ياناعس الطرفين ،،، عوده للغزل مع الطامي

[الطامي]

يامرحبا بك عد نجم تلالا = وعداد ما هبت هبوب من الغرب
واعداد ما تنشي حقوق الخيالا = ويهل ماها وتحيي القاع والعشب
واعداد حصم الارض شرق وشمالا = تحية من ضامرٍ ماطلعت غصب
ياناعس الطرفين مابه مجالا = غلاك مابين السراجيف والقلب
اي والذي ينشي الضنا باكتمالا = ويكونه من تربة الصدر والصلب
ان حبكم بالقلب سوا الهوالا = وان اللقا معكم لقلبي هو الطب
يازين ابي شوفك بدون احتمالا = لعل يطفي لاهب بالحشا شب
والا تجي وانا معاك نتمالا = وش حيلة المحتار الاقشر الى حب
اما نجيب الراي فعل ومقالا = والا نروح ونقطع لوصل مانحب
نعتاض فيكم حور بدر كمالا = وتروح في شانك وانا منك باغب

[رووبين]

آلطْامِيَ

صَحِ لسٌانكَكِ

آبيٌآآتِ رِآآئعِةُ

يعِطْيكَكِ آلعآآفيِةٌ

[مشعل التريباني]

صح لسانك يالطامي
ابدعت وامتعت الله يطول عمرك
قصيده غزليه رائعه من شاعر راقي

[الطائر المهاجر]

ايه يامحيسن زمانه
وش الطاري
اعقل .. اعقل ... شوري عليك
ابدعت
وصح لسانك الف
تحياتي

[احمد الكثيري]

سلم قلبك يالطامي نص جميل ورااااائع
لك تقديري

[الراقي]

صح الله السانك جزله من راس جزل

دمت بِكُلِ مَوَدَةٍ

[داعي الشوق]

صح لسانك ابو محمد

والله يعينك يالهواوي و تحمل ما يجيك

ولاهنت يالشاعر

[ساهر الليل]

صح لسانك يالطامي

ابدعت في هالرائعه

وكثر لنا من الغزليات

لاهنت يا شاعرنا

تحياتي وودي

[البحيري]

روعة حروفك العذبة الراقيه
صنعت درة نفيسه
صح لسانك
ولاهنت
اجلالي وتقديري

[بنت النور]

صح لسانك واعتلا شانك يالطامي


ولاهنت


يعطيك العافيه
تحياتي