وش جنينا من الحضاره غير تخريب البيوت

[الطائر المهاجر]

امام ما يلاحظ من ازدياد نسبة الطلاق في مجتمع دول الخليج العربي
كانت هذه القصيدة التي من رؤيتي الخاصة توضح بعض الأسباب

وش جنينا من الحضاره غير تخريب البيوت= من دشوشٍ او مواقع تنفث السم الدفين
خلت الحرمه تغيّر واصبحت في البيت حوت= لا تساهل رجلها معها يشوف اللي يهين
بعد ما كانت بطوعه ولا نطق لاذت صموت= صار يسكت كود يمنع لدغةٍ فيها اليقين
كل ما تبغاه كوره كلما راقت تشوت = سايق وحارس وحتى تيس لاجاها الحنين
وفوق هذا آلةٍ للصرف تعمل بالرموت= ولو تعذر ويل قلبه صار علك الشامتين
جالسه في البيت اميره ما نقصها إلاّ التخوت= وخادمتها قايمه بالبيت من غسل وعجين
باذنها الجوال لاصق ما عرف لحظة سكوت = كل ما في البيت يجري تلقطه اذن الفطين
ومن قناة اليا قناة وكل فلمٍ ما يفوت = ما تمل من المشاهد لو تصحّي النايمين
ولا قضت للنت تركض مالقت تحسبه توت= تنبسط من رد حصني شاطر بنصب الكمين
تاخذ دروسٍ دخيله تنمحي معها السموت = وينتهي ما قد ورثنا من الجدود الأولين
ضاع حق الرجل حتى من القهر اصبح يموت= كل يومٍ خمس مراتٍ على الوضعٍ المهين
يسكت الرجال ما وده يحرّق للكروت = من وراعينٍ صغارٍ بالقضيّه جاهلين
وتستغل الوضع عبله ترمي النار بزيوت= لين عنتر يجدع لسيفه ويمشي بالملين
ولا بغى يشهر لسيفه معه صكه والثبوت= لاهلها راحت تجرّ عيالها بدمع وأنين
ما تفكر في النتايج كنها تلعب بلوت = وما لقت رجلٍ رشيدٍ باهلها فكره رزين
كل ما قالت يصدق من اكاذيب وبهوت= جاحده عنتر وفعله لو معاها من سنين
يا مره ياكيف عقلك جرّه السانٍ فلوت = طايشه خبله كأنك عايشه من دون دين
للرجل حقٍ كبير وما عطيتيه الفتوت = ارجعي للشرع تدري كان عقلك ما يعين
للصبر حده فخافي قبلما وقتك يفوت= يحرقك باخرى او انه يطردك طردٍ مشين
مالك إلا بيت رجلك فاتركي الفكر الزموت= فيه عزك مع عيالك فيه لك حصنٍ حصين
لا تقولي بيت اهلي ما وراه إلا الغموت = لو يرحب يوم يقلب بالشقاء ماله ضمين
وما تشوفينه بدشك من سوالف ماتقوت= يلعب بعقلك ويكسب من وراه اللي ذهين
ويخدم اهداف المعادي من يخطط في سكوت= كل ما يبغاه شوفك سلعةٍ للطامعين

[عبدالله البهلولي]

شاعرنا القدير الطائر المهاجر
نص جزل من شاعر جزل
صح لسانك وبيض الله وجهك
قصيدة اجتماعية رائعة
تسلم ويسلم فكرك
تقبل
تحياتي
وتقديري

[نجم الإبداع]

الله الله

صح لسانك وفكرك دكتورنا الفاضل

تصوير بديع وحكمه باهره

لاهنت

لاهنت


تقبل مروري المتواضع

واحترامي

[منيع]

اصبت كبد الحقيقة
شكرا لك
تحياتي

[زهرة اللوتس]

صح لسانك ملايين
وبيض الله وجهك
دائما تعزف على
الوتر الحساس
اسمحلي ان اقف
وقفت تحية لفكرك
ونبضك وروحك
تقديري

[ابوعبدالرحمن القريشي]

الله عليك يابو عبدالله


اقف مندهشا امام هذه الكلمات

وابقى طالبا في مدرسة الشعر ( المدرسة العثمانية )

اصبت كبد الحقيقة وادميت اكباد الكثيرات

ارفع قبعتي احتراما لقلمك وفكرك الواعي

دمت بود

دكتورنا الفاضل
لقد شخصت الحاله
وكان تشخيص موفق
جميل هذا التنوع في الطرح
ويحسب لك
دمت بابداع دائم
لك كل الوددددددددد

[الـزلـزال]

الطائر المهاجر

بعد ما كانت بطوعه ولا نطق لاذت صمـوت=صار يسكت كود يمنع لدغـةٍ فيهـا اليقيـن
كل ما تبغاه كـوره كلمـا راقـت تشـوت=سايق وحارس وحتى تيس لاجاهـا الحنيـن

نص شعري فوق الخيال

احتوى على قضيه أجتماعيه مهمه في حياتنا

شرحت لنا هذه القضيه بكل أبداع وبكل تصوير جميل

شاهدنا في بوحك غالينا

تصويرات قمه في الجمال , وشاهدنا السلاسه

وحسن التصويب الهادف

كما شاهدنا النصح والحكم الغير مستغربه عليك

حلقنا معك في القمم بهذا النص الغزير المعاني والهادف


صح لسانك ملايين ملايين

وتقبل فائق تحياتي

[حي الضمير]

شاعر العثمانيات والاجتماعيات صاحب الفكر النيّر
مليوووون صح لساااانك على هذه القصيده التي تحكي واقعنا كأمه اسلاميه
وبالأخص العربيه منها واخشى ان يأتي المستقبل بما هو اسوأ
لكن نسأل الله لطفه

[ام العمده]

الاستاذ/الطائر المهاجر

الله الله

صح لسانك واعتلى شانك

لاهان راسك

رائعه من روائعك

كتبت فابدعت وللقارئ امتعت

دمت متالقاّ

تحياتي وتقديري