تمون

[عبدالعزيز البليهد]

ياعزوتي كل المسايير تفداك = تامر على وقتي مع الغير وتمون
وش خانة الدنيا والايام لولاك = حبك وطن ورظاك لي قلب وعيون
من غيرك ارضي يحفظ الله محياك = لك مابقى من والديني ومادون
ابشر بقلبٍ كل مافز حياك =يحن لك مابين خفقات وسكون
وابشر بعينٍ نورها في حلاياك =غديت قرتها من النون للنون
وكفٍ تحني بالمواثيق يمناك = على العهد لاخانك العمر ما اخون
ومشاعرٍ تعطرت في سجاياك =مــــــاهمها العذال مهمـــــا يقولون
وعقلٍ شرايد هاجسه حول لاماك=ياحي حيي كل هذا ومنون
انت الجواب لحيرتي عز مولاك= وانت الهواء ياكل الايام والكون
معذور شعري لاتغنى بذكراك =فيك القصايد صاغها القلب بلحون

[حي الضمير]

صح لسانك شاعرنا الرائع البليهد
قصيده رائعه وابداااع متجدد يامميز
أجزل التحايا والاحترام

[منيع]

ابداع رائع ومتجدد منكم اخي عبدالعزيز
بارك الله فيكم
كل الود والتقدير
تحياتي

[احمد الجريفاني]

لاجديد سوى الابداع هذا انت دائما حفظك المولى 0

[الطائر المهاجر]

سلمت وصح لسانك وفكرك
واعتلى شأنك
نص رائع من شاعر رائع
لاهنت
تحياتي الطيبه

[ترانيم المطر]

صح لسانك مد لا عدد

لا جديد سوى الإبداع والتميز

دمت ودام تميزك

[ام العمده]

صح لسانك واعتلا شانك

لاهان راسك

دمت بخير

[مشعل الشايقي]

عذب الاحساس


راقي الفكر


الشاعر عبدالعزيز



لله درك على هذه الدره



صح لسانك ملياااااااااار صح لسانك




تحيتي وتقديري

[الطامي]

البليهد
صح السانك ملايين
جزلة وطيبه
لاهنت

[صعبة المنال]

الله الله

صح لسانك

صعووووووب