نادوا الدكتـــــــور ياللي تعرفونه

نادوا الدكتور ياللي تعرفونه =ودنا به لو ثواني نشغله
وكان هو مشغول روحو لاتجونه=مانبي تثقل عليه المسالة

[الطائر المهاجر]

هات علمك كان تشكي من جنونه= القرايه مهنتي في اكمله
وكان راسك يوجعك عندي المعونه= مطرق حامي يفك المعضله

[عبدالله الشويمان]

عااااااااااااااشو عاااااااااااشو

يالله تقويهم

واصلوا واصلوا..

شديد يا ابو عبدالله بس انا اشجع عبدالله المرشدي من دون قصور فيك

ياهلا واهلين باللي مايخونه=غير شخصٍ في نظامه يجهله
مانويت اشكي من اللي تونسونه=يالعويد اللي تدور مشكله

[الطائر المهاجر]

وهات معك العود نكشف عن عيونه = اقشط المويه بشرط ما افضله
وكان يشكي من الركب وإلا سنونه = ادفنه في الشمس وسط المرمله

[عبدالله الشويمان]

اتحداك تواصل يا دكتور

عطه النار يا المرشدي لا هنت

ههههههههههههههههه

[الطائر المهاجر]

من سمع هرجك تأكد من ظنونه = شايب مسمكر وليله ما اطوله
ليه فحيح ولا ركض عرقت متونه = ولا جلس لابد منك تحمله

شايبي خله مادام الذيب دونه=لوبغاك بظرف ساعه معجله
شد حيلك دام راسك في متونه=لايجيك اللي بلحظه ينشله

ابشر يالسمي لايهمك والله لوريه النجوم ههههههه

[عبدالله الشويمان]

وينك يا شايب عراره

لا يبرد حيلك

ههههههههههههه