تأخرتي علي وزاد شوقي(بالصوت)

[الطائر المهاجر]

تأخرتي عليّ وزاد شوقي = ابصبر بسّ مالي مقدريّه
مع الأيام يتعبني خفوقي = يجرّ الصوت بجروح نديّه
ينادي لك بإحساسٍ صدوقي= تعالي وانظري حالي رديّه
اسابيع مضت زادت حروقي= احس بها سنه واكثر شويّه
شراعي تاه والأمواج فوقي = بغبّ الليل لافجر وهويّه
افتش عنك واثرك في عروقي= مع النبضات في عمق الخليّه
ورحتي بعيد لا رعد وبروقي = سحابة صيف وعروقي ظميّه
توحّد بي هواجيسٍ تعوقي = جيوش الياس من حولي قويّه
ولا تدرين عن خافي عموقي= سليتني بعد كنتي الوفيّه
يدك في بارد الماء الدفوقي = ويدي بالنار تحرقها اللضيّه
اذا الفرقى على كيفك تروقي = تراها قتل عمدٍ للضحيّه
كفاني ماجرى جفت عروقي= تعبت امشي وقيدك في يديّه
انا المسجون في سجن الرموق= اخاف السجن ما يصبر عليّه
واخاف الليل والنجم السروقي= اذا طالعت يخطفني عشيّه
وانا اللي ما دخل احدٍ بذوقي = سوى اللي علمتني الجاذبيّه
ايا ريح الصبا احمل لشوقي = معك اجمل سلامي والتحيّه
صباح الخير يا نبض الخفوقي= ترفق بي ترى بُعدك خطيّه

[الأموره]

ما شاء الله درر ،،

حيرتنا ايش نقتبس ،،

صح لسانك و سلم بوحك ،،

الف شكر لك ،،

دمت برعاية الخالق ،،

[عبدالرحمن الصباح]

صح السانك وعلا شانك ابوعبدالله قصيده رائعه ابداع استاذي الفاضل ودي وتقديري

[الطائر المهاجر]

شكرا للأمورة الفاضلة
على كريم الحضور والتفاعل الجميل
تحياتي الطيبة

[عبدالله راشد الثويني]

أبو عبدالله
صح لسانك وعلى شانك
ماذا عساي أن اقول امام هذه الباذخه
لا جديد ،،، كعادتك لا تهوى سوى الروائع
كل الشكر على إتحافنا
تقبل تحـيتي

[منصور العبدالله]

وانا اللي ما دخل احدٍ بذوقـي
سوى اللي علمتنـي الجاذبيّـه

ايا ريح الصبا احمل لشوقـي
معك اجمل سلامـي والتحيّـه

صباح الخير يا نبض الخفوقي
ترفق بي ترى بُعـدك خطيّـه



صبااااااااح الورد يابو عبدالله

صباح الحب

شربتها مع فنجال القهوه هذا الصباح واروت الذائقه وفاقت ذالك

تحياتى لقلبك الندى الابيض

[مبروك بن ماضي]

استاذي النبيل الشاعر العلم/ عثمان العبدالله
حضورك له بصمته الخاصة يادكتور
وشعرك يستحق الوقوف والتأمل
سعيد بحضوري هنا في مدرستك الشعرية
دمت أخا أعتز بوجودي في متصفحه
تقبل تحياتي وفايق احترامي
أخوك / بن ماضي

[الطامي]

ايا ريح الصبا احمل لشوقـي
معك اجمل سلامي والتحيّـه
صباح الخير يا نبض الخفوقي
ترفق بي ترى بُعدك خطيّـه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الطائر
لازلت الطائر المحلق في سما الأبداع والتفنن بالقافية الشعريه
صح السانك
ولاهنت

[مبارك أبوظهير]

الله الله



ابوعبدالله



صح قلبك وفكرك ... قصيده طرقها جدا جميل .. يكاد يندثر .. مع إنه من اجمل الطروق



أبدعت لاهنت



إعجابي .. وتقديري الجم




مغليك




مبارك

[النهج المختلف]

ايا ريح الصبا احمل لشوقـي
معك اجمل سلامـي والتحيّـه
صباح الخير يا نبض الخفوقي
ترفق بي ترى بُعـدك خطيّـه


الطائر المهاجر صح السانك ,,,
قصيدة راقية من شاعر مبدع ,,,
لاهنت يا أبوعبدالله ولاهان راسك الجزل ,,,
تحياتي وتقديري ,,,