الجامعة العربية ماجد الزيد *مهند الخالدي

[ماجد الزيد]

ماجد الزّيد: =
الله واكبر يا مهنّد ليه هو ذل ّ الحرار =ذلِّ لك الله يلهد كبود الرجال يسمها
الرّوم تاطى خدّنا وصيهون ينحرنا نهار=امّة عروبة يرحم الله خالها مع عمها
حنّا حرار ! وفي يدينا دلّة وباما تدار=دلّه لك الله خفت اسمّيها رجيتك سمها

مهنّد العشيش: =
حنا على الاوكيه مووت وعزنا بالانتظار=والا العرب ياصاحبي مهدور حتى دمها
اف ١٦ تقلع علينا من مطار اليا مطار=ياصاحبي ماعاد فيها فن نبغى نطمها
الدله اللي زعفروها بالعراق وقندهار=واليوم غزه تحتضر والناس ذي ماهمها

ماجد الزّيد: =
عشرين عام ٍ من نشيت وامّتي في انكسار=من يوم انا غلام ٍ تمسّح دمعها في كمها
جيل ٍ يموت وجيل يحيى نرتجي يوم انتصار=وكل يوم نلطم لطمة ٍ بخشومنا ونلمها
حنّا نسمّي من يموت لأمّته مات انتحار=اللي معا نسف الحزام الحور جتْه وضمها

مهنّد العشيش:=
يا امةٍ فيها تموت اكبارها قبل الصغار=والبنت صاحت تشتكي من فعل ابوها وامها
على فلسطين الحبيبه يوم وجّهت الرادار=واللي نشوفه ناشف ٍ بين الشقايق جمها
نرفع شعارٍ من سكاكا الجوف .. لا لا .. للحصار=فيه احتجاج ولاعلينا لو لتحنا سمها

ماجد الزيد: =
الله يشهد وصّلت ذا اليوم حد الانفجار=نبغى نفجّرها لعين المسلمات ندِمها
كم مسلمه توخذ سبيه والدمغ في وسط بار=وامّ الخبايث كان ماراحت بعقل ٍ شمها
.......................................=والقدس لا صاحت يصكّون بيديهم فمها

مهند العشيش: =
ياعمرو موسى الجامعه ماخرجت شروى نزار=قمم قمم تعقد ولكن غارقه في يمها
لو كنت عايش ياامين الجامعه خلف الجدار=هو يستريح البال والا القوم واجب ذمها؟
وانا ادري انك ....................=وانا ادري انه مختلط بكم البشر مع صمها

ماجد الزيد: =
الجامعة ماتت وثار المسلمين اليوم ثار=وشعوبنا ثارت ونبغى من يجي ويؤمها
الله واكبر زلزلت واشنطن و روما جهار=ونفوسنا تاقت الى حور الجِنان نْخمها
العمر واحد والممات اهو الممات .وعيب عار=(ا)نْموت موتات البهايم والنّسور ترمّها

مهند العشيش=
ظاهر على التلفاز منظر فيه انواع الدمار=واهل الحجر في قلب غزه قد تكاثر غمها
متى هدير جيوشكم يحفظ لنا وجه الوقار=شافيز لامسلم ولاهو يعربّي وزمها
امّا نقوم اليوم قومه يا طويلين العمار=والا ترانا امةٍ ما تستحي من دمها

[محمد عبدالله البدراني]

العزيز الغالي ماجد حمد الزيد سلمه الله


صحت الالسن


واعتقد ان مكانها الصحيح قسم المحاوره والمساجله


تحيتي

[الـزلـزال]

ماجد حمد الزيد


محاوره رائعه ومميزه

تطرقت لألم عربي مؤلم

صح لسانك ملايين ملايين

وصح لسان مهند العشيش

تقبل فائق تحيايي

[عبدالعزيز ابراهيم المنصور]

سَلِمْتُم وسَِلم الشَاعِر مهند

كَلِمَات فِي قِمَة الرَوعة

نَصّ يُحَاكي واقِعُنَا المّرير

سَلِمْت يا ماجد

لافضّ فُوك

دُمْتَ بِخَير

[رفيعة الشان]

والقدس لاصاحت يصكون بيديهم فمها

ولا ترانا امتن ماتستحي من دمهاا

صح الله السنتكم جميعاً

وبيض الله وجيهكم

وربنا يصلح الحال

لاااهنتووا

[زهرة اللوتس]

صح الله لسانكم
جزلين ماشاءلله
تبارك الرحمن
تحية طيبة

زهره

[ماجد الزيد]

الشّكر لجميع المرور الكرام

[الطامي]

الزيد
صح السانتكم
لاهنتم
صوت وصدى رائعه جميعها

صح الله السن الشعراااااااااء

محااوره جزله ومعااني عميقه

لا هنتم

موج القصيد

[الحــ فهد ــربي]

الله واكبر زلزلت واشنطن و رومـا جهـار
ونفوسنا تاقت الى حـور الجِنـان نْخمهـا
العمر واحد والممات اهو الممات .وعيب عار
(ا)نْموت موتات البهايم والنّسـور ترمّهـا




صحت السنتكمـ ..

والله إنكم وفيتم وكفيتم ولاقصرتمـ ..

عبرتم عن مابخاطركم وما بخاطر الشارع العربي كلهـ ..