ودي اسولف لك ..

[هترل]

لو شفتني ساكت اناظر شفاتك =لا تحسب اني سارح الفكر ومتيه
"ودي اسولف لك وابين غلاتك" =واعلمك بالي لك القلب خافيه
اشتاق انا ..لـحسنك ولـسيئاتك=واوله على شوفك وقلبي تسليه
ما شفت غيرك في عيوني بحلاتك =حسن ودلال وطبعك الي محليه
ان الغنج شي متاصل بذاتك=وعودك اللين رعى الله ساقيه
ودي اشوفك مهتني في حياتك =بين الضلوع العوج مسكنك بانيه
الجسم عايش لكن الروح جاتك =جسمٍ بليا روح ماعاش راعيه
سبحان ربٍ كملك في صفاتك =حتى القمر تدعيه ويقول لبيه

اتمنى ترتقي لذائقتكم

[الطائر المهاجر]

صح لسانك وفكرك
ولاهان راسك
تحياتي

[أم ريما]

صح لسانك

قصيده جميله

يعطيك العافيه يارب

ولاهنت

[همس الورد]

صح لسااااانك مليوووووون و صح بدنك

بوووووح رائع

تحيتي

[داعي الشوق]

صح لسانك مليوون يالشاعر

معاني جميلة جدا

و ابداع رائع

تقديري لك

وصح لساانك مع التحية

************

[علي سعود العازمي]

صح السانك أخي محمد أبدعت
أخي الكريم

تحياتي لك
(تم التعديل من قبل الإدارة التعليمات تمنع النقد يرجع لها)

[سعود القلادي]

صح لساانك على هالقصيده الراائعه

وبيض الله وجهك

تحياتي وتقديري

سعود عبدالله القلادي

[الـزلـزال]

محمد القثمي

بوح رائع وجميل

من شاعر رائع ومتميز فيما قدمه

أبدعت وأمتعت رعاك الله

صح لسانك ملايين ملايين

ولك فائق تحياتي وتقديري

[منيع]

ابيات اكثر من رائعه
تحياتي لكم

[هترل]

المشاركة الأصلية كتبت بواسطة الطائر المهاجر

صح لسانك وفكرك
ولاهان راسك
تحياتي

صح بدنك يادكتور لا هنت لا هنت

مرورك يلهمني فخر الله يوفقك


دمت بود ،،