قــــــــــــام الوجد

[ماجد الزيد]

بدى ليل ٍ من الليل والشمس غاربه=تدلّت دنت للارض بالارض تاربه
وقام الوجد والوجد موتي وقاتلي=يكن الخلايق لابدى الوجد هاربه
ونا وا وجودي وجد من مات حسرتن=على اللتي في وسط قلبه تداربه
كحوريّة ٍ من جنّة الخلد كاعبه=ورمشن حريب البين منهو يحاربه
يحوس ويدوس بكل كردوس لارمش=به الفين رمحن ما تلاما مضاربه
وأنّي لانساها وقلبي مذكري=جزوعن صدوعن كن ناقور ثاربه
فيا روحها بالله هو كيف حالها=كعلمي بها ام هي من الدود خاربه
فنا الذي ربعي يعرفون من انا =ولي ضربتن تلوي من الضّد غاربه
ونا العاقل المجنون ياقبر بعدها=نديم الحزن لاغابت الشمس أشاربه
لحى الله اقوام ٍ يلومون ماجدن ٍ=وهم على غير السنن في مئاربه
اغني كما غنى اليزيدي بما مضى=فيا ناق سيري بي كما جعيث ساربه
على قبرها بالله ياناق وقّفي =لعل وعسى نلقى على القبر عاربه
ويا ناقتي حثّي إليها وعجّلي=وحيده بقبر الا من القلب غاربه
اقولُ وقَدَ صاحوا بقربي توابعي=من المشرق الاوسط لاقصى مغاربه
سقى الله قبرن له على راس رابيه=من الغيث يروي صاحبي يوم صاربه
بهتّان صيّب وابل ٍ ينبت الكلا=واشوف البختري وامِّ غنّام طاربه
واشوف الخزامى نابته جانب القبر=ومن ريح من به ريحها يومِ فاربه
ويا ناقتي طيحي على نصاب قبرها=بثقلك لك اللْه دمعتي لك مقاربه
فيا ناقتي شوفي لكل الله ماجدن=تخضب من دموع عينيه شاربه
بكاها ثلاث سنين حتى تنورت=من الدمع شيباته على الراس نار به
ويا وجد فنفض لي همومك على الملا= على اللتي في وسط قلبي تداربه
بصيحة فجيعن كنها صيحة الحشر=أيا وجد ماوالله عينيك ثاربه
ويا حور عين الله فيها تجهّدن=ووصّن بها رضوان لاجته آربه

[مبروك بن ماضي]

الاخ الفاضل الشاعر القدير / ماجد حمد الزيد
ويبقى لحضور حرفك ذلك العبق الخاص
والأبجديات المختلفه
صح لسانك وجاد بيانك
اعجااااااااااااابي الممتد لإبداعك بلا حد
ودمت مبدعاً كما انت دايماً
تستوطن متصفحاتك الأصاله والشموخ
تقبل تحياتي الطيبه وفايق احترامي
أخوك / بن ماضي

[وجدان القلوب]

صح لسانك وبيض الله وجهك
لايستغرب منك أبيات كهذه ف قمة الروعه....

[محمد الأحمري]

ياجزل ياجزل ياجزل
صح لساااااااااااااااااااااااااااا ااانك
الى ترضى
وبيض الله وجهك ياغالي
هنا يكون الشعر وهنا أهله
تشرفت بحضوري
وتسطيري
تحت مذهلتك
تحياتي لكـ

[النهج المختلف]

صح لسانك اخوي ماجد

لاهان راسك قصيدةرائعة

تحياتي وتقديري

الشاعر/ماجد

صح لسانك
لاهنت

والسلام

[الصريح العتيبي]

ماجد الزيد

صح لسانك واعتلى شانك

تقبل مروري دمت بخير

[سناعيس]

صح لسانك ياماجد
جزله من شاعر جزل
لاهنت

تحياتي

[صوت الإحساس]

الله الله


صح لسانك ياماجد



ودي وتقديري


لشخص الكريم

صح قلبك اخى نص وافي من راس وافي

ابدعت ياشاعر و لاهنت

لك فائق الاحترام