،، يا مرحبا ترحيبة كلها وروود ،،

[داعي الشوق]

يا مرحبا ترحيبة كلها وروود = بالغالي اللي كل ما فيه غالي
اللي سما قلبي له بروق و رعود = هلت مخايلها علي وجد بالي
دايم هواجيسي علي شانه تزود = متملك عقلي و قلبي و حالي
ماشفت في حسنه مع الناس موجود = مستفرد في كل ذوق و دلالي
لو تجتمع كل المزايين بحشود = و كل العذارى من جنوب و شمالي
والله ما توفي حلا ناعم العود = لو ربع بالميه ولا به مجالي
هو غاية العشاق من ماضي عهود = انشهد انه حاز تاج الجمالي
عتمة ظلام الليل بعيونه السود = لا والله الا اتفوق سود الليالي
والمبسم المعسول زاهي و معقود =اليا هرج يسقيك عذب و حالي
وفي وجنته من ريحة المسك و العود =كل الحلا في وصف راع الكمالي
لو شافه اللي راجح العقل مشهود =ان يختلف ويجيه زود اختلالي
ولو شافه اللي غادي العقل و الزود = يبرا بها و يفيق عقب الهبالي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[منيع]

ياسلام
مبدع ورائع
تسلم ياداعي الشوق
تحياتي لكم

لافض فوك ،، ويعطيك العافيه

تـحــيــاتـــي

[سعيد عوده الحويطي]

الله الله عليك سعود العتيبي. راااايع ومبدع وصراحة حيرتني مع حبيبك كيف يداوي المجنون وهو يجنن لك تحياتي

[داعي الشوق]

المشاركة الأصلية كتبت بواسطة الطائر المهاجر

كتبت فأبدعت واجزلت
صح لسانك ولا هنت
تحياتي الطيبة

صح بدنك يا بو عبدالله

ولاهنت ع المرور

مع الشكر الجزيل

[نهير النمش]

داعي الشوق

صح قلبك وسلم فكرك نص عذب وراقي

سلمت ودمت على جمال المفرده الاصيله

تقبل كل الود

[الخليفه]

لمسات ابداعية خالده
لله درك
وصح لسانك
ولاهنت
تحياتي

[الـزلـزال]

داعي الشوق

بوح مميز وعذب وجميل
من شاعر متميز في كل حروف شعره
أبدعت وأمتعت شاعرنا الراقي المميز
دمت بكل الحب ودام لنا حرفك
صح لسانك ملايين ملايين
ولك فائق تحياتي وتقديري

[داعي الشوق]

المشاركة الأصلية كتبت بواسطة منيع

ياسلام
مبدع ورائع
تسلم ياداعي الشوق
تحياتي لكم

مرحبا يا منيع

ومشكوور على المرور

ولاهنت