المطبخ أكبر همي

[وجدان القلوب]

	موضوع أتمنى الكل يتفاعل معي وأتمنى كل واحد يحط رأيه مهما كان حتى لو فيه عتاب أتقبل عادي ممكن تشوفونه موضوع عادي لكن بالنسبه لي أشوفه أصعب شي لي ,,, بكل صراحه لمن شفت موضوع الخنساء قعدت أدور ف رأسي وش الشي اللي ممكن يكون همي وحزني وشاغل فكري واللي أنا حابسته ومو قادره أقوله لأحد لكن بكل صراحه مو قادره أقوله لأحد حتى أمي اللي أي شي يقابلني ويضايقني أقولها هو مهما كان.. بإختصار أنا ماأحب المطبخ ولاأطبخ بالرغم اللي ف سني صاروا يسوون ذبايح بأنفسهم أنا مو قلت كذا يعني ماأعرف بالعكس لمن أسوي أكله يطلع طعمه ممتاز وكأني أطبخ ع طول ,, لكن المشكله ماأحب ولو قالت أمي وجدان أبيك بكره تطبخين أشيل هم أبكي وماأبغى أطبخ وكأني بشن حرب.. وبسبب الشي هذا رفضت أشياء كثيره بحياتي بسبب عدم طبخي وأخرها قبل اسبوعين وماأحد يعرف السبب حتى امي.... حتى بالمنتدى شي فيه مطبخ واكل يادوب أدخله هذا إذا كنت دخلته وخاصه لمن اشوف غريب ماشاء الله رجال ويطبخ من جد أغار منه وأحس إني أنا ولاشي ومو كل شيء دراسه وتفوق... من كلامي يمكن تفكرون ماأشتغل بالبيت بالعكس أنا قعدت وراء أمي حتى توخر الشغاله لأني أحب أشتغل بالبيت وأنظف وأغسل بس طبخ لاااااااا... بإختصار أتمنى مساعدتكم ونصايحكم وماقلته لكم إلا لأني أحس الأعضاء أسرتي الثانيه تحياااااااااااااااااتي

[أم ريما]

هلا عزيزتي وجدان القلوب

اشكرك على صارحتك وثقتك في اعضاء الفطاحله

لكن بسألك وش سبب كرهك للطبخ؟؟

اذا انتي تحبين تشتغلين في البيت وكل شي عادي وش معنى الطبخ؟
أكيد في سبب .......... ممكن توضحين أكثر

وصراحه الطبخ مو شيء شين بالعكس شيء حلو
وخاصه اذا طبختي وخلصتي وأكلو اهلك واعجبهم تحسين انك سويتي انجاز او شي حلو
تفتخرين فيه...

شيلي من راسك فكره انك تكرهين الطبخ ... وقولي لنفسك ان الطبخ حلو وسهل وليش اكرهه؟؟
وصدقيني مع الأيام تنفك عقدتك من الطبخ حاااااولي تبسطين الأمــــــور

وبعدين الطبخ مهم في حياتك بعد الزواج خاصه لأنك عليك المسؤليه في الطبخ والأكل...
حاولي تعودين نفسك حبه حبه وان شاء الله تنحل المشكله اللي عندك

اتمنى لك التوفيق يااااارب


تحيااااتي لك

[وجدان القلوب]

لكن بسألك وش سبب كرهك للطبخ؟؟

سؤال يمكن تكون إجابته عندي ويمكن أكون أنا اللي خليته حجه وسبب لهذا السؤال ..لكن بقولك اللي عندي واللي أعتقده ممكن يكون السبب وأنا صغيره كنت أتمنى أطبخ خاصه لمن يجون ضيوف كنت أحب أسوي حلى وكيك ومن هذي الأشياء لكن أمي كانت تمنعني وتقول خلي الشغاله تسويه وهذا الشي استمرت تقوله لي إلين وصلت ثالث ثانوي.. وبعدها حاولت أسوي لكن لقيت نفسي كارهه الطبخ..

أعتقد كذا يمكن وصلتلك الصوره...
أم فيصل أنا قلته وصرحت بكرهي للمطبخ لأني قلت يمكن يروح كرهي اللي متعبني نفسيا..وشكرن حياتي ع تفاعلك معي..
تحيـــ جودي ــــــاتي

الفاضلة // وجدان ..

لا أعتقد أن الطبخ شيء يمكن تشيلين علشانه هم ... بالعكس الأمر عادي .. يعني حطي براسك أن ماطبخت عادي وأن طبخت برضه عادي ..

يعني لا أعتقد أن الأمر يستحق أن يقض مضجعك ... ولكن حاولي تسوين بالبيت مسابقة للطبخ بينك وبين أمك أو أحد أخواتك ... من احسن طبخة وحطوا مثلاً جائزة على أفضل وحده طبخها ممتاز ويكون الإستحقاق بحسب الأصوات يعني الأمر خاضع للتصويت ...

أدري هي فكرة يمكن تضحكين منها أو تتكاودينها لكن في النهايه مع المنافسة في النهاية ستجدين أنك تتلذذين برؤية الإعجاب بالطبخ الي عملتيه وتعرفين انك قمتي بإنجاز حلو وستدمنين النجاح فالنجاح مثله مثل أي شيء إذا أدمنه الإنسان لايمكن أن يستغني عنه

ممكن ما ساعدت في حل عملي لكن صدقيني أن أي مشكلة ولها حل لكن تحتاج للفكرة الي ممكن عن طريقها تستطيعين حلها

تحياتي لك

وأتمنى لك دوام التوفيق والنجاح والسداد وأسأل الله أن يحل عقدتك من المطبخ وتصيرين طباخة كل يوم نشوف لك طبخة على ذوقك حلوة في منتدى الطبخ

[السفيرة]

انا مااحب اشتغل يضيق صدري من كل شي تعودت على الشغاله

لي سنه ونص متزوجه واتكدر من شي اسمه غسيل طبخ كل شي

احيانا ابكي اقول ليش مو مثل فلانه راعية شغل وليش وليش من هل الاسئله

اتمنى اصير نشيطه بالشغل بس كانه فيه شي يقول خليه بعدين وعلى هل الحال

اتمنى يجين توام عشان زوجي يجيب شغاله لي مليت

[الأمـــل]

وماالمشكلة عزيزتي
هناك فرق بين اجادة الطبخ وحبه
أنا لاأحب الطبخ ولست أعاني من مشكلة اطلاقا ،أجيد الطبخ لولزم الأمر فسأنقذ نفسي ،ولكني لاأحبه
وهذا من الله ،أميل لأشياء أخرى أعتبرها أهم في الوقت الحاضر .
برأيي الطبخ ليس ذوأهمية ؛فنحن في زمن آخر يختلف عن زمن أمي وأمك وجدتي وجدتك ،يوم أن كانت البنت
لاتتزوج الاان كانت طباخة ،اليوم اختلفت المقاييس وارتقت النظرة للفتاة ومدى صلاحيتها للزواج بأمور أخرى
لابد أن تجيدها والرجل يبحث عنها ....
اطمئني فلامشكلة لديك حتى تكتئبي وتحزني .
دمت برقي .

[وجدان القلوب]

لا أعتقد أن الطبخ شيء يمكن تشيلين علشانه هم ... بالعكس الأمر عادي .. يعني حطي براسك أن ماطبخت عادي وأن طبخت برضه عادي ..

كلامك هذا كنت أحسه كان ببالي ع طول لكن لمن جات أمور غريبه ف حياتي صرت متخوفه نوعا ما

يعني لا أعتقد أن الأمر يستحق أن يقض مضجعك ... ولكن حاولي تسوين بالبيت مسابقة للطبخ بينك وبين أمك أو أحد أخواتك ... من احسن طبخة وحطوا مثلاً جائزة على أفضل وحده طبخها ممتاز ويكون الإستحقاق بحسب الأصوات يعني الأمر خاضع للتصويت ...

أدري هي فكرة يمكن تضحكين منها أو تتكاودينها لكن في النهايه مع المنافسة في النهاية ستجدين أنك تتلذذين برؤية الإعجاب بالطبخ الي عملتيه وتعرفين انك قمتي بإنجاز حلو وستدمنين النجاح فالنجاح مثله مثل أي شيء إذا أدمنه الإنسان لايمكن أن يستغني عنه

إن شاء الله,,,,
وبسويها بإذن الله قبل المدرسه ومشكور ع روحك الرياضيه

وأتمنى لك دوام التوفيق والنجاح والسداد وأسأل الله أن يحل عقدتك من المطبخ وتصيرين طباخة كل يوم نشوف لك طبخة على ذوقك حلوة في منتدى الطبخ

آمين وربي كلامك حسسني إنو ممكن يجي يوم أكون أكبر طباخه ...

ومشكور اخوي ذيب ع ردك وتفاعلك معي.. أصلا هذا الموضوع كنت متردده أحطه وقلقه كمان لكن الحين بالعكس أحس سويت شيء ممكن يساعدني ..

[وجدان القلوب]

انا مااحب اشتغل يضيق صدري من كل شي تعودت على الشغاله

لي سنه ونص متزوجه واتكدر من شي اسمه غسيل طبخ كل شي

احيانا ابكي اقول ليش مو مثل فلانه راعية شغل وليش وليش من هل الاسئله

اتمنى اصير نشيطه بالشغل بس كانه فيه شي يقول خليه بعدين وعلى هل الحال

اتمنى يجين توام عشان زوجي يجيب شغاله لي مليت

أصلا ماسوالي قلق إلا الشغالات ...
بس إن شاء الله ماأفكر إجيب شغاله أبد

مشكوره أختي السفيره ع مداخلتك ..

تحيـــاااااااااتي

[الطائر المهاجر]

موضوع مهم ينبغي على كل فتاة ان تنتبه له
فالرخاء الذي نعيشه قد لايدوم فكلما كانت الفناة
ملمة بأعمال المطبخ كلما استغنت العائلة عن المطاعم
وكلما كانت مصاريفها على الأكل أقل . ومسألة الطبخ
ليست بالأمر الصعب فهناك الكثير من الكتب ، بل والمواقع
في الإنترنت تستطيع الفتاة أن تتعلم منها .
شكرا لك على اثارة الموضوع الهام
تحياتي الطيبة

[وجدان القلوب]

وماالمشكلة عزيزتي
هناك فرق بين اجادة الطبخ وحبه
أنا لاأحب الطبخ ولست أعاني من مشكلة اطلاقا ،أجيد الطبخ لولزم الأمر فسأنقذ نفسي ،ولكني لاأحبه
وهذا من الله ،أميل لأشياء أخرى أعتبرها أهم في الوقت الحاضر .
برأيي الطبخ ليس ذوأهمية ؛فنحن في زمن آخر يختلف عن زمن أمي وأمك وجدتي وجدتك ،يوم أن كانت البنت
لاتتزوج الاان كانت طباخة ،اليوم اختلفت المقاييس وارتقت النظرة للفتاة ومدى صلاحيتها للزواج بأمور أخرى
لابد أن تجيدها والرجل يبحث عنها ....
اطمئني فلامشكلة لديك حتى تكتئبي وتحزني .
دمت برقي .

كلامك صحيح وربما منطقي لأن هالأيام ع قولتك ف أشياء أهم,,, و أنا معك ف هذا الشيء لكن هذا مايجعل الفتاة تهمل الطبخ خاصه إذا كانت مثلي تكرهه.. وأنا قلتلك بالأعلى إني أعرف أطبخ بس أحسه شيء غصبن علي وشيء أنا كارهته... وأنا أبغى الكره اللي ف قلبي من ناحية الطبخ تروح حتى عند ارتباطي بأحد أكون واثقه من نفسي من جميع الجهات... خاصه إن الوحده ماتعرف وش ممكن يكون نصيبها خاصه إذا وقعت ف واحد أهم شي بطنه هههههههه,,, لكن راح أجرب اللي قاله ذيب ويمكن يروح الشيء اللي ممكن مكدر خاطري

فلامشكلة لديك حتى تكتئبي وتحزني .
دمت برقي .

تسلمين حياتي ع مداخلتك ومشكوره ... واللهم لاتجعل الدنيا أكبر همنا ...


تحيــااااااتي