الا يادار وين اللي عطاك النور من نوره

[الطائر المهاجر]

الا يادار وين اللي عطاك النور من نوره = غديتي موحشه من بعد ما سافر وخلاّني
احس إنك تحولتي الى صحراء مهجوره = اعيش بها مع الأشباح هم ربعي وخلاّني
مها وغزلان تظهر لي تشكّل باحسن الصوره= على اجمل بنات الكون في نجدٍ ولبناني
يسلني واسليهن وكلٍ فاهمٍ دوره = الى منّي رفعت الصوت جرن عذب الالحاني
يبني انطلق معهن واخلي العقل وشعوره = ادوّر للفرح لحظه بلا همي ولا احزاني
وبديت اشك في نفسي فانا في حال مخطوره= ابي منهو يطمّني واخافه يعلن جناني
ومن خوفي بديت اقرا من القرآن كم سوره = واثاريهن على الإسلام يدرن كل قرآني
ستيراتٍ خبيراتٍ بجبر نفوس مكسوره = يبن اجري مدام إنّي بهذا الوقت وحداني
جلسنا نضحك ونمزح ولاحدٍ مال عن طوره= يعرفني ولوامزح مادوّر عن عشق ثاني
خذني مرةٍ معهن لشط الحب وبحوره = بجزيره حالمه ما ظنتي يدري بها انساني
بها الأنهار والخضره حدايق فلّ منثوره = ونسماتٍ تردّ الروح توقظ بوح وجداني
وقصرٍ ما بقى به غير بعض آثار من سوره= وجنبه بير مدفونه ونخلٍ صار عيداني
نشدت اللي ترافقني عن اللي شفت من صوره= فقالت ديرة اقوامٍ تلاشوا عبر الأزماني
يقال لهم بني يعرب خذوا من وقتهم جوره= عقاب الله للي واجه النعمه بنكراني
كلامٍ ما دخل عقلي وخفت الهرج به زوره= ولكن قبل ما اعلّق عطتني خير برهاني
تقول: إن العرب ولدوا على اشياء محظوره= مثل "احذر لسانك دام للحيطان آذاني"
حلال الحكي في كلش من الأزياء إلى الكوره= حرامٍ تنتقد مركب بوسط البحر عطباني
اذا كان الفتى نصفه لسان ومات في زوره= وش اللي باقيٍ في اليعربي حيٍ ورياني
نظرت لها وقلت الصمت.. فالأجواء معموره = ترى في الجوّ من يسمع ويلقط زلّة لساني
وانا ما نيب ملزومٍ ورايه عشرة بزوره = ابرجع سالمٍ غانم مثل غيري إلى اكفاني
ورجعت البيت متنكد ودمي فايرٍ فوره = وخذت المكنسه قشيتهن واغلقت بيباني
معاد إلا بنات الجن تشجعني على الخوره!!= وانا اللي طول عمري عارف إنّ لساني حصاني
تعالي وارجعي خايف على نفسي من طيوره= فهذا الوقت ما يرحم مدامي صرت وحداني

[العيناء العامريه]

مختلفه حقا

فهي ليست كغيرها

قصتها و حبكها و لونها ......... ومن فيها ...

صح لسانك .. والله يحميك

[الأموره]

~ \\~ الآ يآ دآر وين اللي عطآك النور من نوره غديتي موحشه من بعد مآ سآفـر و خلاّنـي ~ // ~

المهاجر ابدعت في صياغه الحرف

صح لسانك ملايين

سلمت و سلم فكرك

الف شكر لك

دمت برعاية الخالق

[الطائر المهاجر]

شكرا للفاضلة العيناء
على كريم الحضور والمتابعه
لاهنتي تحياتي

[محمد عبدالله البدراني]

الطائر المهاجر


سلمه الله


صح السانك وعلا شانك


ولي عوده تليق


تحيتي

[ام العمده]

الاستاذ الشاعر القدير/الطائر المهاجر

الله الله الله

جمال الحروف تقف هنا

لتصفق لك بشده على مانثرته

صح لسااانك واعتلا شانك

لاهنت على هذه الشامخه

تحياتي وتقديري

الطااائر

صح صح صح السااانك

كما عودتنا ابدااع لا محدود

حروف نقشت بيد محترف

عذوبه وسلاسه لا متناهيه

لا هنت

موج القصيد

[زهرة اللوتس]

الطائر المهاجر
سلمت وسلم فكرك
جزل وحكيم دائما
ماشاءلله تبارك الخالق
لاهنت والله يعطيك العافية
تحية طيبة

زهرة

[حوريه]

طائرنا المهاجر

صح لسانك واحساااك

قصيده رااائعه وجميله

كجمااال حضورك

دااام حرفك ونبضك

.

[منيع]

تقول: إن العـرب ولـدوا علـى اشيـاء محظـوره
مـثـل "احــذر لسـانـك دام للحـيـطـان آذانـــي

احسنت ياعندليب نجد
تحياتي لكم