انا عهدي على وقتي!!

[شجون القصيد]

.

. .

. . .

نفذ صبري على بعض البلاوي = وانا عهدي على وقتي حليمه
نصحت القلب ياقلب الشقاوي = تمهّل واخر العاصوف ديمه
اعرفك ماتحرك لاي غاوي = هل السقطات ماله أي قيمه
ولي عقلٍ من الطولات راوي = مع المخطي عليم الله حكيمه
رفيعة راس لي بعض الهقاوي = معي فكرٍ تسانده العزيمه
ليا عقلي قطع بالراي ناوي = يشور اللي سبقني بالغنيمه
اذا شوره تحليه الفتاوي = رخيت لجام نفسي للعظيمه
ولو ميّلت حتى بالغناوي = ختمت الليل مع وتري اقيمه
اصفي نيتي وانسى الدعاوي = ولا لي في هروج اهل النميمه
مربيني على العزه نداوي = له كفوفٍ على البايس كريمه
عظيمٍ ماتحركه الشكاوي = يداويها ولو جت له سقيمه
وانا حتى ولو وقتي يراوي = اخلي الغث واغنم بالسليمه

[عبدالعزيز البليهد]

عزالله كفو بنت رجاااااال واخت رجال

صح لسانك ولاهنتي ابداع وجزاله

[الفنان فهد]

اعرفك ماتحـرك لاي غـاوي
هل السقطات ماله أي قيمـه
ولي عقلٍ من الطـولات راوي
مع المخطي عليم الله حكيمـه

الشاعره شجون
الحرف
والقصيد مدرسه متجدده جيوش وفيالق لا معدوده اهني
فيك الشاعريه
والكثافه الشعريه بوح ولا اجمل وتصوير جدا ممتع تبارك
الله والى الامام
ومزيد من ابداعاتك فنحن عطشا لعذب القوافي

اصفي نيتي وانسى الدعـاوي
ولا لي في هروج اهل النميمه
مربيني على العـزه نـداوي
له كفوفٍ على البايس كريمه

الف والنعم يا شجون

تقبلي مروري ولك من التحايا اثمنها ...... فهد

[حمود السكراني]

ولي عقلٍ من الطـولات راوي

مع المخطي عليم الله حكيمـه

رفيعة راس لي بعض الهقاوي

معي فكـرٍ تسانـده العزيمـه

كفوء وسلم بوحك قصيدة تجلا بها التمكن والمعرفة سلمتي

[الراقي]

كتبتي فأبدعتي

وتألقتي

صح لسانك

لك كل الشكر

^^^^^^^^^^^^^^^^^

[شجون القصيد]

الفاضل عبد العزيز البليهد

كفوك الطيب اخوي اشادتك وسام لي

صح بدنك ملايين تشرفت بمرورك العطر

خالص شكري وتقديري

[شجون القصيد]

الفاضل فهد الخزمري

تشرفت بمرورك الثري

اشادتك شهاده اعتز بها

وكلماتك العذبه اضاءت متصفحي المتواضع


خالص شكري وتقديري

[شجون القصيد]

الفاضل بعيد المدى

كفوك الطيب اخوي

يسلم راسك

سعدت بمرورك العطر

خالص شكري وتقديري

[داعي الشوق]

شجوون وفنوون القصيد

صح لسانك يالشاعرة

تناثر الابداع بين حروف الكلمات

تقديري لك

وصح لسانك مع التحية

************

[نفحات حساسة]

صح السانك.. ولاهنتي

شجون

ونعم فيك والله..نص رائع

سلكتي وسلم راسك

تحيتي لكي..