آل مــــســعــود

[شجاع عمر الأكلبي]

أيها الأخوة



هذه القصيدة قلتها يوم الأربعاء ليلة الخميس 14/8/1430هـ في تثليث في حفل الشيخ / عيد بن ناصر بن حركة آل مسعود بعد تلبيتي دعوة كريمة منه

ياجبال النهار ويانجوم الظلامي=ياكعام الضديد وياكبار الأسامي
يال مسعود ياكبار البخوت الدواهي=يال مسعود ياجمال الحمول الجسامي
يارجال الوفا وأهل الكرم والحميّة=أشهد إن مجدكم في الكون عالي المقامي
يوم بقعا مزاحم قسمكم تأخذونه=تأخذون الفقار ومعه فرخ السنامي
والله إنا الثقال ولا نزوع الركايب=كود لأمثالكم يامحتمين الجهامي
من ديار أكلب الهيلا عنينا نبارك=دار من يرهبون الخصم يوم الزحامي
عيد ياعيد ربعه في نهار المهمّة=أنت شيخ ٍ بفعلك يالعديم القطامي
والله إن دعوتك لي فخر وأكبر كرامة=مثل تاج الملوك وفوق صدري وسامي
ياسمي جدّك المشهور بالجاهلية=عيد بن حركة اللي مثل حد الحسامي
يوم لحق الغزاة أفتك ذوده لحاله=وجندل أثنى عشر فارس ومن هج دامي
وصاح زيزومهم ياعيد تكفى دخيلك=وكب صهوة جواده وأنبطح للسلامي
طيّب الساس والمجنى دهاة التغالب=آكلب اللي منازلهم تحتها الغمامي
وبوك حارب بسيفة في حروب الجزيرة=ظمن جيش السعوديّة وتحت النظامي
في نهار الرغامة بان صوته وفعله=وحاضر ٍ في حروب الدار شرق ٍ وشامي
قاله التغلبي راع العلوم الوكايد=أنقلوا ماسمعتوا في ثنايا كلامي
آل مسعود بدر الوقت لأشتد ليله=ويتوهج بيوم ٍ فيه عج وعسامي
وختمها عد ماهلّت مزون المخيلة=ياصلاتي على المبعوث خير الأنامي

[الآكيد]

شجاع الاكلبي


صح لسانك على هذه الابيات الرايعه

[مبروك بن ماضي]

الاخ النبيل:
الشاعر القدير / شجاع الاكلبي
صح لسانك مدد بلا عدد
الأبداع دايماً وأبداً بصحبتك
سجل اعجابي القديم
وتقبل تحياتي وفايق الاحترام ،

[منيع]

جزلة ومعبره ورائعه
بارك الله فيكم
كل الود والتقدير
تحياتي

[بنت العز]

سلمت ولاهنت
يعطيك العافيه
تحياتي

[داعي الشوق]

صح لسانك يا شجاع

قصيدة طيبة

تحيتي لك

،،،،،،،،،

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[زهرة اللوتس]

سلمت وصح لسانك
لاهنت
يعطيك العافية
تحية طيبة


زهرة

[سناعيس]

صح لسانك ياشجاع
والف نعم فيك وفي ال مسعود
قصيدة جزله من شاعر جزل
لاهنت


تحياتي

[حوريه]

نص رائع وجميل كجمال حضور الشاعر

صح قلبك ودام حرفك

ودمت بكل خير

0

0