وش لنا من جبهة النصره وداعش

[نجم الإبداع]

يالله اني اطلبك يارب البريه=تأمن الدار وتذل اهل الفواحش
في زمان الفتنه والذمه بريه=خربت بلدان بافعال النوامش
اعتزال الفتنه خير وكف اذيه=وش لنا من جبهة النصره وداعش
كل واحد يدعي بالدين ريه=ماعد ادري من نصدق بالنواعش
فتنة الحوثي خذت صنعا هديه=والعراق المندبغ والشام عامش
كل ماوجهت صوب القى بليه=ناضر الليبي وهو في القتل حامش
اختلاف الراي واصحاب الفريه=لين زاد القتل واضحى الموت هامش
الاغزه في اليهودي جت قويه =اثلجو صدري وقضو اهل المفارش
قرننا الخامس عشر مامر زيه=في سنة خمس وثلاثين النواهش
اما قول العقل ياصحاب الرويه=الحليم يحار من شاخص ورامش
الفتن من كل صوب اليوم جيه=مابقي الا الاعور الدجال طارش

[داعي الشوق]

الله الله يا بو محمد

صح لسانك و فكرك يا نجم

.. صدقت ولله .. ولاهنت

و صح لسانك مدد

[نجم الإبداع]

ارحب يابو سعد

صح بدنك وكفانا الله واياكم من الفتن

شرفني مرورك

لاعدمتك

[منيع]

مبدع وجزل وهادف
شكرا لك
تحياتي

[غاوية كلام]

الله أعلم بالحق

[حي الضمير]

الله يكفينا شر الفتن
قصيده جزله
وابدعت
صح لسانك
لافض فوك

[الخنساء]

صح لسانك ملايين
جزلة من شاعر تمكن

سلمت ولاهنت

[عبدالمحسن الرحمه]

نجم الإبداع صح الله السانك

[حي الضمير]

قرنـنـا الخـامـس عـشــر مـامــر زيـــه
في سنـة خمـس وثلاثيـن النواهـش

جزله تستحق المقدمه
لافض فوك

[حرف وشعر]

صح نبض قلمك اخى الكريم ولاشك ان الامة تمر بمخاض صعب
ونسأل الله السلامة والعافية ،،