فار دمّ الشمّري لاجلك وشاش

[سهيل الشمري]

فار دمّ الشمّري لاجلك وشاش = والقوافي من طنايا جتْ تهوش
والزّرمْ نرْفزْ لوجهٍ به بشاش = والطّناخه سكّره مِرِّ يجوش
يابعد حيّي ترى مابه نقاش = جيت وعروق الضياغم لي تنوش
من عقب ماضايقتْك اهل العشاش = وافْحموك بصنْع تاريخ مغشوش
لايهمّك عذْل من دوره هماش = مِسْرديِّ مانهل عزّ العروش
مايطول من اللحم غير العراش = ولا ينول من الكسب غير القفوش
سحْب صيفٍ ماورا برقه رِشاش = لاتهشّ ولا تنشّ ولا تحوش
وانت يالعزوه مدام الحقد ناش = مادعى دمعتْك تكسي للرّموش
قلْ هلي بيّاعة العمر فبلاش = لاتعزْووا واطبقوا مثل الوحوش
الطنايا مرْوِية حدْبٍ عِطاش = الطنايا العزّ والطيب الرّهوش
هم هلك ياعين من لارْضاك هاش = يوم كدّر خاطرك دفّ الدّحوش

[عبدالعزيز العقيدي]

سهيل
هلا وغلا
اسعدني الحظ بمعانقة هذه الفاتنة
أبدعت وصح السانك
تسلم على ما خطته يمينك
تحياتي لك

[ابو أنس]

الغالي سهيل....................
مرحبا بك وبكل جديد يشعرنا بتواجدك
فنحن نتساءل عنك وننشد لقاء ومصافحة حرفك الشجي

هنا وبما ان القصيدة مسببه ولها محرك ودواعي.....
فسأعلق عليها كقصيدة سلسة جميلة غير مستغربة من شاعر فحل
لك كل الشكر ومرحبا بحضور ننتظره ونترقبه ونسعد به
لك تحيتي وودي

[صوت الإحساس]

صح لسانك ياسهيل


تشرفت بحضوري هنا


لك الشكر على روعة حضورك


أنتظر بشوق جديد حرفك

[هاجس نجد]

صح لسانك أخوي الشاعر / سهيـــل
والنعم بك وبربعك
قصيدة هادفة وذات مغزى عميق
تقبل إعجابي
لك مني التحية والتقدير
أخــوك
هاجس
H
نجـــــد

[الطائر المهاجر]

وش عندك خابرك جبل
أكيد شي زلزل الجبل .. لكن ما علي منك خذ:
خابرك ياسهيل ما تقبل غشاش = ولا تداني هرج افاك غشوش
تنتخي وتهوش في صدرك جياش = والطناياصاروا اطعام الجحوش
في العراق الحق عليهم بالغباش = ما لقوا فزعه من كبار الكروش
الحكم للي تسيّدهم بلاش = الصدر والمالكي وارذال بوش
خل عنك هالسوالف وعطنا من احبك وتحبيني

صح لسانك
ولاهان راسك
تحياتي الطيبة

سهيل
القصيده رائعه مابه نقاش000وياحلاة القافيه يومه تهوش
صح لسانك ياسهيل ابيات جميله
ابدعت في نظمها
تقبل تحياتي

[محمد الأحمري]

صح لسانك ياغالي وبيض الله وجهك
ونعم فيك ونعم بربعك
رائعه من شاعر رائع
وننتظر جديدك وجميلكـ

تحياتي لكـ

[سعود المسعد]

سهيل
صح لسانك
ودام هتانك
لك الود

[مبارك أبوظهير]

الله الله



سهيل ..



ألف صح قلبك وفكرك .. أبدعت ..


وألف ألف نعم بالطنايا .. قول وفعل .. ولايهونون القبايل الأخرى ..



قصيده محبوكه صح .. وقافيه جدا جميله وصعبه .. طوعتها بجمال متناهي .. لله درك .



إعجابي .. غلااااااااااااااي




م ن