لقيت الناس في عصر الحضاره

[الطائر المهاجر]

لقيت الناس في عصر الحضاره = تبيع الدين لا عقل وبصيره
تخادع نفسها في كل تاره = وتخدع غيرها في كل سيره
تبي المكسب بعرضه للتجاره = ولا تخشى لعلام السريره
ولو خاوت عدو بكل غاره = لهدم الدين بافعالٍ خطيره
تعرف الناس تركض بالاشاره= بلا تمييز للدين ونصيره
اذا من شافوا اللي به شطاره= بإ ظهار التقى بهرجه مثيره
يشوفوا فيه رمزٍ للطهاره = ولا يدرو عن اهدافٍ ستيره
وهو حصني ولو اظهر وقاره= يبي للمصلحه من دون غيره
بعد ما كان في اقصى انحساره= بفقر وغم وهمومٍ كثيره
غدا شيخٍ واعطوه الإماره= على خرفان في ارذل حظيره
حظيرة جهل يخدعها شعاره = غسل لعقولها واعمى البصيره
تكفر من يرى خالف قراره= ولو تقتل برئٍ في سريره
ودين الله برئٍ من مساره= لمن يفهم باصوله والشعيره
ولو تبحث بعقلك باستناره= لقيت ان السبب اخطاء كبيره
بتعليمٍ نلاحظ انحداره = يبرمج للصغار بكل ديره
اخذ بالقشر كي تنتج ثماره = جسوم بغال وعقولٍ صغيره
تلقفها الأعادي بالبشاره = اداة في اياديهم حقيره
يشبوا النار باصرار وجساره = بإسم الدين يبغون البريره
ويبدا الجار يقتل في جواره = وتنحدر الشعوب الى الحديره
ويضعف جيشهم دون اختياره=بحروبٍ داخلياتٍ خطيره
فلا يقدر يرد لغزو جاره= ولا يحمي لشعبه في نفيره
وتستعمر اراضيه بجداره= وتسرق ثروته لو هي يسيره
متى نصحى ونبني للحضاره = عقول كبار بالدنيا خبيره
تعرف اللي يخطط في حقاره =من الاعداء واذنابٍ اجيره
لتفتيت الديار الى شذاره = فلا تلقى لدين الله نصيره

[داعي الشوق]

يشبـوا النـار باصـرار وجـسـارهبـإسـم الـديــن يـبـغـون الـبـريـره
ويبـدا الجـار يقـتـل فــي جــوارهوتنحدر الشعـوب الـى الحديـره

------

الله الله يا دكتوور

قصيده حكيمه من حكيم و ع الجرح

صح لسانك و حالك و بالك

ولاهنت لاهنت

[الطامي]

ماشاء الله تبارك الله
دكتور صح الله السانك ملايين
ابداع جاء على الجرح لافض فوك
شكرا لك

[منيع]

اجدت وابدعت واصبت
شكرا لك
تحياتي

[ساهر الليل]

قووووويه يابو عبد الله

صح لسااانك وفكرك

تحياتي وودي

[عصام عبد الحميد]

الله الله عليك يا دكتور

ابداع مميز
صح بوحك وحرفك
شكرا لك

[بنت النور]

صح بوحك وحرفك يعطيك العافيه
لاهنت شاعرنا
تحياتي واجلالي

[الخنساء]

مـتـى نصـحـى ونبـنـي للـحـضـاره
عــقــول كــبــار بـالـدنـيــا خـبــيــره

تعـرف الـلـي يخـطـط فــي حـقـاره
مـــن الاعــــداء واذنــــابٍ اجــيــره

لتـفـتـيـت الــديــار الـــــى شـــــذاره
فــــلا تـلـقــى لــديــن الله نـصـيــره

صح لسانك ملايين

جزلة من شاعر متمكن

سلمت ودام حرفك

[كاتم الأحزان]

قصيده من الطراز الاول
صح لسانك
ولاهنت
ودي واحترامي

[حرف وشعر]

نص هادف يابوعبالله

بارك الله فيك