كل الفصوووول !

[ماجد الزيد]

تعال ياوجه الصباح امسيت عنّك حول حول =تعبت من قو الظلام ووحدتي وانت الغياب*
والله من تقبل علي امر في كل الفصول =خريف صبر وطلتك نوفمبر وضمك سحاب*
حضنك دفا ضو السمر والجو يرسل بالسيول=وعينك بروق وخافقك رعّاد وحسّك انسكاب*
لا جيتني والليل موج يداعب الطرف الخجول=شفت الثلاث البيض ماببيني وعينك من حجاب*
ونا من الي لا سبر يبصر بعيدات الخيول =ون جيت صاحب في يميني حاتم وراسي عقاب*
ماحدني ضلع وعلى روس العوالي قمت اجول =احيان اوردها جمر واحيان اوردها ضباب
والشجْرة الي ظلها فيّا على كل الحقول =ملعون ابو جده ترك جذره تحت قفر التراب*
اما عطت باثمارها واغصانها والا تزول =الي زرعها شالها والي بغضها ما يهاب*
ياهيه ياباني قصر ، ياهيه حاسب لا يطول =ترى الزلازل ممكنة ! والقصر اساساته خراب*
ماغنت الورقا طرب يوم اطربت روس الطبول= غنت كذا حتى ينام الليل خادر بالثياب*
اكثر صفير البوم حول فياضنا يعجب سلول=واكثر نيام اهل القفار اللي مثل نعق الغراب*

ماجد حمد الزيد*

[بنت النور]

صح لسانك مليوووووووون ولايكفووووووووون

قصيدة جزلة من شاعر جزل

سلمت ودام حرفك

[حرف وشعر]

نص باهر وشاعر ماهر الزيد تقبل المرور

[فارس القوافي]

هلا ياماجد

صح لسانك

لاهنت

يعطيك العافية

دمت بخير

[الطامي]

والشجْرة الي ظلها فيّا على كل الحقول =ملعون ابو جده ترك جذره تحت قفر التراب*
اما عطت باثمارها واغصانها والا تزول =الي زرعها شالها والي بغضها ما يهاب*

الزيد
ياسلام ابيات رغم قلتها الا انها عجيبة جدا
صح السانك ملايين ولايوفون
لاهنت اخي

[منيع]

مبدع ومميز
ودي وتقديري

[الـزلـزال]

ماجد الزيد

بوح مميز ورائع وجزل
من شاعر عودنا على تميز وروعة حروف شعره
أبدعت وأمتعت ماجدنا
دمت بخير ودام لنا حرفك المميز
صح لسانك ملايين ملايين
ولك فائق تحياتي وتقديري

[عطر الياسمين]

صح لسانك مليون رائعه
تحيتي لك

[داعي الشوق]

صح لسانك مليوووووووووون يا بو حمد

و لاهنت يا مبدع

مع التحية لك

[حوريه]

رائــعـه ومــعــبــره
صــح قـلــبــكــ
ودااام حـرفــكـ
ودمــتــ بكـل خــيــر

0
0