ياهل البداوة

[طوفـــان]

بسم الله الرحمن الرحيم

مساكم الله بالخير أحبتي في الله

أطرح أمام اعينكم هذه المتواضعة علها تجد القبول


أقول ...

ياهل البداوة علموني بالأخبار=حال الرحايل والفلا والمداير
خبري بكم تشكون من قل الأمطار=يالله بنوٍ مدلهمٍ وداير
نفرح بخير الله ونبهل بالأذكار=وماقدر الله للمخاليق صاير
ويابنت فكري زودوا فيك الأمهار=وانتي أصيلة تسلبين الضماير
فيك الجمال وفيك حكمة ومخبار= وفيك النعيم وفيك وهج السعاير
وياللي غزاك الهم والهم مغوار= قبلك على الأجواد كال الذخاير
مير استعن بالله للأوزار غفار=وحده ملاذ العبد لاصار حاير
تمضي بنا الأيام والحال تعبار=يوم نعد الربح ويوم الخساير
والغانم المسعود والفالح البار=من ينفعه زاده بويم النشاير
يالله دخيلك وانت يارب ستار=تستر عيوبي يوم كشف الستاير
قم ياعويني واقد الشوق والنار=صف الدلال المكرمات البهاير
بده لراع الطيب والضيف والجار=فنجال كيفٍ منه ثارت عشاير
المرجلة والجود في يسر واعسار=تاجٍ لقومه ميزته النظاير
واخذ النصيحة واقبل بشور من شار=خذها تراها عون من كان ساير
خالط هل العليا هل العرف والكار=واسبح بحرهم واجن منه الدراير
مكسب مع اهل الطيب مقدار جذمار=يسوى كثير الكسب من وجه باير
وانا ولد رجلٍ كريمٍ وصقار=يفك نشب القوم وقت العساير
شاعر ولي بالشعر مارد ومصدار=غواص في غب البحور الغزاير
اسير واسعى واجتهد لأجل الاخيار=وعيني عى اهل السوء تقدح شراير
شارت وطارت همتي مد الأنظار=يالله تحسنها نوايا السراير
هذا كلامي صغته وقلته اشعار=والحمد لله عانني يوم اخاير

وسلامتكم ...




أعذرونا على القصور

[الطائر المهاجر]

بوح رائع من شاعر رائع
لاهنت وصح لسانك مليون
تحياتي العطره

[ساهر الليل]

صح لسانك اخوي طوفاان

شاعر مبدع وقصيده رائعه

يدوم نبضك وحرفك وفكرك

تقبل مروري وتقديري

[هترل]

ياسلاااام


وفيت وكفيت يالخوي
وصح لسانك ترليووونات
ونعم بك وبلابتك وبقصيدك
مبدع كعادتك لاهنت

تحياتي وتقديري

[منيع]

مبدع ورائع
شكرا لك
تحياتي

[نجم الإبداع]

الله الله

صح لسانك ياعبدالله

والله يجيب الامطار والخير

لاهنت

تقديري

[عبدالإله]

مليار صح لسانك وقلبك
ولاهان راسك
على هالطيبه

ودي واحترامي

[سااامر]

صح الله لسااانك

جزله من راس جزل

[ثهلان]

كتبت فاستمتعنا
صح لسانك ولا هنت
تحياتي وتقديري

[عبدالمحسن الرحمه]

ماشاء الله تبارك الله شاعر جزل وقصيدة جزله من راس جزل
شاعرنا وستاذنا طوفان تقبل مروري المتواضع