الحب من قلبي تمكن وسيطر ،،،

[داعي الشوق]

الحب من قلبى تمكـن وسيطـر = إستعمره و الروح صارت رهينـه
أصبحت مشغـول الفكـر واتفكـر = مما جرا يا هل العقول الفطينه
بأسباب من شفته يطالـع وينظـر = بالطايره راكـب و عينـى بعينـه
الحظ جابه فـى جـوارى وبشـر = النافـذه يسـراه وآنـا يميـنـه
طرنا و طار القلـب منـى ونفـر = و الحال منصاب بسهـومٍ سنينـه
جلست بالكرسـى وكنـى مسمـر = أدعـي إلاهـى حالـى الله يعينـه
نسمات عطـره بالمقاعـد تبخـر = فـواح شافـى للجـروح الدفينـه
يملا شـذاه الطايـره ثـم تنثر = أثرّ على القايـد بوسـط الكبينـه
أعلن وقـال الجـو منكـم تعطـر = اهلاً و سهلا بالذى ناثرينه
نظرت يمه كنـى اشـوف واسبـر = يم السحاب اللـى يسايـر جبينـه
هرّجـت حالـى قلـت يالله تستـر = الطف بنا مـن ذا الـذى شايفينـه
رد الكـلام و قـال حالـك مكـدر = أ كيـد ركـب الطايـره خايفينـه
قلت الامر ماهو من الخوف ينظـر = الخوف دامـك راكـب محاربينـه
الموت ما اخافه ولـو كـان يذكـر = من شوفتك حلـت علـي السكينـه
رد وتبسـم قـال يافـلان تشكـر = نفس الشعور اللى بكـم شاعرينـه
يوم قالها كنـى مـع الجـو مفتـر = دارت بى الدنيـا بلمـسة يدينـه
عن رحلتـى يالربـع والله مقـدر = مقـدر اوصفهـا وعنـدى ثمينـه
وختامها مني العذر وآ تعـذر = أرجـو قبولـه لا وصلكـم بحينـه

[الطائر المهاجر]

صح لسانك واعتلى شأنك
على هذه الباذخه
التي تستحق العودة مرارا
لاهان راسك
تحياتي الطيبة

[منيع]

لقد حلقت بنافي سماء الشعر الراقي
شكرا لك
تحياتي

[عبدالله الشويمان]

صح السانك يا ابو سعد

قصيده رائعه راقيه وجزله يا الجزل

دمت بخير وصحه وسلامه ولا هنت

[مهدي الحبابي]

أخوي سعود سعد الحافي



صح لسانك واعتلا شانك


رايعه بروعة حضورك


لك احترامي وتقديري

[محمد عبدالله البدراني]

العزيز الغالي داعي الشوق سلمه الله

الف مليون صح السانك

والله رحله ليت كل من سافر يحصل مثل ماحصلت كان تزدهز القصايد


لاهنت يالغالي وبيض الله وجهك


تحياتي

[ماجد المهدي]

صح لسانك يا داعي الشوق

قصيدة جزله من راس جزل

ابدعت يالغالي وسفريه ممتعه


لا هنت

تحياتي

ماجد المهدي

[عبدالعزيز العمار]

الغالي داعي الشوق:

صح لسانك على هذه الرائعة ...

كتبت فأبدعت يالغالي..

تقبل مروري وتحياتي..

[سعيد الصاعدي]

الاخ الفاضل / داعي الشوق
صح لسانك لاهنت
نص شعري رائع
تحياتي
أخوك
س / ص

[داعي الشوق]

المشاركة الأصلية كتبت بواسطة الطائر المهاجر

صح لسانك واعتلى شأنك
على هذه الباذخه
التي تستحق العودة مرارا
لاهان راسك
تحياتي الطيبة

صح بدنك يالطائر المهاجر
مرورك اسعدنى الله يسلمك
و لا هنت يالغالى ،،،