عادة عرب

[عبدالله الشويمان]

السلام عليكم ورحمة الله وبركاته..

اليكم هذا النص اتمنى ان يصل الى مستوى الاعجاب.

يالله عسى وسم السنه ديميه=وتِطوِّل بعمري وتسد إعوازي
واشوف كل الارض خضراء حيه=وفز للمكشات فزة غازي
اجي مكانٍ كنه الزوليه=في خوتي نشمي مهو قمبازي
قَََبْلَ اجْلِس آبفرش انا التركيه=وَنَزِّل العزبه وسمر حجازي
وشب ناري واحمس إحفاشيه=بن اليمن للراس طب الرازي
ودقها في نجر يطرب ميه=ويهيِّج الطربان للنقازي
ولقم القهوه ببغداديه=لا فاحت وخثرت رمزت رمازي
أبهر الدله وزيد بليه=من هيل هندي وزعفرن شيرازي
وافرح الى جاني من الطرقيه=اصب له فنجال من انجازي
كيفٍ يعدل الفكر والنفسيه=عادة عرب ماهيب عادة نازي
في خايعٍ والعشب مابه زيه=من كل نبت امن المطر فزازي
يجلي همومٍ لو مهيب شويه=تنتاب نفس حزها حزازي

عبدالله الشويمان-الرعد

[حي الضمير]

كفو يابوبدر هيضتنا للوسم والربيع
ومدد صح لساااانك
شاعر كبير وجزل
وابدعت كعادتك

[الطامي]

الشويمان
صح السانك ملايين
جزلة وطيبه
قول وفعل ابو بدر
لاهنت

[عدنان كريزم]

صح لسانك يالمبدع ابو بدر


لا هنت غلاي على الجزاله



تقديري

[حوريه]

بوح جميل عبدالله
صح لسانك مدد لا عدد
قصيده رائعه وجميله من شاعر
رائع ومتمكن

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[مبروك بن ماضي]

الفاضل : عبدالله الشويمان
صح لسانك وجاد بيانك يالرعد
وتسلم يمينك على هالشامخه
جزله من شاعر جزل
سجل الاعجاب والتقدير
تحياتي واحترامي ،

[نافع بن محمد البويت]

الاخ عبدالله الشويمان وصف رائع لاهتت

[عبدالله الشويمان]

المشاركة الأصلية كتبت بواسطة حي الضمير

كفو يابوبدر هيضتنا للوسم والربيع
ومدد صح لساااانك
شاعر كبير وجزل
وابدعت كعادتك

صح بدنك اخوي خالد

مرورك نور وزاد القصيده بهاء

اشكرك على الاطلاع والمتابعه..ولاهنت

دمت بخير وصحه وسلامه

[سناعيس]

الله الله
صح لسانك ولله درك
كفو يابو بدر
في كل شيء شقردي ماشاءالله عليك
وعسى الله يجيب الخير اللي يخليك تمارس هوايتك المفضله
كلك مراجل وعلوم غانمه
لاهنت ياغالي

تحياتي