\-...سيرة الاحباب...-/ .. *صوتية* ..

[محمد عبدالعزيز الغنام]

^ ^ ^ ^ ^
^ ^ ^^ ^^ ^^


في عالم الحب المجنون
يستحوذك الغرور والطمع
فتريد المزيد والمزيد


^ ^ ^ ^ ^
^ ^ ^^ ^^ ^^

\-...سيرة الاحباب...-/

طرت لي سيرة الاحباب ثم خطت عناويني=وشفت الحب يجبرني واخطه قصة" دانه
واخطك يا حبيبة شاعري والهرج ماليني=مهو هرج" كذا صدفة شموخ" طال بنيانه
لزوم الهرج ياصل لك كلام" بيني وبيني=ابي حكيي وابي صمتك يعم بقافية آنه
توالت قصة وقصة بها العشاق تغريني=الين قليبي المرهف مضى في درب وجدانه
قدرنا بالهوى واحد مداهيل المحبيني=ولكن فرقنا واجد وكل انسان وانسانه
أحد فارق حبيبه بين وردات البساتيني=واحد لاقاه في نار" تفجر سيل بركانه
واحد عادا مواليفه سبب عذال" وعيني=واحد غنى مواويله على قيثارة الحانه
وانا مثلي مثل غيري عشقتك عشق معميني=اشوف لزلتك اسباب والابصار عميانه
وانا لبيت لك يوم" سمعت انك تناديني=جمحت لصرختك واسرجت من قلبي لك حصانه
توقعتك تعشقيني من احزاني تشيليني=شوية عاطفة قلتي خلاص اليوم تعبانه
وانا معرف ارحمني وانا ربي معنيني=حزينه من سنة بيك على فرقاه ندمانه
عسى الله يغفر ذنوبه ويجمع دينك بديني=ولكن قبل ذا كله ابي للحق برهانه
ابي عشق البشر كله يشكل وجهك بعيني=وابي رسم القلوب يكون بأجمل وأحمر الوانه
ابي حب" يغيرني يبعثر زيني بشيني=وابي حرف" يصادقني ويملى فيني الخانه
يفارقني يعاشرني يضايقني يواسيني=يفرغني من احزاني ويملى فيني احزانه
واذوق الحزن من كاسك واتوقه لين يرويني=واذا باقي منه رشفه واشوفك حيل ضميانه
والاحظ شفتك تهمس تقول ارجوك اسقيني=اكبه مع مهب الريح لين تفيض غدرانه
مهو بخل" حشا لله ولكن منية سنيني=غلا مجنون يجمعنا ونسبح وسط وديانه
ولو حتى جفيتيني نسيتيني طعنتيني=تجيني دامعة عينك من الصدمات مليانه
واشمك وردة" فاحت من اوساط الملاييني=واضمك حيل في صدري الين تجمّر اركانه
واشوف الحسن بعيونك واقول اشلون تبكيني=واشوف الحزن بعيونك واقول الله حليانه
وننسى ما مضى كله مداهيلك عناويني=وابدل عينك بعيني واعيد الحب لازمانه
عشان اشوف من عينك عواذل ماضي سنيني=ولكن خايف تشوفي غريب" فاقد اوطانه
أنا ماهوب ذا نظمي ولكنك جبرتيني=جبرتي شاعري يكتب قصيدة توصف اشجانه
توالت سيرة الاحباب سجان ومساجيني=وانا اول واحد" فيهم حكم في قلب سجانه

تقبلوا تحيات اخوكم الشاعر: محمد عبدالعزيز الغنام.

[سناعيس]

أنـــا مـاهــوب ذا نـظـمــي ولـكـنــك جبـرتـيـنـي (()) جبرتي شاعري يكتـب قصيـدة توصـف اشجانـه
تـوالـت سـيـرة الاحـبــاب سـجــان ومساجـيـنـي (()) وانـا اول واحـد" فيهـم حـكـم فــي قـلـب سجـانـه

الله الله
صح لسانك يامحمد الغنام
ولله درك على هذه الرائعه
جزل الله لايهينك



تحياتي

[الأموره]

الغنـآم ..~

صح لسـآنك ملايين يخوي ..~

سلمت و سلم فكرك .~.

هطول جميل ..~

و فكر رآقي ..~

تبارك الرحمن .~.

الف شكر لك ..~

دمت برعاية الخالق ..~

[الخنساء]

صح لسانك ولاهنت

ابيات رائعة

سلمت ودمت بخير

[نجم الإبداع]

الله الله

صح لسانك يامحمد

قصيده جزله

ابدعت ياشاعر

لاهنت


تقبل مروري

وتقديري

[محمد عبدالله البدراني]

ماقووووول الا صح السانك يامحمد


وعلا شانك يالقرم



لاعدمناك



تحيتي

[حوريه]

ابي عشق البشر كلـه يشكـل وجهـك بعينـي ..وابي رسم القلوب يكون بأجمل وأحمر الوانـه
ابـي حـب" يغيرنـي يبعثـر زينـي بشينـي ...وابي حرف" يصادقني ويملـى فينـي الخانـه

الشاعر محمد الغنااام
صح قلبك وإحساااسك
على هالرااائعه العذبه
كعذوبة حضورك يالغالي
لاهنت و لاهان مغليك

.

الغناااام

صح الله لساانك مليون ولا يسدووووون

جزله جزله جزله

لا هنت

اموااااج

[ام العمده]

محمد

صح لسانك واعتلا شانك

لاهان راسك

ائعه من روائعك

ابدعت

دمت بخير

[الطائر المهاجر]

صح لسانك واعتلى شأنك
نص رائع من شاعر رائع
لاهان راسك يامحمد
تحياتي الطيبة