مسيارها

عمر ال شيبي · 13-09-2010, 10:29 PM

مسيارها

الناس قالت بالمثل شي ٍ كثير= اول وتالي والعدد معيارها
الف وْألاف مْألّفه ماْبْها زوير = من ذاْ الْقِدم دور الجدود احوارها
في كل حاله للعيون اللي تسير =صوب العقل والمعرفه نوّارها
قالوا تمدن يا بدوي وشرب عصير = ما لك معيشه من عقب محضارها
شوف التقدم والعلم حنا بمسير= في دنية ٍ جابت علينا اغبارها
اللهُ اكبر يا عرب لبس القصير= فوق الركب تشعل رماد اجمارها
والعين تشرب والظما انك بصير= لي فتنه الاسواق ويليْ ازوارها
لي نار عظمه ذي جهنم لك مرير= يومن تشارك فكرها وفكارها
والله سويده وْلا دريت ابها يسير= صوب المشقه والجوار اجوارها
يومن تجيك الغره والصدر الصغير= فارع ودارع للمشاعر دارها
وللا الشعر هفهاف بالريح المطير = وللا الشفايف الهبت مشوارها
ويل ٍ عليا والعطر جاب الدوير= يومن تغنّا بالشعر وشعارها
زادت هواجس والفكر عند العبير = ويلي على ويل الشباب اصغارها
صوب الخطا والشرب كاسات الشعير= اول بدايه للدلع معصارها
تال الوقت (الجون ووكر) ما يصير= يذهب بعقلك والبلايا ادوارها
ودك على ود الوداد الدور دير= بين النهود اليا لقيت اغوارها
هز الردف ملعون بيّه من العسير = في وسطها نقش الحنا وعسارها
ما هوب قريبه لو تدندن له شوير = الدفع قبل الرفع قالوا اشْعارها
تجلس بقربك والدراهم سحب زير= يومن بتشرب وش يفيد اشوارها
لا بد تفهم للحياة ابلا سوير = ما لك حَمي عقب السواد اخيارها
فكر عسى قلبك يغيظ مْن الدّمير= لا شفت نفسك بالمرايا اسرارها
يومن تجي يا وضحها وضح الصوير = مطبوعة ٍ بوح الخبايا اخبارها
فضح وفضايح بالعرب يا بن الامير = عند المسا وش حالتك مسيارها
بختم كلامي موغصب لكن نوير = لي كل عقل ٍ لا عرف محوارها
واستغفر الله ما هقيت اني بغرير= لا جت قصيده والحقيقه انوارها