يـــــــا بــــــــــــحـــــــر

[عيد مشعل]

للتــــــــواصـــــــل

يابحرأنا جيتك وفي صدري علوم=وخذ علمنا لالا تحطه خلافك
ماجيت يمك حزن وألا من هموم=وحسرات قلبي باينه في ضفافك
بلاعبك وأداعب الموج وأعوم=وأبحفرك وأدفنك با الاف ألافك
وأصيرلك سداً منيعاً عن القوم=مدامني فارسك هاجسك قافك
وأجمَعك فالذاكره لون ورسوم=يوماً قلبي في مشاعره لافك
من كثر ماخذ منك وأعطي بي وسوم=من شافني يابحر بيقول شافك
أغليك وأعزك وأنا فيك مغروم=وأنا أدري وشهو حاويلي غلافك
غدرك مثًل قالوا وبك سر مكتوم=وكم واحداً مايأتمنَك ويخافك
ولاني بغارنًبَك ولاني بمنجوم=قايسك من شاطيك لاخر مطافك

وسلامتكم

[محمد بن عمار]

يابحر انا جيتك وفي صدري علوم = خذ علمي ولا لا تحطه خلافك ،،، ارى ان يقرأ البيت هكذا ياغالي اخوي الكريم / عيد مشعل الحمد لله عالسلامة سأعود لاحقا باذن الله ، تحيتي

[الطائر المهاجر]

كما قال اخي محمد فتعديله
حتى يتوافق الضمير في العجز
مع البقيه حيث القصيدة تتكلم بضمير المتكلم المفرد
ولكن في هذا العجز الذي اقترح تعديله تحول الحديث
من مفرد إلى جمع متكلم
ولاني بغارنًبَـك ( ولا ني بغارٍ بك)
العادة نقول ولا ني بمغتر بك او مغرور بك بمعنى اجهل بك

النص جيد
صح لسانك
ولا هنت
تحياتي

[عيد مشعل]

مشكورييييييييييين على الملاحظات الهامه

تحيتي لكم

[محمد بن عمار]

السلام عليكم اخوي الكريم /ابو مشعل ، اولا الشهر عليك مبارك وكل عام وانت بألف خير ، ثانيا العذر و السموحة على التأخير مثلك عارف مقاضي هالشهر ماتحتاج شرح وقصيدتك يااستاذنا الفاضل ماكانت محتاجة الا تعديل طفيف وتقديم كلمة مكان كلمة هذه النسخة الأصلية /
يابحرأنا جيتك وفي صدري علوم=وخذ علمنا لالا تحطه خلافك
ماجيت يمك حزن و ألا من هموم=وحسرات قلبي باينه في ضفافك
بلاعبك وأداعب الموج وأعوم=وأبحفرك وأدفنك با الاف ألافك
وأصيرلك سداً منيعاً عن القوم=مدامني فارسك هاجسك قافك
وأجمَعك فالذاكره لون ورسوم=يوماً قلبي في مشاعره لافك
من كثر ماخذ منك وأعطي بي وسوم=من شافني يابحر بيقول شافك
أغليك وأعزك وأنا فيك مغروم=وأنا أدري وشهو حاويلي غلافك
غدرك مثًل قالوا وبك سر مكتوم=وكم واحداً مايأتمنَك ويخافك
ولاني بغارنًبَك ولاني بمنجوم=قايسك من شاطيك لاخر مطافك ،،،





وهذه النسخة المعدلة /


يابحرأنا جيتك وفي صدري علوم=خذ علمي و لالا تحطه خلافك
ماجيت يمك حزن وألا بي هموم= حسرات قلبي راسيات بضفافك
با لاعبك وأداعب الموج وأعوم=و بحفر لك و بدفنك بآلاف آلافك
وأصيرلك سداً منيعاً عن القوم=مدامني فارس وعاشق لقافك
وبأجمَعك بالذاكرة لون ورسوم= اخاف قلبي و المشاعر تعافك
من كثر ماخذ منك وأعطي ،بي وسوم= من شاف حالي يابحر قلت شافك
أغليك وأعزك وأنا منك محروم=و أدري انا وش حاوي لي غلافك
غدرك مثل ماقيل ، بك سر مكتوم=كم واحداً لو يآمنك ما يخافك
ولاني بغايرمنًك ولاني بمنجوم=قايسك من شطك لاخر مطافك تحيتي وتقديري ،،، اخوك / محمد بن عمار

[الطائر المهاجر]

يابو عبدالعزيز
الرجال قام واعاد تنزيلها في الهمس دون تعديل
، وقمت بنقلها مرة اخرى للمرآة ودمجها مع الأولى
فلا تتعب نفسك ، قه ..قه ..في .. من لايوحي ولا يفقه

[اصيل]

احسنت
ولاهنت
تحياتي

[طويق]

لك الشكر
على ما فاض به قلمك
تحياتي

[البتار]

مشكور
على ما افدتنا به
تحياتي

[خميس]

الف شكر
على ماجاد به قلمك
تحياتي الطيبه