أجمل أبياتك الضاحكة

[الطائر المهاجر]

هنا فرصة لكل الشعراء والشاعرات الفطاحلة أن يسجلوا أجمل أبياتهم الضاحكة
وبما لايزيد عن بيتين :

الرجل مرسدس في عزمه متيـن=لو وصل تسعين شدة مصنعه
والمره لا من تعدت اربعين = كنها الهونداي تبدا القربعه

[الينوفي]

ياصيدلى عجل ترانى على نار= خلى مريض ن وانت تمشى على الهون
لاتحمل اللى بالهواجيس محتار = يجيك ولا يلقطك بالتلفون

[نجم الإبداع]

(هت الخطاء على الخله)هههههههه يعني(حط الغطاء على الحله)

افتكر رحله سعيده قبل مده = قدرنا والنار تشفي كل عله
صار تكليجه وصاحبنا نوده = الغطا حطه خطا والقدر خله

مشكورين على الشعر مره جميل

ممكن سؤال محيرني أبي أعرف وش معنا (ن) في الأبيات مثل :

ياصيدلى عجـل ترانـى علـى نـار
خلى مريض (ن) وانت تمشى على الهون

[الطائر المهاجر]

هلا بك اخي الكريم
هذي اعتاد البعض على استخدامها بدلا من التنوين
فبدلا من كتابة : مريضٍ ، حيث تحت الضاد كسرتين
يحط نون بين قوسين ، والبعض يكتبها بالتنوين مباشرة

[احمد هادي المضياني]

هذي قلتها بولد عمي واخوي

دق المراوح وفك البــاب ...... عايد ذبحنا بدخانه
وابو شنب خاطره ماطاب ...... دايم يملل عشرانه

يـابــنـت خفــّي ذبحتس الــرزّ =حتى المطاعم تشكنتس
كـل الـكراسـي تــقــوم تــقــزّ=لامـن لــفيـتـي تـهبــنتس

لي صاحب(ن) كنه البيبسي
//////////او هو حليب السعوديه
مشيه مع الخلق بالعكسي
//////////واويل منهو بكذا هيه
اخوك سراب الراحل

[الطائر المهاجر]

لي صاحب كن القواطي ثناياه = بشفت بعيرٍ ما درت بالقواطي
وخشمه كراج والتريله بمثناه= ولا من ضحك ينحاش منه المقاطي

[الطامي]

ولنا مشاركه

لي صاحبن كن القواطي ثنياه = ريحه ايبعد ماخذين القمامه
واخشمه اللي كنه بيتن بمبناه = واعيونه اللي مثل بيض الحمامه