يالله ياكاشف عن ايوب ما به

[الطائر المهاجر]

يالله ياكاشف عن ايوب ما به = يا خالق الإنسان تعلم خفاياه
يامجيب دعوة مؤمنٍ التجا به= تفرج لمن همه بقلبه لجاياه
نارٍ توقّد بالحشى ما تجابه= بركان كلما اطفيه زادت شظاياه
مما اشوفه في زمان الخيابه= من شئ يدمي قلب صافي نواياه
غير نفوس الناس من كل لابه = ولا عاد تلقى من تسرّك سجاياه
عصر التحضر في طيوره تشابه= تساوت صقوره مع اردى حداياه
ركضٍ مع التيار تطرد سرابه = تاخذ قشور الغرب واتفه نفاياه
وكلٍ ولا هو داريٍ عن صحابه= اصبح يعاني منطوي في زواياه
هذا مريض ولا لقى له طبابه= وهذا المخدر طيّحه في هباياه
وهذا الطمع جره يكبر جرابه= لو بالحرام وعايشٍ في عماياه
يحسبه بالأموال وصل السحابه= يخفي بلاه وما بطن من خزاياه
يقلب على اهله لو هم اقرب قرابه=امه وابوه ومن طلع من غذاياه
وهذي عجوزٍ مهمله في خرابه= وهذا عويدٍ رمي تؤلم حكاياه
وهذا بإسم الطب ينهب نهابه= محد ردعه ولو تزايد ضحاياه
وهذا بإسم الدين يعلي قبابه= ولا من تتبعته تعرف لْرزاياه
خدّاع ماكر لاعبٍ بالذيابه = وكم واحد ووحده غدوا من سباياه
لاشفت هالأوضاع عشت بكآبه= واشعر بجوفي نار تشعل لضاياه
مرات كنّي من يحس بغرابه = يحصد بهمه ما نتج من خطاياه
لأنه على مبداه تمشي ركابه= يرفض يساير وقت تاهت مطاياه
والظاهر اني من خطا في حسابه = عايش مثل من يخدعنّه مراياه

[منيع]

كان الله في العون
ابدعت واجدت
تسلم يادكتور
تحياتي وتقديري

[صنداح الزلامى]

الله الله

الطائر المهاجر

صح الله لسانك على كل حرف كتبت

[همس الورد]

بوووووووووووووووح رائع يا دكتوووووووووووووور

صح لسااااااااانك مليوووووون

و صح بدنك و اعتلا شانك

تحيتي و تقديري

[بنت العز]

صح لسانك وعلا شانك شاعرنا
فعلا هذاواقعنا المؤلم
يعطيك العافيه
تسلم لاهنت

[مجدي صالح المبارك]

الشاعر القدير ( الطائر المهاجر ) دائماً محلق في سماء الإبداع والحرف , صح لسانك وجاد بيانك على هذه الباذخة الإجتماعية المطرزة بخيوط الروعة تقبل تحياتي مع فائق الود .

[ترانيم المطر]

لله درك

شاعر مميز من العيار الثقيل

سلمت وسلم بوحك الراقي

أمتعتنا بالسهل الممتع

تقبل من التحيه أغلاها

ودمت بود

[نجم الإبداع]

صح لسانك يادكتور

والله يصلح الحال

مصافحه وصوره مؤلمه من فكر يحمل هموم المجتمع

لاهنت

تقبل مروري

وتقديري

[سناعيس]

الطائر المهاجر
صح لسانك وبيض الله وجهك
قصيدة جزله من شاعر جزل
لاهنت


تحياتي

[عدنان كريزم]

يالله ياكاشف عن ايوب مـا بـه

يا خالق الإنسان تعلـم خفايـاه

------------------------------

درجه كبيره من التنوير الشعري يا بحر الشعر

صح لسانك