الميدان يا حميدان،،المجال مفتوح!!

[خالد بدر]

السلام عليكم ورحمة الله وبركاته،،

المجال مفتوح،،للشعار وأتمنى أن اكون عند حسن الظن!!!

سلام ردية ما هل وبل السحب=عندي علومن وجت ياقوم في حينها
من هو تقدم نبى انجيب كل الذهب=كله لاجل هالرجال اللي عرف دينها

[الطائر المهاجر]

المشاركة الأصلية كتبت بواسطة خالد بدر

السلام عليكم ورحمة الله وبركاته،،

المجال مفتوح،،للشعار وأتمنى أن اكون عند حسن الظن!!!

سلام ردية ما هل وبل السحب=عندي علومن وجت ياقوم في حينها
من هو تقدم نبى انجيب كل الذهب=كله لاجل هالرجال اللي عرف دينها

ولك مثلها يالبدر لا من بغيت الطرب = هات العلوم النظيفه ماعرف شينها
خابرك تهوى المقالب مثل غرب قلب= كل ماتعدل مياله رحت في سينها

[خالد بدر]

الله أكبـــــــــــــــــــــــــــ ــر،،ياسلام يا سلام...

ماهوى المقالب ولا حبيت حتى الشغب=الحمل ما مال مبطي اول اسنينها
خابر انا الطير طار وقع وبه نصب=ماهو من اصقور شالتها جناحينها

[الطائر المهاجر]

المشاركة الأصلية كتبت بواسطة خالد بدر

الله أكبـــــــــــــــــــــــــــ ــر،،ياسلام يا سلام...

ماهوى المقالب ولا حبيت حتى الشغب=الحمل ما مال مبطي اول اسنينها
خابر انا الطير طار وقع وبه نصب=ماهو من اصقور شالتها جناحينها

حطيت لي طعم قلت الحبارى وجب = واثرك حصيني ولاانته من ميامينها
لكن ابصبر وبرجي اللي لرزقه وهب= يفكني منك فانته من شياطينها

[خالد بدر]

الخيل تعرف من اللي قد عليها ركب=ماني من اللي مكحِـــــلها ومعمينها
ماودي أعجب وللوالي جميع العجب=يا زينها دامها جت منك يازينها

[نجم الإبداع]

خالد بدر
ابو عبدالله
صحت قلوبكم وانا بصف خالد
عليك بالعود ياخالد لااوصيك

تحياتي ومودتي

[ماجد المهدي]

وانا بعد معاً ضد الطائر المهاجر هههههههههههه

صح لسانكم ولا هنتوا

[خالد بدر]

فلاااااااح

ياهلا وغلا مليون..

تأمر أمر((ازهله))هههههه

ماجد المهدي..

تحياتي لك

وتسلم//

[عبدالرحمن الصباح]

حيا الله الجميع

[الطائر المهاجر]

المشاركة الأصلية كتبت بواسطة خالد بدر

الخيل تعرف من اللي قد عليها ركب=ماني من اللي مكحِـــــلها ومعمينها
ماودي أعجب وللوالي جميع العجب=يا زينها دامها جت منك يازينها

خيل عليها الثلاثه طايره في المهب = عاصوفي اللي يغطس الخيل في طينها
من شجعك يدفعك تحرق بنار اللهب= وابو لهب مافزع لابو جهل حينها