دمعة الشوق

[عبدالرحمن الغيثي]

الدمعة اللي ماتعبر عن الشوق = احسن تموت وتندفن بين الاحداق
مادام جرح العام باقي ومفتوق = ماينفع المشتاق لو قال مشتاق
والسابق اللي بآخر الوقت مسبوق = وش فايدة ياقالوا العام سباق
وان صار بين الناس سارق ومسروق = اكبر غلط سرق المشاعر والاذواق
يالوقت مايكفي خذيت الامل بوق = وحطيت في قلبي متاهات وارهاق
يكفي عذاب وقلة حظوظ ووفوق = توّه طموحي ينتوي وصل الآفاق
لاعاش من يلوي يمينه هوى شوق = والا يضيق بعينه الكون ياضاق
احفظ حقوق النفس لو ضاعت حقوق = ولا اركض ورى المقفي ولا يمه انساق
والنفس ماهينه على شان مخلوق = بعض السوالف مامعه طيب واخلاق
صحيح قلبي من عنا البعد محروق = لكن لقيت النار تبرد وتنطاق
يوم البضاعة تنوجد داخل السوق = وان ضيقوا بالسوق جنبت الاسواق
اما يجي غيم السما غيث وبروق = والا يتساوى عندي الوصل وفراق
وياقلب لاتحزن على دمعة الشوق = خله تموت وتندفن بين الاحداق

[صعبة المنال]

الله الله يا الغيثى

دمعة الشوق

الدمعة اللـي ماتعبـر عـن الشـوق
احسن تموت وتندفـن بيـن الاحـداق

صح لسانك ونبضك


صعوووب

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

[الطامي]

الغيثي
صح السانك ملايين
رائعة جدا
لاهنت اخي

[كظيم]

لمحت الشوق بعيوني
حزن دمعي على غالي
صحيح الشوق مايبكي
ولكنه بكى شوقي

الغيثي
ياعيني عليك
صح لسانك وفكرك
نص في قمة الجزاله والابداع
جعلك سالم يابعـــدي
تقبل مروري المتواضع لاهنت
ودي وتقديري

[بيدي رسنها]

الله الله عليك عبدالرحمن . صح لسانك مليون ومايسدون ... وسلم عمرك وحرفك .. رائعه من شاعر رائع ومبدع أهنيك شاعرنا على هالنص الجميل .. تحياتي

[الخنساء]

وياقـلـب لاتـحـزن عـلـى دمـعـة الـشـوق

خـلــه تـمــوت وتـنـدفـن بــيــن الاحــــداق

صح لسانك مليوون ولايكفوون

قصيدة جزلة من شاعر متمكن

سلمت ودام حرفك

[عمر ال شيبي]

المشاركة الأصلية كتبت بواسطة عبدالرحمن الغيثي

الدمعة اللي ماتعبر عن الشوق = احسن تموت وتندفن بين الاحداق
مادام جرح العام باقي ومفتوق = ماينفع المشتاق لو قال مشتاق
والسابق اللي بآخر الوقت مسبوق = وش فايدة ياقالوا العام سباق
وان صار بين الناس سارق ومسروق = اكبر غلط سرق المشاعر والاذواق
يالوقت مايكفي خذيت الامل بوق = وحطيت في قلبي متاهات وارهاق
يكفي عذاب وقلة حظوظ ووفوق = توّه طموحي ينتوي وصل الآفاق
لاعاش من يلوي يمينه هوى شوق = والا يضيق بعينه الكون ياضاق
احفظ حقوق النفس لو ضاعت حقوق = ولا اركض ورى المقفي ولا يمه انساق
والنفس ماهينه على شان مخلوق = بعض السوالف مامعه طيب واخلاق
صحيح قلبي من عنا البعد محروق = لكن لقيت النار تبرد وتنطاق
يوم البضاعة تنوجد داخل السوق = وان ضيقوا بالسوق جنبت الاسواق
اما يجي غيم السما غيث وبروق = والا يتساوى عندي الوصل وفراق
وياقلب لاتحزن على دمعة الشوق = خله تموت وتندفن بين الاحداق

اطربتني وجزلت العطا صح لسانك لا هنت

[عبدالرحمن الغيثي]

المشاركة الأصلية كتبت بواسطة صعبة المنال

الله الله يا الغيثى

دمعة الشوق

الدمعة اللـي ماتعبـر عـن الشـوق
احسن تموت وتندفـن بيـن الاحـداق

صح لسانك ونبضك


صعوووب

لاهنتي على تواجدك العذب



كل الشكر

[عبدالرحمن الغيثي]

المشاركة الأصلية كتبت بواسطة الطائر المهاجر

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

توقيعك على متصفحي زادني تشريفا


كل الشكر