ليلة التحرش بالبر

[الطائر المهاجر]

وهذه مقتطفة اخرى من ساحة الإقلاع

ليلة التحرش بالبر للأخت ست الـ666

ذيك السنة كان الجو ربيع ، والارض مليانه بقير وبسباس <<< تقولون غنم ندور الربيع
قال الوالد الله يحفظه نبي نخيم بالبر عشرة ايام
<<<<<< يا لهوووووووتي عز الله رحت فيها

ياني اكره البر كره ما تتخيلون
هالحين بينط علي واحد من حقين ذا الجيوب وبيقول والله انتس ما تفهمين
ياخي بكيفي ؟
وبيقول : اصلك خكرية
باقول له : كل تبن بس خكريه خكريه وانت وش دخلك انت وكشرتك
بيقول عيب عليتس هالكلام
باقول انت اللي بادي
بيقول اسف
باقول له اوكي
<<<<<<<<<<<<<<<<<< بغيت اتهاوش مع روحي قمت صفقت اخوي اللي جنبي اجل لو اروح الجاده

شرطت على ابوي انهم يزينون المخيم ويحطون فيه دورات مياه تكرمون
وفي الحمام مرايه علشان وانا افرش اسناني ارز رقبتي قدام .

طلعنا البر لقينا الخيام مطقوقه والمخيم من ابدع ما يكون
رحت اشيك اشوف حطوا حمامات لكن للاسف ما حطوا شيء

سألت ابوي قال وش بلاااااااااااتس انتي عندتس الشجر وانا ابوتس اذا احتجتني
حطيت يدي على خدي وبوبزت بالارض من القهر <<<< قاعد اتمرن

الطلعه كلها غرابيل
اذا حطوا الأكل جت هالذبان اللي ما ادري وش تبي
والرجال متكين وشاهي رايح وشاهي جاي وقهوه رايحه وقهوه جايه

ويجي ذاك الوقت الي احتجت فيه اني اروح للخلاء
ناديت ابوي من عند الرجال وسألته وين اروح ؟؟ عندي موعد هام وكبيرررررررررررر ؟
قال ابوي ( الخلا عندتس ) ارض الله واسعه
تلفتت يمين يسار ادور اكبر شجره فرنجي

والقى ذيك الشجره الصاده مره
واروح وااتركى عليها واقضى حاجتي <<< كلنا نسوي هالشيء لا تدققون

وانا منسجمه وحاطه يديني على خدي ومبوبزه وسارحه قاعده افكر باحوال الدنيا <<< ما يزين التفكير الا ذيك الحزه
الا ما دريت الا راعي ذاك الجيب اللي ما ادري من وين طلع وفيه شباب
ويقومون ويضربون بوري <<<< يعني ترانا شايفينتس ( كفوكم ).

وانز واقوم واقفه واسوي نفسي انقش اسناني <<< تمويه
واصفر واغني وادندن باغنية تناسب المناسبة اللي انا فيها
و هي ( الاماكن كلها مشتاقه لك .. والعيون اللي انرسم فيها خيالك ماهو بس انا حبيبي )
جيت قبل الخياس يبرد قبل حتى تطير الذبان <<<<< خربت الاغنية .

خلصت وخف راسي وصفت بشرتي لاني كنت مكتربه طول اليومين اللي راحت

وادخل الخيمه والقى البنات قلت لازم اقول نكته لهم عن الحمام
( فيه عجوز دخلت الحمام وقالت اعوذ بالله من الخبث والخبائث ) قال الشيطان ( تكفين يا هيفاء وهبي ).<<< مألفتها علشان اشوه صورة هيفاء

وخيم الليل بمخيمنا الحلو
كان كل همي من ذا الحشرات اللي تطير وتمشي وتدبي لا يجي شيء ويدخل باذني وياكل مخي

نمنا وهدت الصجه ومافيه الا صوت الماطور ( تررررررررررررر تررررر طررررررر طر طر طر طر ) <<< سمفونيه
وانا في غرقت النوم حسيت فيه شيء عند خدي
حسبته بنت عمي اللي نايمه جنبي تقلب علي

يوم رفعت يدي باوخره لينه ( شفايف ) <<< جاء في بالي انه حرامي بيبوسني خفت وانبسطت في نفس الوقت
فتحت عيوني باشوف منهو والخيمه ظلماءءءءءءءءءءءءءءءءءءءءءءءءءء ءءءءء
لقيته فوقي مرررررررررررررررررره ..

يدينه عند يديني
ووجهه عند وجهي
ورجوله عند رجولي وصدره تقريبا على صدري بس ارفع حوالي عشرين سنتمتر <<< مهندسه
يلعن آآآآبو آآآبوه ابن الكلب .

لينه واحد من الخرفان مفوحش فوقي
طقتني النفاضه وارتبشت وتصافقت ركبي
وابي اقوم ويخبط راسي بصدره
واصرخ ذيك الصرخه اللي سمعها القاصي والداني يمه يمه يمه <<< على بالي امي هالحين بتسوي شيء .. ما ادري ليش ننادي الام

انا حسبته جني متمثل على شكل خروف ويبي يدخل بي شافني مزيونه ومتكحله قبل انام يمكن احلم ولاي مشخصه
بس قلت شلون يدخل كل ذا ما يدخل الا اذا بيصير دخان مثل ( كاسبر ) <<< عاد تشيش احيانا ( وان كانه دخان مثل الشيشه مرحبن به.
<<<طراه موضوعي انا طحت بالمعسل .

ويقومون بسم الله عليتس بسم الله عليتس
يوم قال الخروف بااااااااااءءءءءءءءءءءءءء
كنه يقول خربتوا علينا

ويكشونه ويطلعونه براااا الخيمه وقوم اشاهق وانشق و اتركى على الرواق علشان اروق
فحمانه وعطشانه جاء بو لي عصير سن توب <<< كني مريضة بمستشفى
بغيت اطلب دجاجه شوايه ( على بالي مسلسلات مصريه )

قلت لابوي بكرااااااااااا الصباح ابي الرياااااااااااااااااااااااااا ااض
قال : كولي تراب بس على كيفتس ؟؟؟؟
قلت اجل اذبحوا اللي بغى يغتصبني والله لاكل من كبدته <<< مهيب عاقله هند بنت عتبه .

قعدت المح لابوي و كل يوم اشغل اغنية نبيل ( قلبي تولع بالرياض حبن ورثته من الجدود )
ابيه يفهمها بس هو احيانا الله يخليه لنا ( يتنح ).

الى ان حان موعد الرحيل شدينا وكان فيه واحد من الخرفان ما ذبحناه قالوا بيرجون به
وانا اركب السياره ناظرته
قام حرك حواجبه يعني ( حتى انا احبك يا جميل )
قمت فصخت الكعب وعلى راسه قلت اعقل نلقاها منكم وإلا من عيال التحليه.

شكرا لهم على امتاعنا
وارجو أن نتفاعل معه انتاجهم الإبداعي هذا ..

هههههههههههههههههههههههههههههه
قصه حلوه الله يرجهم هالبنات لو تجي حرب وهقونا الحين حتى الشباب معد بهم خير طالعين نواعم ويتابعون برنامج اكستريم ميك اب ^_^ (متابع له في اوقات الفراغ يبي يشوف خلقة الله في عباده اقول خل عنك اوبرا وينفري والباقي خس)


تحياتي لك ابو عبدالله ومشكور على الموضوع الجيد والممتع

[أم ريما]

ههههههههههههههه

والله قصه مقلعه

يعطيك العافيه يا مشرفنا على النقل الرائع اللي امتعنا


تحياتي لك

خخخخخخخخخخخخخخخخخخخ
هههههههههههههههههههههههههههههه ههههه

والله أنها قصة مشخلعة خخخخخخخخخخخخخخ

بس المشكله الله يهديها مايناسب البنت خبال من عيار ثقيل زي كذا

ذي بايعتها

ههههههههههههههههههههههههههههه
روووووووووووعة


بصراحة هالقصة فيها قوة زحف مو طبيعية


الله يوسع صدرك بالعافية

[الريم]

قام حرك حواجبه يعني ( حتى انا احبك يا جميل )
قمت فصخت الكعب وعلى راسه قلت اعقل نلقاها منكم وإلا من عيال التحليه.

لووووووووووووووووووووووووووووو ول

الله يرجهاا قسم بالله مت ضحككككك

يعطيك العاافيه مشرفنا

ويعطيهم مليون عافيه وربي يوسع صدروهم مثل ما وسعوو صدرونا

[بليهان]

شكرا لك
وبارك الله فيك
تحياتي

[المورد]

مشكور
على ما افدتنا به
تحياتي

[طويق]

بارك الله فيك
على ما تقوم به
احترامي

[خميس]

وفقك الله
وسلمت اناملك
تحياتي وتقديري