ماظن يطفي واهج النار طمري

[نجم الإبداع]

ويل المواطن من جشع صاب الامصار=صار الغلاء فاحش والاوضاع حدري
اهل العمائر وافقو فكر تجار = زادوا في اسعار الشقق دون عذري
والدخل ثابت ماوصل عشر معشار=والي يده في النار جانا يهذري
الشعب طيب مير لاشبت لنار = ماظن يطفي واهج النار طمري
الصبر فاض وصاح بالناس مغوار = واهل الردى قالو هوى ذاك فطري
الوضع فاق الوصف من رفع الاسعار=قولو لعاقلنا ترى الوضع مزري
صار البلد كله مرائي وشعار = من مارد الفاقه تشوف المسمري
الي تعشى صار يحسب للافطار = من عقب طيب العيش صار الشضف ري
تغيرت عاداتنا واشتكى الجار =والرزق مقفوله دروبه وحصري
منْعْت زكاة المال واصحنّ الامطار=واهل الدراهم وضعهم صار فجري
المال فاض وعند شله لها اطوار= للعجرفه بانفوسهم خمر سكري
يقضوْن اجازات الهوى بين الاقطار=ويبذرون اموال الاسلام غدري
يمولون الكفر من دون معيار = واهل البلد مانالو الا الشمطري
لو فكرو بالحق مافارقو الدار = ولا سعو بارض الفساد المخطري
اكلو الرباء واتفاخروا بالتمخطار=واليا انتقدنا قالو الوضع خطري
يالله تصلح حالنا وانت غفار = واهد النفوس الي بها الفسق يجري
واحرص بلدنا من هوى كيد فجار=ماهمهم غير الطمع والتمطري
والله ان راعي العقل بالوضع محتار=قولو لعاقلنا ترى الوضع مزري

[حمود جارالله المزيني]

منْعْت زكاة المـال واصحـنّ الامطـار
واهل الدراهم وضعهـم صـار فجـري

هذا البلاء ..
صح لسانك أخي : فلاح

[الطامي]

بن منشار
صح السانك
جزلة من جزل وهادفة جداً
لاهنت

[منيع]

ابيات رائعه وتحكي الواقع
بارك الله فيك
وربي يفرجها على الجميع
شكرا لكم
تحياتي

[ام العمده]

صح لسانك واعتلا شانك

لاهان راسك

ابدعت بهذه الرائعه

دمت بخير

[حوريه]

مبدع ومميز يافلاااااح

كما عهدنااااك لاجديد

سوى الأبدااااع والتميز

يسلم قلبك

وحرفك

.

.

[الطائر المهاجر]

صح لسانك مدد بلا عدد
ولاهان راسك
تحياتي وتقديري

[احساس أنثى]

شاعرنا / فلاح بن منشار

صح لسااااااااانك وعلا شانك

قصيده جميله تلامس واقعنا : (

مع التحيه

[نفحات حساسة]

صح السانك..اخوى فلاح
ويعطيك العافيه..قصيده رائعه كروعتك..
سلمت ودام حرفك..
تحياتى..

[عدنان كريزم]

صح لسانك يالذيب ولا هنت