مانيب مضبوط

[الشريف الشرّقي]

في سالف العصر والأوان كتب أحد الأحبة هذا الرد :

وسيأتي الشريف الشرقيّ ويدبجني بأبيات وهو سعيد ومبسوط
وسيأتي أبو أنس ويكمّل الدبجة وهو أيضاً يرفل بسربال السعادة والأسارير المُنبلجة
لا حرمني الله وصالهما
ولكن إن هما جاءا فأخبريهما بأن يكملا هذين البيتين :-
يقول الشاعر :-
كلٍ يعيش العيد يضحك ومبسوط ** إلا صويب الحبّ يا عزّتي له
وأثر الهوى من جدّ ما فيه مسفوط ** ليا غزا الخفّاق ما فيه حيله

فسارعت كعادتي - الله مير يسلمني - بهذا الرد قبل ان يأتي أبو أنس ويأكل الجو ويشربه كما يشرب الصائم الصادي "قلاص " الفيمتو الذي تنساب من جنباته حبيبات الندى كأجمل ما يكون البلور

تبي الصحيح الوقت ما فيه مبسوط =كلٍ على ليلاه يرفع شليله
هذا يبي فلة وهذا يبي نوط = وهذاك يبغى ضافيات الجديلة
دنياك ياصاحب على شكل مخروط=مرٍ تضيق ومرةٍ وش حليله
والحر فيها يا ولد صار مربوط =خايف من دروب الخنا والفشيلة
لا والذي سواك مانيب مضبوط = دمعي على خدي تزايد هميله
مثل الذي مضروب في ركبته سوط= ازرى يقوم ولا لقى من يشيله
ولا كما جلفٍ على الجال مقطوط=ماله صديقٍ لا بغى يرتكي له
حتى الصداقة صارت اليوم بشروط= لا بو عميلٍ ما يقدر عميله
لاحظ وجيه الناس:ساخط ومسخوط=واللي بلاه الناس يا عزتي له
حظي مع بعض العرب ضاربٍ شوط=ارسلت له(عوده)وجتني هزيلة
حلفت ما عاشر من الناس مسفوط =يرقص على جرحي سواة الكحيلة
لا نيب لا زايد ولا نيب شخبوط= ولا ني فهد راعي العلوم الجميلة
أنا كذا الله خلقني ومخطوط =في صفحتي رزقي وربي كفيله

[الطائر المهاجر]

والحر فيها يا ولـد صـار مربـوط=خايف مـن دروب الخنـا والفشيلـة
هذا البلى فالوقت ماهوب مزبوط = الذيل صار الراس والراس ذيله
أنـا كـذا الله خلقنـي ومخـطـوط
انا افضل اقرأها كما يلي:
(انا على الله ما رسم لي بمخطوط)
صح لسانك مليار ولايكفون
اعجابي وتقديري
مع أطيب تحياتي

[ابو أنس]

الشريف الشرقي................
جمال يتأتي به الجمال ولاغرو في ذلك
وبالمناسبه ..هل داخلت هذه القصيده ام لا فأنا والله لاأتذكر
ثم ماهو حال صاحبنا بي شوق اليه فمنذ حورب هناك انقطعت أخباره عني ولم أجد سبيلا له
ان كان لديك شيئ عنه أخبرني ولك الشكر والفضل والفضيلة من سجاياك
لك الود والتحيه

[سناعيس]

الله الله عليك ياالشريف الشرقي
كم لما تجود لنا به خواطرك من وقع في النفس
فأنت والله شاعر يعجبني قافك العذب والقوي والجزل
صح لسانك ولله درك

[ثار التميميه]

الله عليك

صح لسانك ولاهنت

ابيات في قمة الروعه

لله درك

[يزيد النمي]

ياسلام ياسلام ياسلام

الله الله

صح لسانك حتى ترضى

سجل اعجابي الكبير بشاعريتك الفذة

[ابو زياد]

ما خليت من الابداع شي الا واستوليت عليه
ياخي والله انا صرت استحي من خرابيطي

[الــذاهبه]

الشريف الشرقي
كتبت فاابدعت
صح لسانك مليون ولايسدون
بنتظار القادم
تحيتي

[سهيل الشمري]

أنـا كـذا الله خلقنـي ومخـطـوط
في صفحتي رزقـي وربـي كفيلـه


الله عليك يالشريف


والله وفيت وكفيت يابعدي


تسلم ويسلم راسك

[منيع]

قمة التميز
اجاده وافاده
تسلم