ياقلب اخبْرك ليا صدّيت لك صدّه

[ماجد الزيد]

ياقلب اخبْرك ليا صدّيت لك صدّه=ما تلتفت للورى والخير قدّامك
وش بدّلك ما قويت الا على الرّده=تجرّ موال شوق وتسحب (ا)هْيامك
يجري الهوى بْغير ما ترضاه وتودّه=وانت المحبه جرت من رجلك لهامك
تبكي على اللي دموعه هاجره خدّه=اللي بيمناه شايل سيف لعْدامك
هو مادرى ردّه الله بانّك تعدّه=في حسبة الرّوح ماهو قايد آرامك
اجزع جزع شاربك تفتلْه ِ وتمدّه=عمّر فراقه بغليون ٍ من عظامك
تهواه ؟ انا اشهد ! تحبّه حيل من مدّه=يجري بدمّك ويغْذي جزلة الهامك
لكنّ ماهو مثمّنن حب الذي أدّه =كلما تزيد الغلا يزداد بضرامك
يلعن ابو حيّه ويلعن ابو جدّه =يحيىٍ على روحك ويشتاق لحْمامك
عامين تهواه وتهوى جدّه وبدّه=يلعب بوقتك وتعطي له من ايامك
جيته على وجه ٍ اصبح وارد ٍ عِدّه=يشرب قراحك وتشرب منّه حيامك
نقشت حبّه على غيمك وهو كدّه=قطّع جديل السّحاب ودقّ دمّامك
تنزف غلاه ونزف بغضه ومن يدّه=الله يسومه بضيق ٍ كالذي سامك
صدقت له بالغلا وهو صادق بضدّه=فرقى غلاته وشامه غير عن شامك
لدّه بهجرك ونا لرضاك بالدّه=والليل والقاف والدّخان خِدامك
شام الهوى يوم هو قد وصّله حدّه =هو مادرى يا حصاني بيْدي لجامك
شدّيتك بكفّي اليمنى هكّ الشّده=وعوّدت بك غصب عن عينك واقدامك
هدّيت له بالهوى ولا قدّر الهدّه=لام الوفاء وش عليه اليوم لو لامك
من عادته لازعل جت جانب القدّه=واصبر لعينه واقول يمون لو ضامك
لكنّه اليوم جاب الغايبه ردّه=احرق بجلدك حرق من تحت هندامك
يقلع غلاه انتهى لو جيبه وقدّه=ما عاد هو داخل ٍ من وسط صمّامك
من لا يقدر غلاك الله لا ردّه =رِدّهـ وبعّد عن ارضه واقشع خْيامك
ياقلب اخبْرك ليا صدّيت لك صدّه=ما تلتفت للورى والخير قدّامك
تدري: فلا الومك ان جيته بعد مدّه =ان صمت عنّه!! غلاه يخرّب صْيامك

[محمد بن عمار]

السلام عليكم ...
اررررررررررررحب يابو حمد
صححححححح لسااااااااانك
وجاد بيانك لاعدمتك يالقرم
تقبل مروري وتواضع حضوري
محمد بن عمار

[الطامي]

الزيد
صح اللله السانك
جزلة من جزل
واله يعينك على هالقلب
شكرا لك
ولاهنت عيني

[نجم الإبداع]

الله الله

صح لسانك ياماجد

مبدع وجزل

لاهنت

تقبل مروري

وتقديري

[عدنان كريزم]

ابو حمد


لله درك من شاعر


صح لسانك ولا هنت

[ياسر عبدالرحمن الخالدي]

الله الله الله

صح لسااانك مدد دون عدد ،،

مبدع يالجزاله ،،

الله الله الله

[حوريه]

ماااااااجد الزيد

يجري الهوى بْغير ما ترضاه وتـودّه ...وانت المحبه جرت من رجلك لهامـك

......

تدري: فلا الومك ان جيته بعـد مـدّه ...ان صمت عنّه!! غلاه يخرّب صْيامك

.....


كلمات تشدوا بأجمل و أرق المعانى

وجدت المتعه و النشوى

بين حروفك المبدعه

أعذب المنى

.

[منيع]

من روائع الشعر واعذبة
تسلم ياماجد
بارك الله فيكم
تحياتي

[ام العمده]

ماجد


صح لسانك واعتلا شانك

لاهان راسك

رائعه من روائعك

ابدعت

دمت بخير

[الأموره]

الزيد

صح لسانك ملايين

سلمت و سلم فكرك

الف شكر لك

دمت برعاية الخالق