يا مدعي الدين خل الدين لاصحابه(بالصوت)

[الطائر المهاجر]

بصوت سناعيس

يا مدعي الدين خل الدين لاصحابه = الدين في القلب والله يعلم النيّه
واذا البعض ياخذه استار مايابه = من اجل اهداف مكشوفه ومغطيّه
مكشوفةٍ للبصير وفاهم اسبابه= ومغطيةٍ للعمى ما يدري الهيّه
فحنا هل الدين من يعليه وركابه= بالفعل لا القول في عزمٍ وجديّه
وحنا رفعنا القصر ماهابت قبابه = كثر العواصف ولو هي جات ملويّه
فيه الشعر والمرح ممدوده اطنابه= وسعة الصدر بين شيلات وغنيّه
مثله مثل اي تلفازٍ له احبابه = ايبثه إعلامنا بارض السعوديه
في دولةٍ ماخذه بالدين وكتابه = وتدري المحرّم ولا تقرب حراويه
ومن كان ناوي يخلخل بعض ابوابه = مهما الذريعه ترى خابت هقاويّه
الأمر شورى جماعة خير برحابه = الكل له حق في عدلٍ وحريّه
واللي يبي فرض رأيه فالعقل غابه= الكل ضده ولو يخفي مواريّه
والعاقل اللي يعيد الفكر بحسابه= فخطٍّ حمر لايقرّب من حواليّه

[(ابو ريم)]

الله الله يامبدع .... صح لسانك ؟

من الوزن الثقيل .... حكيم بارك الله فيك ؟
تقبل تحياتي

[شجون القصيد]

الله الله

رااائع من رااائع

هنا تجلت حكمة الكبااار

ابيات راقيه من فكر نير توشحت العذوبه

لله درك شاعرنا مبدع اينما تكون

دوما في انتظار روعة حروفك

اعجابي وتقديري

[عبدالعزيز البليهد]

هذي دواءالمتنطعين فالعقيده والوطن لها ثوابت وخطوط حمراء لايزايد عليها الا جاهل

معاني كبيره احسنت صياغتها بكل اقتدار واختصار

صح لسانك ولاهنت

[حي الضمير]

صح لسانك يابوعبدالله
قصيده تلامس واقع البعض
وابدعت ياعلم في صياغتها وعواااايدك

[نجم الإبداع]

صح اللسان الذي صافي الذهب جابه=لؤلؤ وجوهر وبعض ثمار مجنيه
ماهو كما الي عمى شوفه شجر عابه = ولا رسم فكرته في يوم محنيه
من يدعي الدين ويخالف مع احبابه= يستاهل الرمي ماعد فيه حنيه
ماحلى ليا صار بين العالم دعابه = ندمح وننسى ونسلى افكار ضمنيه


صح لسانك يادكتور

مصافحه طيبه

لاهنت

تقبل مروري

وتقديري

[سناعيس]

صح لسانك يابو عبدالله
وبيض الله وجهك
على هذه الجزله
لاهنت يالغالي

تحياتي

[الطامي]

ههههههههههههههههههههه
الطائر
صح الاسنك
رائعة جداومفهومه
لاهنت

[نفحات حساسة]

صح السانك..

ولالالاهنت..

أبيات رائعه..يعطيك العافيه

تحيتى لك..

[ابو تواف]

يدوم قصر المحبه منفتح بابه == لكل من يطرق ابوابه علانيه

صح لسانك ابو عبد الله


منهج واضح وقصيده رائعه


سلم راسك وفكرك والله يقويك


تحياتي وتقديري// ابو نواف