كثيرن من يبآرك لي! ( عيديّه )

[دايود صالح الخلف]

مدخلّ!
غيوم الحـزن في قلبي تطوفُ
.........لتمطرني بذكرى واشتياق ِ
تحاكيني عن الماضي الجميلي
........ليال ِ الحب في لحظة عناق ِ

كثير ٍ من يبارك لي , بهذا العيـد مبسوطيـن=ولكن للأسـف مايعرفـون الحـال وش هيّـه
فرح , واوناس , وانغام ٍ تغنوا باعذب التلحين=وهذا الطفـل فرحـان ٍ معـاه العـاب ناريّـه
وانا ياويل ويلي ياعناي اليـوم وينـي وويـن=قناديل الفرح غابت , كما هي شمس عصريّـه
قهر , واحزان وهموم ٍ .. تعبرها دموع العين=خذاني فكري الهايـم , لقلـب ٍ عـاش ببنيّـه
فقدتك والله الشاهد , وحالـي كنـي المسكيـن=اراقـب جيّتـك يـمّـي تعايـدنـي بحنـيّـه
فقدتك ياحبيب ٍ عشت انا ويـاه زيـن وشيـن=ولكن هذا هو حظـي وانـا وش عـاد بيديّـه
سوى دعوات من قلبـي اقولـه أول وهلحيـن=عسى الافراح قدامك بعمـرك يشتعـل ضيّـه
واذا حسيت في يوم ٍ بأنـك دايـم ٍ تبكيـن !!=تراني مستحيل ارضى ولا ( بعطيك عيديّه ) !!

مخرْج!
سألت الله لك عمرا ً مديدا ً
....... وفيه الخيـرُ يا بـدر التمام ِ
وان يمحي ذنوبك عن كتابك
.......ويبعدك ِ عن الشيء ِ الحرام ِ




وكل عام ٍ وانتم بخيرّ !
وتقبل الله منا ومنكم
صالح الأعمال ..
.
.
.
.
تحيتي
1 / 10 / 1430 هـ

[فارس القوافي]

واحلى عيدية يادايود

ومن العايدين

صح لسانك

لاهنت

يعطيك العافية

دمت بخير

[صنداح الزلامى]

الشاعر//دايـــــــــود صـــالــح الخلف

صح لسانك وكل عام وانت بخير
تباشروا بخير تجدوه عند الله اخوتي
ان الشخص يحاول يكون سعيد امام
ابشر حتى ولو همومه تتثاقل بين الاوقت والاخر
لحيث ان البشر لايود عندهم سواء الحزن ام الاساءة
بك اخي ام الفرح عليك وبما صابك

[عبدالله الشويمان]

صح السانك يا الشاعر

ابدعت واجزلت

دمت بخير ولا هنت

[منيع]

ابيات رائعه
بارك الله فيكم
تحياتي لكم

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[داعي الشوق]

صح لسانك يا بو صالح

قصيدة جدا جميلة

لها أبعاد رائعة

لله درررررررك أيها الرائع

و صح لسانك مليووووووون

مع التقدير لك

،،،،،،،،،،،،،،،،،،

[الراقي]

نص اكثر من راائع

وحضور جميل

صح لسانك

دام نبضك الجميل

لك الشكر

^^^^^^^^^^^^

[نجم الإبداع]

ارحب يادايود

وصح لسانك على المصافحه الطيبه

وكل عام وانت بخير

لاهنت

[عذب القوافي]

دايود الخلف

عيدك مبارك ومن العايدين المقبلوين

نص راقي

صح لسانك

مودتي ,,,,,,