيونها
تركي
يارب سترك ترا منا بوياها
اليا عطيتك علوم الطيب تنساها
وتشوف جمر الغضا وتقوم تاطاها
والي يدور لها لابد يلقاها
مهما حصل في العلم شرق وشام الناس صاحيها بمجنونها
تركي
عودك نرده على علباك ياشايق
وان وزم العلم جبنالك ترا السايق
الطيق والا انته مابعد طايق
والي يدور لها لابد يلقاها
الضاهر انك متبعت النضام تبعت مستوره وغليونها
بن شايق
يالعن ابو الملعبه والله لو تبكي
ان كانها عايفتني قصدها تركي
لاشك انا داري بنت الهوى تشكي
والي يدور لها لابد يلقاها
ماودي اكسر ضلوعك حرام الله يرد الروس لمتونها
بن شايق
اخر زمن عود الجاهل يعلمني
ويبيع دينه على شانه ويتهمني
وان كان هذي علومه لايكلمني
والي يدور لها لابد يلقاها
حلك بضهر شعيل فوق السنام شاشتك طلعنا تلفزونها
تركي
يالعن ابو الملعبه ان كان تلعبها
الملعبه ياولد معروف صاحبها
وانتم ترا علقتكم في شواربها
والي يدور لها لابد يلقاها
انته تخلط في حلال وحرام لابو مهمات تعرفونها
تركي
احر زمن انته تشيل الحمل يالفني
ويجيك ياصاحبي في صماخك الجني
وانا معك ماعلي اضحك وباغني
والي يدور لها لابد يلقاها
انته يهودي ماتصوم الصيام ددسنك بالفلف دركسونها
بن شايق
ياليتهم سجلوك العام في اللجنه
حتى نحطك عجينت خبز منعجنه
حاول تمشط قرونك واضهر الوجنه
والي يدور لها لابد يلقاها
الضاهر انك غارق في المنام يادنة طلعت كربونها
بن شايق
معناك هذا تسند به وتنحيبه
والحض ذاليل يوميبك وتوميبه
اجمع مقاضيك والحق حرب وعتيبه
والي يدور لها لابد يلقاها
يابري حالي لا سمعت الحمام حتى المشاعر هاضت شجونها
تركي
انته يلولا علوم داخل الصره
والله لانشبك واكربنك بالحره
والمري الليل مايطلع لك الجره
والي يدور لها لابد يلقاها
قالو شعيل مجود بالخطام وانتم حمولتنا تشيلونها
تركي
ياطاش ماطاش ركز وافهم الكلمه
معناي ماتفهمه في اللحن والنغمه
وانتا ترا جاك في صدرك الكتمه
والي يدور لها لابد يلقاها
انته يبن شايق تحب الطعام وصحونكم مختض صابونها
بن شايق
ان كان صادق ببو عرام قابلني
والله لخفسك واخفسه خفسة الجني
اتحكم اللعب حكم ونقلبه صني
والي يدور لها لابد يلقاها
كلا لشده عندنا والمسام اكبودكم ماطابت طعونها
بن شايق
الورع معناه ياربعي مثل وجهه
يجمع علوم مدري وين متجهه
والله ضنوني ترا فيه مشتبهه
والي يدور لها لابد يلقاها
انا مسكت البنت مسك الزمام بنت تحط الورع بزغونها
تركي
انتا تباها مجامل مير لايمكن
والله لقنك واصنك داخل المسكن
حتى تعدل يبن شايق ولا تلكن
والي يدور لها لابد يلقاها
انته يبن شايق تحب العضام مير البضاعه وسط كرتونها
بن شايق
لو جيت بقصاي والله ماتحملني
وان كان عملتك هذي لاتعاملني
الله يلعنك اذا كانك تجاملني
والي يدور لها لابد يلقاها
ياشيخ كثر الطق فك اللحام ليت العرب تمشي على هونها
بن شايق
عز الله اني طبق وانتا كما الشنه
يادان يادان يالدندان يالدنه
لا لا تمنن ماعهدي لك منه
والي يدور لها لابد يلقاها
خلاص مايلحقك مني ملام انتا نضر عيني ومجنونها

[ابراهيم عبدالحميد]

الطائر المهاجر

إيفاد بديع و راقى لمحاوره رائعه و متميزه
دمت أخى و سلم لنا ذوقك الرفيع

[حي الضمير]

اختيار رائع
شكرا على المجهود والنقل يابوعبدالله

[صعبة المنال]

نقل رائع

التميز يجبرنا على العوودة


صعوووب

[نفحات حساسة]

محاوره رائعه وصح السنتكم
تسلمون جميعااا..

[نفحات حساسة]

تسلم اخوى
وامتعتنا بالمحاوره
تقبل مرورى..

[جلال ابراهيم الصبيح]

صحت الألسن والقلوب....لاهنتم....دمتم بخير.


عاشق دمشق