هيبة ملك اخذتها من جداره

[الطامي]

اهداء للوجيه / عبدالله بن محمد بن غراب المري

يابو محمد شفت من خلف بيبان = بيبان مجلسكم عليها ستاره
ارب مابه شر ياطير حوران = من رحلتك للبر جابك غياره
مريت مجلسكم شفوق اولهان = وعلى مشاهدكم اسوق البشاره
لديت شبحي يوم مريت من شان = علَي اشوفك حيث جيك تجاره
وجريت من اقصى ضميري تونوان=واقول عبدالله الا وين داره
وسمعني المجلس وجاوب باللحان = عبدالله هالايام يبغي الزباره
له مجلس تلقاه بطراف ذيدان = والا ضواه الليل يشعم بناره
ومجالسةخطلان الايدي بريضان = ويقوم لين الصبح يظهرحماره
مايسمع اخبار الجزيره وعماَن = يسمع خلاج اخت الفحل والحواره
متى على الله ينفتح كل غلقان = ويعود من يجمع كبار وصغاره
اقولها واللي خلق جن وانسان = هيبة ملك اخذتها من جداره
كبير قوم وعادتك تقضي الشان = لاخاب من ماله وجاهه خساره
لك مجلس مايدهله كون ديقان = كل ابلجٍ لاجاه زاده وقاره
لاصرت وسطه كنك بالوصف سلطان = اذا جلس للشعب وسط الأماره
مشرع البيبان صبحٍ ومسيان = ودلال بنٍ دايمً باستداره
فنجالها يبري خوى راس عمسان = مخلوط هيل وزعفران وبهاره
وحيل تقلط للنشاما وحيران = والعود الازرق فوق حمر الجماره
جعله افداك اللي مجالسه حقران = في عينه ايشوف النشاما شراره
وجعله فداك اللي على الشين عوّان = هو مادرى انه في عماره دماره
ولا اهثم الطيب ولا اقول يافلان = الناس كلن دون حقه وداره

[الروضان]

شكرا لإمتاعنا بإبداعك
لاهنت
تحياتي

[عبدالرحمن بن زهير]

ونعم يا منصور ونعم يا ابومحمد ابيات مثل سبك الذهب والموقف يستاهل وصح الله لسانك

[الطامي]

الروضان
صح بدنك
وشكرا لمرورك
لاهنت

[الطامي]

ع بن زهير
صح بدنك
وما عليك زود يالغالي
شكرا لمرورك ووتعليقك
لاهنت اخي

[عبدالله راشد الثويني]

الله عليك يالطامي
دائماً ماتطربني أحرفك ايها الجزل
صح قلبك يابعدي ولا هنت
ولا عدمنا جديدك
تقبـّـل تحيتي ولا تبخل علينا بجديدك

[حرف وشعر]

الطامي


قصيده حازت قصب السبق و المركز الاول وفي الصداره

دائما يالغالي

تقبل ودي تقديري

[منيع]

ابيات اكثر من رائعة وراعي الطيب يستاهل
تحياتي لكم

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[داعي الشوق]

صح لسااااااااانك يا بو محمد على القصيدة الطيبة

أرويت ذائقتنا بالحيل

و يستاهل المدح راعيه ،،

لله درررك يالمري

و صح لسااانك و لاهنت