توحيد الخالق وتعظيمه - ودعاء

[الطامي]

يالله ياللي معتلي بعرشه على عالي سماك = ياللي سبع السموات والأراضي بقبضة يدك
ياواحد معبود والجود من مدة عطاك = فردٍ صمد مالك ولد سبحانك وانت الملك
سبحان من تخضع له الخليقه والملاك = يامالك الكون ماهمك من هو يخذلك
يامنجي ذالنون من غِب البحر والفلاك = يارازق طير النعاب بدون ماهويسألك
يامن يعين الضعيف اللي لجا في حماك = عظيم شأنك وملكك وقولك ووعدك
يامنشي ثقل السحاب ومسيره بارجا الفُلاك=بامرك زخات المطر تنزل بأنحاء الفُلك
بامره يكون النطف من امشاج خلق ذو حراك = بامره تشيله بيضة الانثى بدرب سٌلك
ويكًوٌن من مضغة مخلقة وغير مخلقة بذاك = ثم تنشئه عظام ثم مخلوق اخر معدلك
اللي يطيعك تقبله وتغفر ذنوب اللي عصاك = محيي الهشيم الميت البالي ومن اول هلك
بامرك تسمعنا الرعد والبرق يوضي في سماك= ياغافر ذنوب العباد انت الرجا لانك الملك
لادبرو مني وقالو للولد يجبر عزاك =وجات اول طروش القبر ثم سمَعوني نسألك
سوألهم دينك وربك ومن الرسول اللي دعاك =اقولها بعقيدتي والجسم ينجو من الضنك
وانك نهار الحشر ياألله تحميني بحماك =لاقيل فلان نجى وابن فلانه هلك
وادعوك تغفر لي ذنوبي اللي ماتخفى علاك=ياعالمٍ السر واخفى لِكُل عايش بالفَلك
هذا الدُعاء وانت الأله اللي تجيب لمن دعاك =سامع دبيب الذر في الظلما بليل حلِك

[الطائر المهاجر]

تقبل الله منك
صح لسانك
ولاهنت
تحياتي

[الطامي]

والسانك دكتور
وشكرا لمرورك
لاهنت

[جهاد الشعلان]

صح لسانك

قصيدة جميلة فيها من التوحيد والتمجيد والتذلل لمن له الامر من قبل ومن بعد


تقبل الله منك

[منيع]

مناجاه رائعه
غفر الله لنا ولكم وتقبل اعمالنا واعمالكم وحسن الله الخاتمه للجميع
تحياتي

[داعي الشوق]

مناجاه جزله ..
غفر الله لنا ولكم وتقبل اعمالنا واعمالكم وحسن الله الخاتمه للجميع

و صح لسانك يابو محمد ،

[الطامي]

جهاد
صح بدنك
وشكرا لمرورك
وتقبل الله من الجميع
لاهنت

[الطامي]

منيع
صح بدنك
وشكرا لمرورك
وتقبل الله من الجميع
لاهنت

[الطامي]

داعي
صح بدنك
وشكرا لمرورك
وتقبل الله من الجميع
لاهنت

[هترل]

مناجاه جزله
امدنا الله واياكم بطوله العمر على طاعته
صح لسانك يابو محمد مدد بلا عدد

تحياتي وتقديري