اشوف العرب ماترحم اللي وقع وانعاق

[فواز الغسلان]

الا واهـني اللـي قـضـى لـيـلـتـه ماضـاق=واذا ضاق يـلـقـى بـيـن الاجواد مزبانه
جروح الحشى بانت وهي بالضمير عتاق=وغـيـــره يـغــــنــي لـيــــلــــتـــه دان وادانــه
اشوف العرب ماترحم اللي وقـع وانعـاق=حـزيـنٍ يـعـانـي ظـلــم سـجـنــه وسـجـانه
مع انه قضى عـمـره لـطـبـع الـفــزع تواق=ومن جــاه مايـلـقــى هــوانــه وخـــذلانـه
ومـمـشــاه بـدروب المراجل وفـى مابـاق=ولا بــار بـعـــهــود الـشــريـعه ولا خـــانه
وصار السعد حـظ الـذي ينقض الميثاق=ولاادري متى يـمشي على الــعـدل مـيزانه
يـبـون الـذي لاشاد بـيـتـه بـنـى منطـاق=ولا يـرغـبـون اللي ظـهــر درب بـيــبــــانـه
والاجواد ماله عن هبوب الشمال رواق=ذراهــم لـمــن يـفـتـــح لـهــم بــاب دكـــانه
واذا شف وقتي مع عفون العرب ما راق=وشـفت الذي يـنـثـر على الناس بـهــتـانه
طفح ضامري واحضر بجزل القصيد ارناق=وكـل العرب تـشـفـق عـلـى بـدع قيفانه
يـهـيـض الخـفـوق اللي لجـزل المثل سبـاق=واذا عاضبت يرسل على القاف شيطانه
واذا هـاض مايحـتـاج قـافـه قـلـم واوراق=لأن الـقــوافــي تـنـطـبــع وسـط وجدانه
حلات القـوافي يـوم تـنـبــع من الاعـمـاق=بـهــا راحـــة الخــافــق وطـيـبــه وسـلـوانه
الا لـيـتـنـي طـيـرٍ بكـبـد الـسـمـاء خفاق=واذا ضــاق تلـفـح بالـنـسـانـيـس جنحانه
اذا بـان حـس الرمي من بـنـدق الـتـفاق=وشــر الـعـــرب داهـــم مـواكـيــر جـيرانه
كفخ عن ديار الهون من عالي الشوهاق=ولا ديــرةٍ فـيـــهــا الاجــــاويــــد مـنـــهـــانه
ولا يـنـتـظـر فـتـرة اجـازه وخـتـم اوراق=ولا الصيف حـتى يـنـتـهـي درس وغـدانه
ولا الـمـال والجـمـرك ولا رخـصة السواق=ولا عـسـكـرٍ تـنـثــر قـشـوشـه وشرطـانه
ولاارضى هوان الـنـفـس في لـذة المشراق=وابـي عــزتــي لـو تـمـرح الكـبـد جـيـعـانه
والازواد تحت كفوف الانذال ماتـنـذاق=والارزاق من رب الـسـمـوات سـبـحـانه
انـا ضـمـن خـلـق الله ورزقي على الخلاق=هـو اللي رزق دابٍ عـمـى فـوق ظـلـعانه
ولاارجي من كفوف البشر بالحياة ارزاق=وطـبـع الـبـشـر نـجـهــل مواقـيـت بـركـانه
الا واوجـودي وجـد رجـلٍ كـسير الساق=وقـع عـقــب صــولات الحـرايـب وفـرسانه
جـتــه من بـواريــد الـمـغـيره ثلاث اطـلاق=من كفوف من يضبط ضحى الكون نيشانه
عـقـب طـلـعـة الجوزاء تحت قيظها الحراق=تـقـول الـرضـم يـقـدح عـلـى جـال وديـانه
دهـورٍ ولا شـعـــشــع بـوديـــانـــهـــا الـبــراق=ولا داجـهــا الــرعــيــــان تـســـرح بـذيـــدانه
ولا غـيـر حـس الذيب يقـنب على المطباق=سـبـايــب عـنــــاه وجـور وقــــتـــه وحـقـرانـه
وسـود الافـاعـي من جحور الشقى تنـساق=وهـو يـدري ان الـمـوت بـاطـراف نـيـبـانه
وجـمـر الـعـطـش وسـط المـعاليق ماينطـاق=واذا عــاش مايـــامـن حـنـيــشــه وسـرحـانه
مثل حـالـتـي يـوم الـقــدم عــدت الـمـفـراق=وخـلـيـت من شادت على الـقـلب مسكانه
حـلا الـهـرج والـمـبـسـم وريـقه هو الترياق=مـذاق الـعــســل لا خـــالــطـــه حــب رمــانـه
وردفٍ قـبـس بـيــنـــه وبـيـن الـثـيـاب خناق=لانــــه طــــوى ثـوبــــه وفــضـح بـســيـقـانـه
وهـذا الــذي خــلا الـضـمـايـر تـقـع بـشـهاق=ورمـشٍ عـلـى عـيــنٍ مـع الـغــنـج نـعـسـانه
وعــطــرٍ يـفــوح بـفــيــضــــةٍ مـاوطــــاه نـيــــاق=يـخـلــط الـخــزامـى والـبـخـتــري وريـحـانه
لك الـلـه فـلا احسب الهـوى للحـشى سراق=لـمـا شـفــت قـلـبــي ضــايــعٍ وسـط مـيـدانه
حــدانــي زمــانــي والــزمــن لـلـعـــرب بــواق=رمـانـــي عـــلـــى كـــاوي غــرامـه ونــيـرانــه
تـرك خـافـقــي بالـصــدر يـومـي تـقـل معلاق=ايـا شـيـب عـين الـلـي شـكـى قـلــة اعـوانه
قطع درب مـحـبـوبـي عــوايـق غـثـى وانفـاق=وظـــلـــمٍ تـعـــرف الـنــــاس رقـــمـه وعــنــوانه
زمــانٍ قـلــب ورد الـمـواصــل جـحــيــم فـراق=وخــلا عـيــونــي تـقــضـــي الـلـيــل ســهــرانه
ايـا طـول لـيــل الخـافـق الـضـايـق الـمـشتاق=وفــي حــــالـــتــي صـــدق الــــدلايــل وبـرهــانـه
سـقــى الله لـيــال الوصل من مـزنــه الـدفـاق=هـمـيـلـه يـغــيـــث بـدخــلـــة الـوسـم ريـضــانـه

[الطائر المهاجر]

تقلب بك الدنيا واشوف الحشا ماطاق=صراعات ما تركد تراكض بشريانه
يبي لك تغير جو على جزر واق الواق= وتنسى هموم القلب تخمد لبركانه

صح لسانك
ولاهنت
تحياتي

[عبدالله راشد الثويني]

شاعرنا المُبدع والراوي / فواز
ابدعــــــــــت يالغالي نـص راقـي كـرقـي حضورك المُمتع
صح لسانك مليون ولا يكفون
وعساكَ ع القوه
تقبل وُدي

[الطامي]

الغسلان
صح السانك وينانك
جزلة من جزل لافض فوك
شكرا لك

[داعي الشوق]

تستحق وسام



و



يا بن غسلان

تحيتي لك مع التقدير

[سلطان العطاوي]

الله
الله الله
الله الله

يا سلاااااااااام

فوااااااز

الكبير كبير


صح لسانك واعتلا شانك
أبيات رائعة بروعة حضورك
لا خلا ولا عدم
تحيتي // متابعتي وودي واحترامي..

العطاوي

[الـزلـزال]

وصار السعد حظ الذي ينقـض الميثـاق=ولاادري متى يمشي على العـدل ميزانـه

فواز الغسلان
قصيدة رائعه ومتقنه في حروفها ومعانيها
من شاعر جزل ومتمكن وراقي في كل مايقدمة
أبدعت شاعرنا بكل المقاييس
رعاك الله
صح لسانك ملايين ملايين
ولك فائق تحياتي وتقديري

[همس الورد]

صح لسانك و صح بدنك

و اعتلا شانك

قصيدة رائعة

تحياتي

[زهرة اللوتس]

سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[حوريه]

ابن غسلاااان

ابــــداع متجـــدد....

صح لساانك واحساااسك

على هذهالشامخه الجميله

اعذب التحايااااا واجملهااا

،،،