نقض جروح القلب قاف المنيعي

[الطائر المهاجر]

نقض جروح القلب قاف المنيعي = من بعد ماهو ناسيٍ كل ماصار
وقمت اتذكر من رحل من ربيعي= واقرب قريب رحلته اوقدت نار
ابني قبل عضدي بدربٍ سريعي = موت الفجاءه ماعطى اية انذار
لقيت نفسي ذاهلٍ كالصريعي = في وسط لجه كلها هم واكدار
سحابةٍ للحزن تمطر ضريعي = يشوي فؤادٍ كان في يوم جبار
يلجأ لمن من يرتجي ما يضيعي= رب تحكم في الليالي والاقدار
يدري امتحانٍ من تقبل مطيعي= يجزاه بالتثبيت من قبل ينهار
يؤمن بان الموت لو هو مريعي= حكمه من اللي مجريٍ عذب الانهار
يشمل جميع الخلق كهل ورضيعي= ومن لا رحل يرحل من اشرار واخيار
يرحل وحيد ولا معه من تبيعي = ويترك وراه الذكر او شين الاخبار
دنياك يابن آدم خضار وربيعي = ياسرع ما تقلب لشوكٍ وصبار
ودنياك جسر عبور لو هو وسيعي= ياسرع ما ينهار من غير انذار
تعبر إلى حصن الخلود المنيعي = اما إلى الجنه وإما إلى النار
والخاسر اللي في حياته يبيعي = ولا له رصيدٍ ينفعه مثل الابرار
فازرع اذا ودك تحصد الزريعي= في يوم حشرٍ شاخصه فيه الابصار
ولا تتبع التيّار مثل القطيعي = تدور رضاء الشيطان او بعض الاشرار
فمهما تصل له من مقام رفيعي = الموت حولك يقطفك قطف الازهار

[الطامي]

والخاسر اللـي فـي حياتـه يبيعـي
ولا له رصيـدٍ ينفعـه مثـل الابـرار
فـازرع اذا ودك تحصـد الزريـعـي
في يوم حشرٍ شاخصه فيـه الابصـار
ولا تتبـع التيّـار مثـل القطيـعـي
تدور رضاء الشيطان او بعض الاشرار
فمهما تصل لـه مـن مقـام رفيعـي
الموت حولك يقطفك قطـف الازهـار

الطائر
صح السانك ملايين
رائعة جدا لافض فوك اخي

[نجم الإبداع]

ايو الله

صح لسانك يابو عبدالله

طيبه ووافيه

لاهنت

تقبل مروري

وتقديري

[داعي الشوق]

صح لسااااااااااااااااانك مليووون يا بو عبدالله

و الله يرحم الفقيد و كل مسلم

قصيدة يتأثر منها القاريء ، فما بال شاعرها ،،،،،،،،،،،

صح لساانك مدد

ولاهنت

[حرف وشعر]

دنيـاك يابـن آدم خضـار وربيعـي
ياسرع مـا تقلـب لشـوكٍ وصبـار
ودنياك جسر عبور لو هـو وسيعـي
ياسرع ما ينهـار مـن غيـر انـذار
تعبر إلـى حصـن الخلـود المنيعـي
اما إلـى الجنـه وإمـا إلـى النـار


اشهد انك صدقت

الطائر كم نحن بحاجه الي هكذا

شعر ونصيحه لله درك اخي الكريم

وكل عام وانت الي الله اقرب

[منيع]

رحم الله موتاكم وموتى جميع المسلمين واسكنهم الفسيح من جنتة والتوجد والرثاء في رحيل الاحبة لعمرى لهوى من باب الوفاء وجراحات القلوب التي لاتندمل والعين تدمع والقلب يخشع
رعاك الله وحفظك وكلنا على الدرب سائرون
تحياتي

[ماجد الراشد الهيري]

صح لسانك اخوي جزله من شاعر متمكن وجزل الله لايهينيك

[سناعيس]

الله اكبر
صح لسانك يابو عبدالله
وبيض الله وجهك
جزله من شاعر جزل
لاهنت

تحياتي

[عبدالعزيز العمار]

الله الله

رحم الله فقيدكم وجعل مثواه الجنه

وصح لسانك يابوعبدالله وجاد بيانك

جزله من شاعر جزل وقدير

تحياتي وتقديري

[عبدالله راشد الثويني]

صح قلبك ياعزوتي


قاف المنيعي مؤثر جداً وقد تعايشنا معه

وها نحن الان نعانق احرف مؤثره من إبداع شاعرنا ابو عبدالله


تسلم يمناك يابعدي وهذا حال الدنيا .

عسانا نحسن الخاتمه ونلتقي فمن نحب بجنات النعيم وجميع المُسلمين