هاجس فكر

[علي سعود العازمي]

لأقلت زال الهم دقو له أجراس=أجراس فكر ن عانقت هاجسن شد
شدو نزع من خافقي قبل الأدماس=مع الأسير اللي عن لولف ينشد
مولوف فكرن قطعت عنه الأرماس= في رحلته الأفلام وإلفه يردد
في قمة ن فيها من أنواع وجناس=هم وشقاء وأحزان وهجوس ونّكد
معهن يسج الفكر في غربة أحساس=متجاهلن دمعن جرح وجنت الخد
غريب دار وعاش في قمةالياس=وفي رحلته صور ثلاثين مشهد
توليف فكره وأخرجه رافع الرأس=ماخاف غيرا للي له الناس تسجد
معاش بالنمه ولأهو ببلاس= ولأجامل أبهرجه على شان مقصد
جرب وشاف وشرب في رحلته كاس=تجرعه بالكبد مرن زمرد
ورغم صعوبة رحلتن كلهاأتعاس=لوشاب رأسه مكشف خافي السد
حتى يبين اللي ضرب خمس بأسداس=اللي يجاملني لياجيت ماصد
ويوم أنكشف عندي كشف غيره أنجاس=ناسن معي يمشون في قلبن أسود
اللي معزتهم على العين والرأس=معي أصدقاءلاكنهم بالخفاء ضد
أحسبتهم كنز الذهب مآبه نحاس=ومع الأسف نقع الصفاء جف ياعد
ياعدياعدالروى شفاي يباس= تكفا اسقني بالصدق ياعد من جد
قبل اصدقاي أتحطني تحت الأضراس=أنقذ حياتي بالصحيح الموكد
تراك تعرف وضع الأصحاب من ساس=من خان بالعشرة وللطيب يجحد
سايلك باللي يكفل الرزق ألناس=أنك مع أهل الحق بالحق تشهد
ياعد يامشكاي مكتوم الأنفاس=أنسان في وضع الحياة متعقد
مآبه جنون ولأدخل جو وسواس=بس الحقا يق حط من دونها حد
من جيت حولني على بنك الإفلاس=في شيك من عمري حسابه يسدد
وزعلت لا كن قالوأفلان هلاس=أبعد عنه يامعرب الخال والجد
واحترت قلت العب مع أصحابنا داس=يمكن يسوق الزات وأنجح لياعد
وزعت قلت أول ورق لعب يابساس=وتلافتو منهم ولا واحدن رد
وأثنين قالو طاف قلت الحكم حاس=قالو دبل قلت الثري يامقرد
قالو تكوش وقلت في وقت عباس=من دون نفسي بأشهر السيف الجرد
الله خلق شيطان لشر مقباس=وبليس في فرقاالظعون أمتعهد
قالوزعلت وقلت من طعن الأمواس=بقفايتي ماحدن بوجهي تنصد
يأهل القفا في عزة النفس نوماس=وبالعز عنكم ياصدقاء علي مبعد
أن القلم حبره رسم فوق قرطاس=بسم علي سجل وقعت باليد
وحطيت لي في عالي الرجم مجلاس=مرقاب من رأسه نمد النظر مد
ماكر حرار ويدهل الرجم قرناس=ذاك العديم اللي على الهزل ماهد
كان العداء له مسكوا كل متراس=بأرخص ثمن يبيع عمره ويارد
مأجور لو حنا قطعنا به اليأس=ياللي على جرح النياحدني حد

[يزيد النمي]

ياعدياعـدالـروى شـفـاي يـبـاس

تكفا اسقني بالصدق ياعـد مـن جـد

الله الله

صح لسانك يا علي والله لا يهينك .

شطحة >>> شكلك مدمن بلوت .

[النهج المختلف]

علي العازمي صح السانك ، ،

قصيدة رائعة و لوحة فنية متنوعة من الجمال والإبداع ، ،

لاهنت والله يعطيك العافية يا مبدع ، ،

تحياتي وتقديري ، ،

[الطائر المهاجر]

ملحمة بوح وفكر
من شاعر كبير
صح لسانك وفكرك
ولا هان راسك
اللي معزتهم علـى العيـن والـرأس=معـي أصدقاءلاكنهـم بالخفـاء ضـد
تحياتي

[منيع]

ابيات اكثر من رائعه
تحياتي لكم

[حوريه]

نص راااائع وجميل .. بجمااال حضورك
علي العازمي
سلمت ودمت .. و لا هنتـــــ .......
...

[عبير الورد]

الله الله

صح لساااااانك ملايين
سلمت وسلم منطوقك الجزل
ربي يعطيك العافيه

[داعي الشوق]

قصيدة جميلة و رائعة

علي سعود العازمي

شاعر مبدع و جزل

يمتلك مساحه فكرية واسعه المجال

تقديري لك مع احترامي

و صح لسانك مدد

ولاهنت

************

[الطامي]

العازمي
صح السانك ملايين
رائعة جدا
لاهنت اخي

[حرف وشعر]

الشاعر الجميل علي العازمي

ياسلام عليك يااخي

مفرده ولااروع من كذه

سجلني في المعجبين