او انه تروح لدعم روما وجوفنتوس

[فواز الغسلان]

قـبـل ضـيـقـتــي ما صـغـت قـافـي على المنكوس=وقبل الـهـوى ماطـحـت بالهـجـس والـهــوجـاس
اذا شـفـت تـفـكـيــري بـوسـط الـمـلا مـطـموس=جـزيـل الـقــوافــي تسـعـدن فـي غـيـاب الـنـاس
اذا هاضـت اشعـاري لـقـت بـالحـشـى قـامـوس=وهـمــي مـزج قـافــي غرام وعـــنــــى واحـسـاس
يـجـي حـرفـهـا الـمـسبـوك يـوضـي تقـل فـانـوس=ويكـشــف هــواجـيــسٍ بـقـلـبــي تـشـيـب الراس
ولا احـتــاج لاقــلام ومـحـابــر وبـيــض طـروس=لان الحـشــى لـحــروف قــافـــي غـــدى كـــراس
بها مـجـهــرٍ يـفـحــص حــروفــي عـن الـفـيروس=وتـظـــهـــر عـلــى مـنـــهــاج شــوقـــي وابـونـواس
لو الشعر يصرف وسط الاسواق صرف فلوس=ملـيـت الـمـخـازن فـي عـقـود الذهـب والـمـاس
لأن اكـثــر اشـعــار الـخــلايـق دخـلـهـا الـسـوس=عـــلـى مـــدح نــاسٍ ماخــذت بالـعــرب نـومـاس
غـدى الـمـدح لـلــي بـيـن ربــعـــه تـقل طـاووس=ومــع غـيــرهـــم يـرضــى بـنـعــل الـطـمــع يـنـداس
على لابـتـــه لاضـــاق يـشــهـر شـطــيــر الـمــوس=ومــع غـيــرهــم يـرضــى شـراب الـردى بالكـاس
ولا ني على الــشــهــره بوسط العرب مـهـووس=علـشـان اصــرح بالـمـجلات عكس عكاس
حلى الصيت في طيبٍ بـطـبــع الـفـتـى مـغــروس=مـثـــــل عـــزة ابــن ســـرور والا نـــدى دواس
وانـا الـيـــوم قـيــفـــانـــي جـفــت زيــنـــة الـمـلـبوس=ولا لــي هــوى بـالـلــي عـيـــونــه غـشــاه نـعــاس
شـبـيــه الـمهــا اللـي تـجدعـك لو بـنـيـت تروس=ايـا كـثــر مـن يـشـكـي سـبـبـهـا مـن الـوسواس
ورمـش الـمـهــا دايــم يـحــوس الـنـشـامى حوس=ومن داج فـي سـوق الـعـذارى شكى الافـلاس
وانا حــزت من شـدات عـمــري عـبــر ودروس=وصــرت افــهـــم الـلـــي بالـقـصــايـد عليه اقـواس
وعرفت ان واشـنــطــن تـعــالـج سـلاح الـروس=تـصــونــه تـخــاف انــه يـجـــي فــوقــهـــم عـسـاس
وتـعــويـض واشـنــطــن يـجــي بـابـهـا مـحــروس=تشـيــل الـبــواخــر نـفــط يـعــرب بــدون قـيـــاس
ولا هـو خـسـاره فـي هـل الـثــور والـجـــامـوس=مـهــو طـيــب لـكـن وطــي عـلـبــاء وكـتم انـفـاس
يـتــيــم الـعــرب جــايــع وبـيـــر الـعـــرب مـتروس=لان الـزكــاة افـضـل عـلـى الطـفــل في تـكـساس
ترى الغـرب تصنــع بــالـدراهــم عـطـور عــروس=وطـيـــــارةٍ تـجــــهــــم وتـمــســـي وراء مـكـــنـــاس
وتصـنــع هـواتــف مــع مـواتــر شــفــر وجــمــوس=ومـصـنــع عــلاجٍ يـنــــفـــع الـلـــي يــذوق الــبـــاس
بـدل مـاتـشــوفــه فــي بـنـــوك الــربـــاء محـبــوس=ويـصـرف على رقــص ومـفـاسـد وســهــرة كــاس
او انــه تـروح لـــدعــــم رومــــا وجــوفـــنـــتــــوس=ويـبــنــي مـعــابـــد عرش بـــوذا وســـط مــدراس

[عمر ال شيبي]

صح لسانك لا هنت
فريد القاف زين المعاني
قوي الشكيمه

[الـزلـزال]

فواز الغسلان
قصيده رائعه ومتقنه
من شاعر رائع ومتميز في كل مايقدمه
أبدعت شاعرنا رعاك الله
صح لسانك ملايين ملايين
ولك فائق تحياتي وتقديري

[مجدي صالح المبارك]

الشاعر القدير ( فواز الغسلان ) صح لسانك وجاد بيانك مدد بلا عدد , لك مني فائق الإحترام والتقدير ودمت بكل خير .

[منيع]

ابدعت واجدت
بارك الله فيكم
تحياتي وتقديري

[عبدالعزيز البليهد]

ولا هو خساره في هـل الثـور والجامـوس

مهو طيب لكن وطي علبـاء وكتـم انفـاس

اي والله ماهو طيب لكن من ورا الخشم

يتيم العرب جايـع وبيـر العـرب متـروس

لان الزكاة افضل على الطفـل فـي تكسـاس

ترا التكاكسه بهم اجواد ... الله المستعان


صح لسانك يابن غسلان قصيده ليست عذبه لكونها صادقه وتعود الناس على ان اعذب

الشعر اكذبه !!

[عدنان كريزم]

منكوس



الله الله


صح لسانك يالذيب

[داعي الشوق]

وانا حزت من شدات عمـري عبـر ودروس
وصرت افهم اللي بالقصايـد عليـه اقـواس
،،،،،،،،،،،،

ترى الغرب تصنع بالدراهم عطـور عـروس
وطيـارةٍ تجهـم وتمسـي وراء مكـنـاس

( هذا أهم شيء تجهم لـ مكناس )

[حي الضمير]

شاعرنا الكبير فواز الغسلان
مدد صح لساااانك
وابدعت يامميز
الحقيقة متألق بجميع قصائدك
لكن ارى هالقصيده من اجمل القصائد التي كتبتها
حفظك الباري وتقبل التقدير والاحترام

[حوريه]

بوح رااائع من شاعر متجدد الأبداااع

صح لسانك مليووون شاعرنا

دمت ودام ابداااااعك


......