لاصرت جوعانٍ فلا تدخل السوق:خطه اقتصاديه

[الطائر المهاجر]

لاصرت جوعانٍ فلا تدخل السوق= وخلك بعيد ولا تجي حول مطعم
واركض على بيتك ولو عاقك العوق= ودور لبطنك ما يسده ويرثم
بطنك صميلٍ دايم الدوم مشقوق= مهما مليته بعد ساعات يهضم
فلا تطاوعه لو صاح اوقال مخنوق= خنقه ولا يومٍ على الفعل تندم
فالجوع فيه العافيه لكل مخلوق= ومن زاد وزنه يشعر بكل مؤلم
قلب وركب والظهر يشكي من طقوق= وحتى سلاحه كل حين يتثلم
وحذراك من تقسيط في ربحه البوق= تدور بوش ولا قضى لو تألم
كلٍ يبي مصّك ولو جاك بالذوق = لا تعطي الفرصه لمن كان يبحم
لْحافك تمده قد رجليك من فوق= وحب المظاهر سقم في كل معلم
اقنع برزقك ماانت ياصاح ملحوق= ودبر امورك كود هالوقت تسلم
ولا جاك ضيف تالي الليل مصفوق= اذبح له البرّاد ليبتون مختّم
بوجه ضحوك وهرجةٍ كلها صدوق= ولا من بغى يمرح ترى المسجد ارحم
القرش درعك ينتج الطاق مطبوق= لامن حفظته في سجن دوم اظلم
ولاجتك فرصه تشتري بعير او نوق= ولا اريضه كان بالسوق تفهم
تبني بها دكيكين في دخله الشوق= اوليد مصلح ما يبي له معلّم

[داعي الشوق]

خطه اقتصاديه شاملة من جميع النواحي

صح لسااااانك


لي عودة للرد و التعليق

ولاهنت

[عبير الورد]

ولا جاك ضيف تالي الليل مصفـوق
اذبـح لـه البـرّاد ليبتـون مختّـم
بوجه ضحوك وهرجةٍ كلها صـدوق
ولا من بغى يمرح ترى المسجد ارحم


ههههههههههههه

صح لسانك ملايين يعطيك العافية

[الطامي]

فالجوع فيه العافيـه لكـل مخلـوق=ومن زاد وزنه يشعـر بكـل مؤلـم
قلب وركب والظهر يشكي من طقوق=وحتـى سلاحـه كـل حيـن يتثلـم

هههههههههههههه
جبتها يالعود
صح السانك وفكرك وبنانك
رائعة جدا لاهنت اخي
وشكرا لك

[احمد القاسم]

هههه صح لسانك ,, هذا اقتصاد بحت ..

[حي الضمير]

خطه اقتصاديه فيها غلو شويات يابوعبدالله

وصح لسانك ياعلم

[عبدالإله]

ابداع شعري يفوق الوصف

و معاني تستحق الاشاده

صح لسانك و لا هنت

ولا عدمناك

[منيع]

ههههههه
اما هذي حكاية
اذبـح لـه البـرّاد ليبتـون مختّـم
شكرا لكم
تحياتي

[عبدالله مذكر العقيلي]

صح لسانك

والله لايهينك


تحيتي

[الـزلـزال]

الطائر المهاجر

نص مميز ورائع وجميل

من شاعر متمكن ورائع في كل مايقدمه

شاهدنا في هذا النص حكم ونصائح متقنه ومميزة

مبدع طائرنا دائمآ وفي كل ماتقدمه مبدع

حلق بشعرك ولنا الأستمتاع بكل مايحويه

صح لسانك ملايين ملايين

ولك فائق تحياتي وتقديري