محاورة رباعيه من الصوتي

[الطائر المهاجر]

تمت في صبيحة الثلاثاء 22 صفر 1430

سعد الشقحاء=
سرى الليل يا الشعار يالله سرى اليل = وحنا نبي المسرى ونبغا المنامي
نبي شاعرن يفهم على الشعر حلحيل= ويفهم على رمز الكلام بكلامي
الطائر=
تبا لك دروبٍ ما بها من قناديل=وانا منشغل اهدي سلامي
وشعرك ياسعد دون تحليل=اخافه بليلك مثل بعض الجهامي
محمد البدراني=
بدأ الليل يالشقحاء وبدن المواويل = ومن لايسره لا يطيل المقامي
محمد البدراني وعلى ماتمنى جاك ياراعي القيل = وسوق المعاني سوقها يالهمامي
فلاح بن منشار=
هلا ياسعد مليون ياراكب الخيل=تبي الحرب والا نيتك بالسلامي
ترى القهوه ماتظبط بدون المعاميل=وللكل زود الود والاحترامي
الطائر=
اذا شفت في دربك رجل كنه الفيل=فسلم على البرحي وخف الملامي
انا بعد عرفه صرت مثل المهابيل= سحرني ولا ادري كيف ماسك لجامي
سعد الشقحاء=
هلا مرحبا من دون نقصن وتقليل= وكلن على حيله سيل الحزامي
على خصمن دايم ترى الصف بيميل =وشوري على خصمي يوضف محامي
الطائر=
وكنت احسبه وافي ولا يطفف الكيل=ولكن لقيته في الملاقا حرامي
تركته بداره مرتحل يمها جبيل=ولقيت الفلاح وقال اصله سيامي
محمد البدراني=
خذ العلم وافي ماير لاتطفف الكيل = ترى عندي الطاير براس السنامي
ولكن يالطاير كما طير ابابيل = على راس من خالف تصب الحامي
الطائر=
انا لو عيوني كنهن الدرابيل=اشوفك ولو تمشي بدرب الظلام
ولكن حيل الله ولا مثله الحيل= اشوف السبيل اثنين لاصرت ظامي
محمد البدراني=
ومثل ماقتل بالذكر هابيل قابيل = اخاف ان اخوي الطير يقتل غرامي
وانا معه وافي دوم ولاوالله اميل = عن الموقف اللي قلت من قبل عامي
الطائر=
اخافك تجيني لحظة كنك السيل= وتقشع شجرنا تتركه لي حطامي
ولكنني مقبل بقالٍ ولاقيل= اعرف الرجل واللي يبي من مرامي
عايض ابوشيبه=
الا ياصحيبي في زمان الغرابيل=على كل رجالن يشد الحزامي
ترى واجب الرجال قدم الرياجيل=يجيب الكلام اللي يزيد المقامي
محمد البدراني=
انا ماعجبني من هل القال والقيل = سوى قول رجالٍ فعوله اشمامي
واليا من سمعت العلم هاته بتدليل = عليه الدلايل ضافياتٍ تمامي
فلاح بن منشار=
على الطرق سوقوها وصبو الفناجيل=من الجزل ياصحاب العقول الفهامي
تطيب القوافي حيل بين المخاليل=ويسري شذاها مثل فلٍ تهامي
الطائر=
ترى الرجل ماهو لا مبذر ولا بخيل=يعرف السلوم بنجد وإلا بشامي
واذا من تعدى الحد يحتاج تعديل=بنصحك عسى يحضى ببعض افتهامي
محمد البدراني=
اشوف المخارج سكرت والمداخيل = والا باقي الا نجمةٍ بالظلامي
بها نستدل وكنها نجمة سهيل = عليها سرينا والفشق بالحزامي
الطائر=
ولاهوب من يخدع رفيقه بتنشيل=وفي كريم الأصل للعرض حامي
اذا فار دمه ماوقف له مقابيل=لبس لامته واعلن قدوم الصرامي
انا ياسعد من خلقتي بالمداهيل=اعرف الدروب ولا مشيت بظلامي
فلاني مدلل او ربيت بتذاليل=بنيت لحياتي في طريقي عصامي
عايض ابوشيبه=
ولا كل طيرن يشبه اطيور ابابيل=مصير الصقر يخلف مطير الحمامي
ترى الصبر لازم في زمان البهاذيل=ولازم نزيد الصبر في كل عامي
محمد البدراني=
وخل الهروج العوج والحط والشيل = تبي تكسب الجوله بغير النظامي
وانا ماحسبت الا علوم المشاكيل = عليك الله اكبر والمراجل مرامي
فلاح بن منشار=
ايا مرسدس شدو عليه الطرابيل=يشيل الحمول ولا حسب كل رامي
ليا من مشى بالخط مشيه تساهيل=وصوت المكينه هز دار الكرامي
الطائر=
انا كاسب الجوله ولا فيه تفضيل=اذا صرت الاول فانت دايم امامي
وانا قدم عينك سابقك كني الخيل=واذا صرت الاول اسبقك بالخطامي
الطائر=
فلاحٍ ارى تفلح قبل وقت تفليل=افند بيوتك واتعبك بالسقامي
فلا تقرب اللي شاب يسحبك كالغيل=ويقضبك قضب اللي عمى بالتحاي

[الطامي]

صح السنتكم فطاحلة الشعر
فتل ونقض جامد
لاهنتم

[نجم الإبداع]

شكرا للنقل يابو عبدالله

لاهنت

تقبل مروري

وتقديري

مودتي لك ولكل من مر

وسيمر من


هنا

[محمد عبدالله البدراني]

شكرا للنقل يابو عبدالله


وبالحقيقه كانت ليلة البارحه من افضل ليال الشات الصوتي وامسيه شعريه سمعنا بها شعرا جميلا من الكل

ثم دارت المحاورات الرائعه وبالاخير كانت هذه المحاوره


وكان ضيفنا البارحه الزميل عايض ابو شيبه والذي اتحفنا بحضوره المشرف



سلمت يابو عبدالله ولاعدمناك


وصحت الالسن



تحيتي

[رفيعة الشان]

شلون رباعيه ياجماعة الخير هذولي خمسة
....!
صح الله السنتكم جميـــعاً
شاعر شاعر

لاااهنتوا

صح الساان الشعراااء

بالفعل شات ليله امس راائعه جداا

ومحااوره طيبه من الشعراااء

لا هنتم جميع

[سناعيس]

الكل منكم صح لسانه
محاورة رائعه وهادفه
الله لايهينكم

تحياتي

[حوريه]

صحت قلوبكم شعرأنا الفطاحل

ودااامت محبتكم

فائق التقدير

.

[عالي مستواها]

صح لسانكم جميع


أتحفتونا بالمحاوره الرائعه


يعطيكم الف عافيه

[سعد الشقحاء]

لا هنت يا بو عبدالله
على النقل