ظلمة الفكر والعمر

[كظيم]

يابو سعود الصبح يضوي بنوره=وانا سريت بظلمة الفكر والعمر
كلن خذا في دنيته حلم صوره=وانا خذيت من الزمن عجوة التمر
العمر ساعه مثل شوطين كوره=مغلوب ياغالب وخاسره للجمر
أو سجن جدرانه تمايل بسوره=فيه القيود وساجنه يتبع الأمر
من حاكم ٍ طاغي محصن قصوره=فاجر تجبّر ضاع عقله مع الخمر
والقيد مكتوبه قضى منه طوره=يزأر بذاته وسط غابه مع الغمر
وإللي تمنيته يجيني ابحضوره=سافر وهاجر سيّد البيض والسمر

[داعي الشوق]

الله الله يا عبدالله

صح لسانك على الابيات الجزلة

ولاهنت يالشاعر

مبدع دائما

[الطائر المهاجر]

ارحب يالوقيدي
والحمدلله على السلامه
جزلة وطيبة من راس طيب
لاهنت
تحياتي

[احمد الكثيري]

نص رااائع بارك الله فيك

رائع رائع يا شاعر

صح لسااانك واعتلى شانك

جزله من راس جزل

لاهنت

تقبل مروري

[عبدالعزيز العمار]

هلابك ومرحبابك اخوي عبدالله

الحمد لله على السلامه تو مانورت الفطاحله

صح لسانك على هالرائعه والجزله ولاهنت

تحياتي لك

[عبدالله الشويمان]

صح السانك يا اخ عبدالله

ابيات فيه الحنان وفيها القسوه..والجزاله.

دمت بخير وصحه وسلامه ولا هنت

[الطامي]

الوقيدي
صح السانك ملايين
رائعة جدا
لاهنت اخي

[عمر ال شيبي]

ارحب شاعرنا الوقيدي
وصح لسانك مليون المليون

[كظيم]

المشاركة الأصلية كتبت بواسطة داعي الشوق

الله الله يا عبدالله

صح لسانك على الابيات الجزلة

ولاهنت يالشاعر

مبدع دائما

ارحب حياك الله يابعـــدي
صح بدنك وكلك لاهنت يالنشمي
تشرفت بتواجدك العذب لاعدمتك
ينطيك العافيـه
كل ودي وتقديري