جتني تشكّى ودمعها فـوق الاوجان

[الطائر المهاجر]

جتني تشكّى ودمعها فـوق الاوجان = تبيني أرحل عن عجوزٍ وشايب
تقـول انا مقدرعلى العيش يافلان = امّك سبب همي وكل المصايب
والعـود نفسه شينةٍ دوم زعـلان = ما نيب مكلوفه ولـو هم قرايب
قلت العفو يا حبّ يا نور الاعيان = تدرين احبّك وانتي سيد الحبايب
دربك ودربي مثلهم دون نقصـان = في يـوم لزماً دافعين الضرايب
من قدّم الإحسان يجزى بالإحسان = ومن عـقّ شيبانه يلاقي التبايب
يطلـع له اولاد يجـازوه حقران = ولا يسألوا عنه إذا صار عايب
واللي بقلبه لـو قليـلٍ من إيمـان= يعـرف حقـوق لوالدينـه وجايب
الأمر واضح ما عرف فيه قولان = أمرٍ من الرحمن جزل الوهـايب
ومن يعصي الرحمن لاشك خسران= دنيــا ودين وآخـرة باللاهيب
من جابنا يا بنت بالحمـل تعبـان = ومنهو لاجلنا جاء له المـوت لايب
ومنهو لاجلنـا شـايل الهم سهران= ومنهو لاجـلنا شـرب مرّ الشوايب
ومنهو يضحي لاجلنـا دون اثمان = ومنهو لاجلنـا هاجمته النوايب
ومنهو لاجلنـا ذلل النفس أزمـان = ومنهو لاجلنـا احتمـل للتايب
ومنهو جمعني بك بفرحي والاحزان= ومنهو رقص بالعرس وابدى العجايب

[الأموره]

الله ،، الله ،، الله

من جد روعه

يا سلام عليك ،،

قصيده قمه في الروعه

و الاروع معانيها ،،

صح لسانك ملايين

الف شكر لك ،،

دمت برعاية الخالق ،،

الطااائر

كعادتك تطرق القضايا الاجتماعيه

وتحاول ايجاد الحلول

اجزم انه لم يوجد قضيه اجتماعيه

الا وكان لها من شعرك نصيب

لله دررررررررررررك

ولا هنت

موج القصيد

[محمد عبدالله البدراني]

واللي بقلبه لـو قليـلٍ مـن إيمـان
يعـرف حقـوق لوالدينـه وجايـب



اي والله يابو عبدالله


اشهد بالله انك قلت واجزلت واديت رسالتك كشاعر على اكمل وجه



لله دررررررررررك واكثر من امثالك



ومليون مليون صح السانك



تحيتي

مع اسمى ايات الشكر لهكذا شعر فائق التقدير واطيب المنى رعاك الاله

[نفحات حساسة]

تسلم شاعر كبيرررر وصح الله لسانك
لا هنت..تقديرى