الظبي يفرس أسدها

[محمد بن عمار]

السلام عليكم ...
اليوم طيراننا بتحليق منخفض
إستعدادا ً للهبوط الإضطراري ..

معكم جديد هالخميس الماطر ....!

الظبي يفرس أسدها

يا ويل قلب ٍ ، كلما تطري الشوق = يفـز فـزّ ة طفلة ٍ ، في مهدها
ويحن حن ، معـقلات ٍ من النوق = وإلا خلوج ٍ ،، ما خذين ٍ ولدها
للجادل اللي حسنها ،، تلبسه طوق = ما لبسه أحد ٍ قبلها أو بعدها
أقدام رجلي إنثنت ، داخل السوق = كلما بغيت آقف ، تردى جهدها
على فتاة ٍ خلـّت الشعر ، مفروق = والصدر زاهي فيه زمـّة نهدها
ينتل قلبي ،، تلـّة الدلو مصفوق = بجال الركية ، وانقطع من قددها
كلما تمخـّطر فارع القد ممشوق = اخشى عليها الناس تبدي حسدها
لولا الحياء لأخليّ الثوب مشقوق = من واهج ٍ في وسط كبدي لهدها
الجوف من نيرانها ، صار محروق = والطرف يسهر ، ليلته ما رقدها
يهل دمع ٍ أحرق الخد و الموق = والعين مما شفت ، طاول سهدها
ماعاد لي ياناس بالسوق ماسوق = من يوم صار الظبي يفرس أسدها
ما فات مات وكل مطرود ملحوق = يا ما عشير ٍ عشرتك له جحدها
من عقبها والقلب والفكر مغلوق = وروس الحبال يحلها اللي عقدها
مسكين من هو بالهوى ماله وفوق = لي من بغى له حاجة ٍ ما وجدها
حظ النكد ما طا وعه لين و ا رفوق = وغيب الليالي ، ما تبيـّن وكدها
وإلاّ الشعر باب ٍ من الكل مطروق = هروج ٍ ينقـّط من حلاها ، شهدها
كما روايح صيف لو ناضت بروق = تمطر وهي لاشك ما اسقت بلدها

فيض الود لأذواقكم ...
محمد بن عمار

[الطائر المهاجر]

صح لسانك واعتلى شأنك
تميز في الإبداع
جزله من راس جزل
صح لسانك
ولاهنت
تحيتي واحترامي

[مبروك بن ماضي]

الاخ الفاضل الشاعر العذب / محمد بن عمار
لا تزال محلقا في سماء الابداع و بين غيوم الروعه
لاخلا و لا عدم و صح الله لسانك مليون ولايكفوون
سجل اعجابي القديم وتفضل بقبول تحياتي واحترامي
أخوك / بن ماضي

[عمر ال شيبي]

الله عليك الخير مطر والمطر قصيد


صح لسانك يا ممطر عذب الفكر والشجون
سلمت لا هنت

[علي سعود العازمي]

الا خ العزيز| محمد بن عمار

أنت هاكذا دايماً مبدع في كل حالاتك

تحياتي لك والحرفك العذب

[داعي الشوق]

يا سلام يا سلام

صح لسااااااانك مليار يالشاعر ابن عمار

قاف رائع جدا

و جزالة في المعنى

و جمال في التصوير


صح لسانك مع تقديري لك

ولاهنت

**********

[الخنساء]

الجوف من نيرانها ، صار محروق

والطـرف يسهـر ، ليلتـه مـا رقدهـا

يهـل دمـع ٍ أحـرق الـخـد و الـمـوق

والعين مما شفـت ، طـاول سهدهـا

ماعاد لي ياناس بالسـوق ماسـوق

من يوم صار الظبي يفـرس أسدهـا

ما فات مات وكـل مطـرود ملحـوق

يا مـا عشيـر ٍ عشرتـك لـه جحدهـا

من عقبها والقلـب والفكـر مغلـوق

وروس الحبال يحلهـا اللـي عقدهـا

صح لسانك مليوووووون

قصيدة جزلة من شاعر جزل

سلمت ودام حرفك

[الراقي]

مًبٌَِدًٍعًٍ

وٍمًتُِِّْمًيَزٍُ

شًِْعًٍرٌٍ وٍشًِْعًٍوٍرٌٍ

وٍفْكَرٌٍ

صٍْحٍّ لسٌِِّآنْكَـِِّـِِّ

[همس الورد]

صح لسااااااااانك و صح بدنك

بوووووح رائع و مميز

تحيتي و تقديري

[أحمد حمد الصالح]

يا ويل قلب ٍ ، كلما تطـري الشـوق=يـفـز فــزّ ة طفـلـة ٍ ، فــي مـهـدهـا
ويحـن حـن ، معقـلات ٍ مـن النـوق=وإلا خلـوج ٍ ،، مـا خـذيـن ٍ ولـدهـا
للجادل اللي حسنها ،، تلبسه طوق=مــا لبـسـه أحــد ٍ قبلـهـا أو بعـدهـا
أقدام رجلي إنثنـت ، داخـل السـوق=كلمـا بغيـت آقـف ، تــردى جهـدهـا
علـى فتـاة ٍ خلّـت الشعـر ، مفـروق=والصـدر زاهـي فـيـه زمّــة نهـدهـا

ابداع في ابداع

صح لسانك يالجزل