تاجر البندقيه

[يوسف الشقران]

السلام عليكم ..


تحيتي للجميع ..

وكم اتمنى ان تجد بعض القبول لديكم ..


تاجر البندقيه

هزني في كرم طوله وأغراني =وارتميت ابهواه وطاحت امتوني
للنحر هيبته في عرش سلطاني=لو يعرفه نسى ليلاه مجنوني
خل جوليت تقعد يوم عداني=تاجر البندقيه صار مديوني
لا امر شفت فيه ملوك ساساني=مالك الجو لو ماقال شوفوني
جيش تيمورلنك وصف روماني=والسرايا من الهكسوس مليوني
خاسر المعركه في أرض ميداني=وافتخر بالهزيمه بس خلوني
يقدم بالنظر تقرير هاماني=على هامان يطلع جود فرعوني
تسلطن كنه السلطان عثماني=طغى واطغى عليّه ساير اشجوني
قدر يجمع صقيع ونار بركاني= تلاعب بالرجا والياس بفنوني
دفى صوته قطع وسواس شيطاني=علي جوه يمشي جملة لحوني
تعثرت اوصفه في شكل عقلاني=فضا فكري عجز واصبحت مسجوني
على حسنه تزين اعلوم شيباني=حضر وقت الصلاه ومايصلوني
خبر ماطار به هدهد سليماني=خبر عندي تفاصيله ومصيوني
تثنى كن ثنياته على شاني=تدلع والدلع بابداع موزوني
تعابير الرضى تهتز باركاني=أحاسيسي تلون مالها لوني
شكيت الحال وكل الحال خرباني=عرضت المسأله ياللي تعرفوني
اباعطيه العمر دام العمر فاني=انا باتبع هواه ولاتلوموني

وتسلمون

ــــــــــ

[مبروك بن ماضي]

الاخ الفاضل الشاعر / يوسف الشقران
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[ابراهيم عبدالحميد]

يوسف الشقران

أخى / المبدع
قلمك يخط لنا إبداعك المتميز
بين صفحات أفردت سطورها لتحتضن هطولك المبدع و رقيك الدائم
دمت و سلمت و غنمت

[سناعيس]

الشاعر يوسف الشقران
صح لسانك والله لايهينك
على هذه الرائعه
بس وين الغيبات يابن الحلال اشتقنا لك لاتطول

تحياتي

[ابومياس]

يوسف الشقران

ياهلا فيك وفي بندقيتك

نص جميل

صح لسانك وبيض الله وجهك

دمت بخير

[النهج المختلف]

يوسف الشقران صح السانك ,,,

قصيدة رائعة ,,,

لاهنت ولاهان راسك ,,,

تحياتي وتقديري ,,,

[الخنساء]

صح لسانك اخي الشاعريوسف
لاهان راسك قصيدة رائعة
سلمت وسلم شعرك
دمت بخير

[راجي الحاج]

The Merchant of Vinice

تاجر البندقيه

عندما قرأت العنوان تفاجأت لأنها من احب المسرحيات الشكسبيرية الى قلبي

بسبب تعرية يهود وجشعهم ..

واذا بي اتفاجىء برائعة عشقية

سلمت وسلم قلبك اخي الشقران

تحياتي

[داعي الشوق]

صح لسانك أستاذنا الفاضل يوسف الشقران

والشهادة مجروحة بالحيل الله يسلمك

ومثل ما قال أخوي سناعيس وين الغيبات

أنا أقول ..

من زمان إنت وينك

وصح لسانك على الدرّه المتوشّحه بجواهر التاريخ

تحياتي وتقديري لك ،،،

صح لسااااااااااانك يا مدرسه





لاهنت



وش نكتب وش نقول بك مافيك حيله يا الشقران